OnePlus స్మార్ట్‌ఫోన్‌పై రూ.6000 డిస్కౌంట్‌.. 6.7 అంగుళాల డిస్‌ప్లే, 5000mAh బ్యాటరీ సహా కీలక స్పెసిఫికేషన్లు!

వన్‌ప్లస్‌ నుంచి ఇటీవల నార్డ్‌ CE 4 స్మార్ట్‌ఫోన్‌ విడుదల అయింది. తాజాగా ప్రముఖ ఇ-కామర్స్‌ సంస్థ అమెజాన్‌.. వన్‌ప్లస్‌ 11 హ్యాండ్‌సెట్‌ పై (OnePlus 11 Smartphone) భారీ డిస్కౌంట్‌ను ప్రకటించింది. డిస్కౌంట్‌, కూపన్లు సహా ఎక్స్చేంజీ ద్వారా ఈ ఫోన్‌ అత్యంత తక్కువ ధరకే కొనుగోలు చేయవచ్చు.

వన్‌ప్లస్‌ 11 స్మార్ట్‌ఫోన్‌ గత సంవత్సరం ఫిబ్రవరిలో లాంచ్‌ అయింది. ప్రస్తుతం ఈ హ్యాండ్‌సెట్‌ ధర రూ.56,999 గా ఉంది. అయితే అమెజాన్‌లో (OnePlus 11 Smartphone Amazon Offer 2024) ఈ ఫోన్‌పైన డిస్కౌంట్‌ కింద రూ.2000 తగ్గించింది. ఫలితంగా ఫోన్‌ రూ.54,999 గా ఉంది. దీంతోపాటు రూ.4000 కూపన్‌ను పొందవచ్చు. ఫలితంగా ఈ హ్యాండ్‌సెట్‌ ధర రూ.50,999 గా ఉండనుంది.

దీంతోపాటు పాత స్మార్ట్‌ఫోన్‌ను ఎక్స్చేంజీ చేయడం ద్వారా రూ.27,600 వరకు తగ్గింపును పొందవచ్చు. అయితే హ్యాండ్‌సెట్ కండిషన్‌ ఆధారంగా ఎక్స్చేంజీ ధర నిర్ణయించబడుతుందని అమెజాన్ తెలిపింది. అయితే ఈ వన్‌ప్లస్‌ 11 స్మార్ట్‌ఫోన్‌ అనేక కీలక ఫీచర్లు, స్పెసిఫికేషన్లను కలిగి ఉంది.

వన్‌ప్లస్‌ 11 స్మార్ట్‌ఫోన్ 6.7 అంగుళాల సూపర్‌ ప్లూయడ్‌ అమోలెడ్‌ డిస్‌ప్లే, 120Hz రీఫ్రెష్‌ రేట్‌తో అందుబాటులోకి వచ్చింది. ఈ హ్యాండ్‌సెట్‌ స్నాప్‌ డ్రాగన్‌ 8 జెన్‌ 2 చిప్‌సెట్‌ పైన పనిచేస్తుంది. 16GB LPDDR5x ర్యామ్‌ను కలిగి ఉంటుంది. ఈ ఫోన్‌ నాలుగు వేరియంట్లలో అందుబాటులో ఉంది.

8GB ర్యామ్‌ + 128 అంతర్గత ‌స్టోరేజీ, 12GB ర్యామ్‌+ 256GB అంతర్గత స్టోరేజీ, 16GB ర్యామ్‌ + 256GB అంతర్గత స్టోరేజీ, 16GB ర్యామ్ + 512GB అంతర్గత స్టోరేజీ వేరియంట్లలో అందుబాటులో ఉంది. ప్రస్తుతం మార్కెట్‌లో ఉన్న ఫ్లాగ్‌షిప్‌ ఫోన్లలో ఒకటిగా ఉంది. 100W ఫాస్ట్‌ ఛార్జింగ్‌ సపోర్టుతో 5000mAh బ్యాటరీని కలిగి ఉంది. కేవలం 30 నిమిషాల్లోనే 0-100 శాతం ఛార్జింగ్‌ పూర్తిచేయవచ్చు.

ఈ వన్‌ప్లస్‌ 11 స్మార్ట్‌ఫోన్‌ వెనుకవైపు ట్రిపుల్‌ కెమెరాలను కలిగి ఉంది. 50MP ప్రైమరీ కెమెరా, 48MP అల్ట్రావైడ్‌ కెమెరా, 32MP టెలీఫోటో కెమెరాను కలిగి ఉంది. ఈ కెమెరాలతో 60fps తో 4k వీడియోలను రికార్డు చేయవచ్చు. దీంతోపాటు సెల్ఫీ, వీడియో కాల్స్‌ కోసం ఈ హ్యాండ్‌సెట్ 16MP కెమెరాలను కలిగి ఉంది.

** రెండు రోజుల క్రితం వన్‌ప్లస్‌ నార్డ్‌ CE 4 స్మార్ట్‌ఫోన్‌ భారత మార్కెట్‌లోకి విడుదల అయింది. 2412*1080 పిక్సల్‌ రిజల్యూషన్‌తో 6.7 అంగుళాల పుల్ HD+ అమోలెడ్‌ డిస్‌ప్లేను కలిగి ఉంటుంది. 120Hz రీఫ్రెష్‌ రేట్, 210 టచ్‌ శాంప్లింగ్‌ రేట్‌, 2160Hz PWM డిమ్మింగ్‌తో విడుదల అయింది. ఈ డిస్‌ప్లే HDR 10+ కలర్‌ సర్టిఫికేషన్‌, 10 బిట్‌ కలర్‌ డెప్త్‌ను కలిగి ఉంటుంది.

ఈ వన్‌ప్లస్‌ కొత్త హ్యాండ్‌సెట్‌ వెనుకవైపు డ్యూయల్‌ కెమెరాలను కలిగి ఉంటుంది. 50MP సోనీ LYT600 ప్రైమరీ కెమెరాను కలిగి ఉంటుంది. ఈ ప్రైమరీ కెమెరా OIS (ఆప్టికల్‌ ఇమేజ్‌ స్టెబిలైజేషన్‌) సపోర్టుతో వచ్చింది. మరియు 8MP సోనీ IMX355 అల్ట్రావైడ్‌ యాంగిల్‌ కెమెరాలను కలిగి ఉంది. దీంతోపాటు సెల్ఫీ, వీడియో కాల్స్‌ కోసం 16MP కెమెరాను కలిగి ఉంది.

ఈ స్మార్ట్‌ఫోన్‌ వెనుక కెమెరాల నుంచి 30fps తో 4K నాణ్యతతో వీడియోలను రికార్డు చేయవచ్చు. అదే ముందు కెమెరా ద్వారా 30fps తో 1080p వీడియోలను రికార్డు చేయవచ్చు. కెమెరా విభాగం పరంగా మెరుగైన, నాణ్యమైన ఫోటోలను, వీడియోలను క్యాప్చర్‌ చేయవచ్చు.