త్వరలో వస్తువులను రవాణా చేసే ఆమెజాన్ డ్రోన్‌లు!!

Updated: Monday, December 2, 2013, 17:20 [IST]

ప్రపంచంలోనే అతిపెద్ద షాపింగ్ గమ్యస్థానమైన ఆమెజాన్ (Amazon) తమ ఖతాదారులకు వేగవంతమైన హోమ్ డెలివరీ సర్వీసులను చేరువచేసే క్రమంలో గాలిలో ఎగిరే ‘ఆక్టోకాఫ్టర్' మినీ డ్రోన్‌లను అందుబాటులోకి తీసుకువచ్చేందుకు ప్రణాళికలు చేస్తోంది. గాలిల ఎగిరే స్వభావాన్ని కలిగి ఉండే ఈ డ్రోన్లు చిన్నచిన్న ప్యాకింగ్ సామర్ధ్యాలను 30 నిమిషాల వ్యవధిలోనే గమ్య స్థానాలకు చేర్చగలవు.

ఈ మినీ డ్రోన్ల పనితీరుకు సంబంధించిన డెమో వీడియోను ఆమెజాన్ ఇటీవల ఇంటర్నెట్‌లో పోస్ట్ చేయటం జరిగింది. తమ వినియోగదారులు ఆన్‌లైన్ ద్వారా కొనుగోలు చేసిన చిన్న చిన్న వస్తువులను ఈ మినీ డ్రోన్లు 30 నిమిషాల కాల వ్యవధిలో వారి వద్దకు చేర్చగలవని ఆమెజాన్ కంపెనీ సీఈఓ జెఫ్ బిజోస్ తెలిపారు.

ఈ ప్రతిష్టాత్మకమైన ప్రాజెక్టుకు ఫెడరల్ అనుమతి లభించాల్సి ఉంది. అయితే, ఆమెజాన్ ‘ప్రైమ్ ఎయిర్' ప్రాజెక్ట్ నాలుగైదు సంవత్సరాల్లో వాస్తవ రూపాన్ని అద్దుకోనుందని జెఫ్ అభిప్రాయపడ్డారు. కాగా, ఈ మినీ డ్రోన్‌లు ఎలక్ట్రిక్ మోటార్లు పై స్పందిస్తాయి.

మీరు ఎంపిక చేసుకోబోయే స్మార్ట్‌ఫోన్ ఇంకా ట్యాబ్లెట్ పీసీకి సంబంధించిన ధరలను ఇక్కడ క్లిక్‌చేసి చూసుకోండి.

వివిధ మోడళ్ల స్మార్ట్ ఫోన్ లకు సంబంధించిన ఫోటో గ్యాలరీల కోసం క్లిక్ చేయండి.