అమెజాన్ డే, ఎప్పుడు బుక్ చేసినా ఒక్క రోజులోనే డెలివరీ

అన్ని ఒకే రోజు

ఇకపై కొనుగోలుదారులు అమెజాన్ లో ఏదైనా ఉత్పత్తులను కొనుగోలు చేస్తే అవి ఓ రోజున ఇంటికి చేరుతాయి. ఉదాహరణకు మీరు శనివారం డెలివరీ పెట్టుకుంటే మిగతా అన్ని రోజులు మీరు ఏం షాపింగ్ చేసినా అవన్నీ ఆ రోజు మీ ఇంటికి వచ్చి చేరుతాయి. మొత్తం గ్రూపు ప్యాకేజీలను ఆ రోజే మీ ఇంటికి ట్రక్ ద్వారా అమెజాన్ చేరుస్తుంది.

తగ్గించుకునే అవకకాశం

అయితే కొనుగోలు దారులు ఒక వేళ ఉత్పత్తులను వద్దనుకుంటే వాటిని తీసివేసుకోవచ్చు. రెండు రోజుల ముందు వస్తువులు తీసివేయడం కాని అలాగే యాడ్ చేయడం కాని చేసుకోవచ్చు. అయితే ఇది కేవలం అమెజాన్ ప్రైమ్ మెంబర్ షిప్ ఉన్నవారికి మాత్రమే. ఇప్పటికే ఈ పక్రియ ప్రారంభమైందని పూర్తి స్థాయిలో అందుబాటులోకి తీసుకువస్తామని అమెజాన్ డెలివర వైస్ ప్రెసిడెంట్ Maria Renz తెలిపారు.

భారీ పెట్టుబడులు

కాగా కంపెనీ 2030 నాటికి దాదాపు 50 శాతం net-zero carbon ద్వారా షిప్ మెంట్ చేయాలని టార్గెట్ గా పెట్టుకుంది. కంపెనీ ఈ మధ్యనే దాదాపు 700 మిల్లియన్ డాలర్లు రివియాన్ కంపెనీలో పెట్టుబడులుగా పెట్టింది. ఇందులో భాగంగా electric pickup truckలను 2020 నాటికి అందుబాటులోకి తీసుకురావాలనుకుంటోంది.

ఆఫర్లు, డిస్కౌంట్లు

గత ఏడాది గ్రాసరీస్‌ (కిరాణా,ఆహారోత్పత్తులుఇతరత్రా) వ్యాపారంలోకి అడుగుపెట్టిన ప్రముఖ ఆన్‌లైన్‌ రీటైల్‌ దిగ్గజం అమెజాన్ వినియోగదారులను ఆకట్టుకునేందుకు సూపర్‌ వాల్యూ డే ఆఫర్‌ను ప్రకటించింది. ఈ ఆఫర్‌లో నెలవారీ సరుకుల కొనుగోళ్లపై క్యాష్‌బ్యాక్‌లు, డిస్కౌంట్లను వినియోగదారులకు అందిస్తోంది. శుక్రవారం ప్రారంభమైన ఈ సేల్‌ మార్చి 7వ తేదీవరకు కొనసాగుతుంది.

600 రూపాయల దాకా డిస్కౌంట్‌

ఎస్‌బీఐ లేదా ఐసీఐసీ కార్డులు, అమెజాన్‌ పే , అమెజాన్‌ డిజిటల్‌వాలెట్‌ ద్వారా జరిపే కొనుగోళ్లపై ఈ ఆఫర్లను అందిస్తుంది. ఎస్‌బీఐ కార్డుపై దాదాపు 600 రూపాయల దాకా డిస్కౌంట్‌ లభిస్తుంది. ఎస్‌బీఐ కస్టమర్లకు ఈ అవకాశం మార్చి 4-7 తేదీల మధ్య అందుబాటులో ఉంది.

మార్చి 1-3వ తేదీల మధ్య

మార్చి 1-3వ తేదీల మధ్య ఐసీఐసీఐ కార్డు కొనుగోళ్లపై ఆఫర్స్‌ను అందుకోవచ్చు. రూ. 1500 కొనుగోళ్ళపై ఐసీఐసీఐ కస్టమర్లు 15శాతం దాకా క్యాష్‌బ్యాక్‌ లేదా 600దాకా డిస్కౌంట్‌ను పొందవచ్చు. అలాగే ప్రతీనెల ఒకటవ తేదీనుంచి 7వ తేదీవరకు 40శాతం తగ్గింపు లేదా, 15శాతం క్యాష్‌ బ్యాక్‌ అందివ్వనున్నట్టు వెబ్‌సైట్‌లో వెల్లడించింది. మరిన్ని వివరాలు అమెజాన్‌ వెబ్‌సైట్‌లో చూడగలరు.