ఆపిల్ నుంచి కొత్త ఎమోజీలు, 2020 టార్గెట్ ఇదే

ఐ ఫోన్లలో 2020 నాటికి మరో అదనపు ఆకర్షణ

అత్యాధునిక టెక్నాలజీ కలిగిన ఐ ఫోన్లలో 2020 నాటికి మరో అదనపు ఆకర్షణ రాబోతుందనే వార్తలు టెక్నాలజీ వర్గాల్లో వినిపిస్తున్నాయి. అంతర్జాతీయ స్థాయిలో 2020 నాటికి టైం ఆఫ్ ఫ్లైట్ (ToF) 3డీ సెన్సార్ కెమేరాను ఆపిల్ ఫోన్లలో ఏర్పాటుచేయబోతున్నట్టు తెలుస్తోంది.

కెమెరా వ్యవస్థ
2019 చివరినాటికి ఈ తరహా కెమేరా వ్యవస్థను ఐ ఫోన్లలో నిక్షిప్తం చేస్తారని రూమర్లు వచ్చాయి. కానీ ఐఫోన్ వర్గాలు మాత్రం అది సాధ్యం కాదని, 2020 నాటికి కార్యరూపం దాల్చవచ్చని పేర్కొంటున్నాయి.

వర్టికల్ కేవిటీ సర్ఫేస్ ఎమిటింగ్ లేజర్ (VCSEL) టెక్నాలజీ

వర్టికల్ కేవిటీ సర్ఫేస్ ఎమిటింగ్ లేజర్ (VCSEL) టెక్నాలజీ కలిగిన కెమెరా 2020 కి రాబోయే ఐఫోన్లలో ఏర్పాటుచేయబోతున్నట్టు తెలుస్తోంది. ఈట్రూ డెప్త్ కెమేరాలో ఎన్నో విశిష్ట లక్షణాలుంటాయి. ఫేస్ ఐడీ, యానిమోజీ, పోర్ట్రైయిట్ మోడ్ సెల్ఫీలు తీసుకోవచ్చు.

టైం ఆఫ్ ప్లైట్ కెమెరా మోడ్

ఐఫోన్ల కంటే ముందుగా ఐ ఫోన్ ఐపాడ్స్ లో ఈ తరహా కెమెరాను ముందుగా ఏర్పాటు చేయబోతున్నట్టు ఆపిల్ అనలిస్ట్ మింగ్ చి కు తెలిపారు. వచ్చే ఏడాది నాటికి టైం ఆఫ్ ప్లైట్ కెమెరా మోడ్ అత్యాధునిక నాలుగు మోడల్స్ కలిగిన ఫోన్లు మార్కెట్లోకి విడుదల చేయనున్నారు.

సరికొత్తగా ఓఎల్ఇడీ స్క్రీన్లు

5.4 అంగుళాలు, 6.1 అంగుళాలు, 6.7 అంగుళాలు కలిగిన ఓఎల్ఇడీ స్క్రీన్లు కలిగిన ఫోన్లు రానున్నాయి. ఈ ఫోన్లన్నీ 5 జీ కనెక్టివిటీ సదుపాయం కలిగి ఉంటాయని తెలుస్తోంది. 5 జీ సదుపాయం లేని ఐఫోన్ 8 మోడల్ తరహాలోనే ఇవి వుంటాయని తెలుస్తోంది.