ఆపిల్ బ్రాండ్ ఫోన్‌లు Q1 2022లో అధికంగా అమ్ముడైన జాబితాలో మూడు ఉన్నాయి...

IDC విశ్లేషకులు జెరోనిమో ఈ సమాచారాన్ని ట్విట్టర్‌లో పోస్ట్ చేసారు. 2022 క్యూ1 లో ఐఫోన్ 13 అగ్రస్థానంలో ఉండటంతో స్మార్ట్‌ఫోన్ మార్కెట్ ఆపిల్ ఆధిపత్యం చెలాయించింది. రెండవ స్థానంలో కూడా 6.7-అంగుళాల డిస్ప్లే గల ఆపిల్ బ్రాండ్ కి చెందిన ఐఫోన్ 13 ప్రో మాక్స్ ఫోన్ ఉంది. అలాగే 6.1-అంగుళాల స్క్రీన్‌తో లభించే ఐఫోన్ 13 ప్రో ఫోన్ నాల్గవ స్థానాన్ని అందుకొని ఆపిల్ బ్రాండ్ అగ్రస్థానంలో కొనసాగుతున్నది. ఆపిల్ కస్టమర్‌లు కొంచెం పెద్ద డిస్‌ప్లేతో లభించే కొత్త ఫోన్ల కోసం అదనపు మొత్తాన్ని చెల్లించడానికి సిద్ధంగా ఉన్నారని సూచిస్తున్నది.

2022 త్రైమాసికంలో ఐఫోన్ 13 విక్రయాలు దాదాపు 42 బిలియన్ డాలర్లు ఇండియా యొక్క కరెన్సీ ప్రకారం దాదాపు రూ.3,26,224 కోట్లుగా ఉన్నాయని ట్వీట్‌లో పేర్కొన్నారు. ఈ సంవత్సరంలో ఐఫోన్ యొక్క అమ్మకాల సంఖ్య 84 శాతం వరకు ఉంది. సరఫరా కొరతను ఎదుర్కొంటున్నప్పటికీ ఆపిల్ గత సంవత్సరం అత్యంత లాభదాయకమైన సెలవు సీజన్‌ను (అక్టోబర్ నుండి డిసెంబర్ వరకు) రికార్డ్ చేసిన తర్వాత దాని ఊపందుకుంటున్నది. ఈ కాలంలో కుపర్టినో కంపెనీ ఐఫోన్ అమ్మకాలు $71.63 బిలియన్లు (దాదాపు రూ. 5,56,393 కోట్లు)గా నివేదించింది.

మరోవైపు శామ్సంగ్ సంస్థ గెలాక్సీ A12 మరియు గెలాక్సీ A32 స్మార్ట్‌ఫోన్‌లతో Q1 2022 త్రైమాసికంలో అధిక అమ్మకాల జాబితాలో వరుసగా 3వ మరియు 5వ స్థానాల్లో చోటును దక్కించుకున్నది. Q1 2022 స్మార్ట్‌ఫోన్‌ల ఉమ్మడి అమ్మకాలలో దక్షిణ కొరియా టెక్ దిగ్గజం $3.6 బిలియన్లు ఇండియా యొక్క కరెన్సీ ప్రకారం దాదాపు రూ.27,963 కోట్లు ఆర్జించాయి.