Apple iPad Airను ఉచితంగా రిపేర్ చేసుకోవడానికి మంచి సమయం ఇదే

పరిమిత కాల సమయం వరకు మాత్రమే ఆపిల్ 3 వ తరం ఐప్యాడ్ ఎయిర్ మోడల్స్ "బ్లాంక్ స్క్రీన్" మరమ్మత్తు కార్యక్రమాన్ని నిర్వహిస్తున్నట్లు ఆపిల్ తన వెబ్‌సైట్‌లో ప్రకటించింది. డిస్ప్లే శాశ్వతంగా బ్లాంక్ స్క్రీన్ గా ఉండకముందే ప్రభావితమైన ఐప్యాడ్ ఎయిర్ మోడల్స్ "క్లుప్త ఫ్లికర్ లేదా ఫ్లాష్" ను చూపుతాయని ఆపిల్ వివరిస్తుంది. అలాగే మార్చి 2019 మరియు అక్టోబర్ 2019 మధ్య తయారైన ఐప్యాడ్ ఎయిర్ మోడళ్ల కోసం మాత్రమే ఉచితంగా రిపేర్ ను అందిస్తున్నట్లు సంస్థ తెలిపింది.

బ్లాంక్ స్క్రీన్ వంటి సమస్యలను ఎదుర్కొంటున్న ఐప్యాడ్ ఎయిర్ వినియోగదారులు తమ పరికరాలను అధికారిక ఆపిల్ సర్వీసు ప్రొవైడర్ల వద్ద ఉచితంగా పరిష్కరించుకోవచ్చు. వినియోగదారులు ఆపిల్ రిటైల్ దుకాణంలో అపాయింట్‌మెంట్ పొందవచ్చు లేదా ఇమెయిల్ ద్వారా ఆపిల్ సపోర్ట్‌ను సంప్రదించవచ్చు. భారతదేశంలో ఆపిల్ వినియోగదారులు తమ ప్రభావిత ఐప్యాడ్ ఎయిర్ మరమ్మతులను చేయించుకోవడానికి ఆపిల్ అధికారిక విక్రేతల వద్దకు వెళ్ళవచ్చు.

మరమ్మత్తు ప్రోగ్రామ్

మరమ్మతు కోసం ఐప్యాడ్‌ను అప్పగించే ముందు వినియోగదారులు తమ డేటాను బ్యాకప్ చేయాలని ఆపిల్ సంస్థ సలహా ఇస్తుంది. అలాగే ఈ మరమ్మత్తు ప్రోగ్రామ్ లో పగిలిన డిస్ప్లే లు మరియు ధృవీకరించబడని సమస్యకు వెలుపలి నష్టాలను కవర్ చేయదు. ఇటువంటి మరమ్మతులకు వినియోగదారులు అదనపు మొత్తాన్ని చెల్లించాల్సి ఉంటుంది. ఈ ఐప్యాడ్ ఎయిర్ రిపేర్ ప్రోగ్రామ్ పరికరం యొక్క మొదటి అమ్మకం తర్వాత రెండు సంవత్సరాల వరకు చెల్లుతుంది.

2019 లో దాదాపు ఐదేళ్ల తర్వాత ఆపిల్ ఐప్యాడ్ ఎయిర్‌ను అప్‌గ్రేడ్ చేసింది. 3 వ తరం ఐప్యాడ్ ఎయిర్ 10.5-అంగుళాల రెటినా డిస్ప్లే, ఎ 12 బయోనిక్ చిప్‌సెట్ మరియు ఆపిల్ పెన్సిల్‌కు మద్దతుతో వస్తుంది. ఐప్యాడ్ ఎయిర్ 8 మెగాపిక్సెల్ వెనుక కెమెరా మరియు 7 మెగాపిక్సెల్ సెల్ఫీ కెమెరాను కలిగి ఉంది. ఐప్యాడ్ ఎయిర్ కోసం సెల్యులార్ మరియు వై-ఫై మాత్రమే వెర్షన్ ఉంది.