భార‌త్‌లో iPhone 14 సిరీస్ సేల్స్ ప్రారంభం.. ధ‌ర‌ల కోసం లుక్కేయండి!

|

Apple కంపెనీ నుంచి ఇటీవ‌ల విడుద‌లైన iPhone 14 సిరీస్ మొబైల్స్ విక్ర‌యాలు భార‌త్‌లో నేడు ప్రారంభ‌మ‌య్యాయి. ప్ర‌స్తుతం ఇవి యాపిల్ అధికారిక స్టోర్ స‌హా, ప్ర‌ముఖ ఈ కామ‌ర్స్ సంస్థ‌లు అమెజాన్‌, ఫ్లిప్‌కార్ట్‌ల‌లో భార‌త కొనుగోలుదారుల‌కు అందుబాటులో ఉన్నాయి.

 
iPhone

Apple తన కొత్త ఫ్లాగ్‌షిప్ iPhone 14 సిరీస్‌ను సెప్టెంబర్ 7న జరిగిన ఫార్ అవుట్ ఈవెంట్ వేదిక‌గా విడుదల చేసిన విష‌యం తెలిసిందే. ఈ సిరీస్‌లో iPhone 14, iPhone 14 Plus, iPhone 14 Pro మరియు iPhone 14 Pro Max అనే నాలుగు మోడల్‌లు ఉన్నాయి. ఈ మొబైల్స్‌కు సంబంధించి సెప్టెంబర్ 9 నుండి బుకింగ్‌లు ప్రారంభం కాగా, సెప్టెంబర్ 16, శుక్ర‌వారం నుంచి భారతదేశంలో విక్ర‌యాలు ప్రారంభ‌మ‌య్యాయి. ఇప్పుడు వీటి ధ‌ర‌ల గురించి మ‌రోసారి లుక్కేద్దాం.

దీనితో పాటు, Apple వాచ్ సిరీస్ 8 మరియు Apple Watch SE కూడా అమ్మకానికి వచ్చాయి. అమెజాన్ మరియు ఫ్లిప్‌కార్ట్ వంటి ప్రముఖ ఈ-కామర్స్ ప్లాట్‌ఫారమ్‌లు అన్ని హెచ్‌డిఎఫ్‌సి బ్యాంక్ క్రెడిట్ కార్డ్ హోల్డర్‌లకు రూ.6,000 తక్షణ తగ్గింపును అందిస్తున్నాయి.

భార‌త్‌లో Apple కంపెనీ iPhone 14 సిరీస్ ధ‌ర‌లు:

భార‌త్‌లో Apple కంపెనీ iPhone 14 సిరీస్ ధ‌ర‌లు:

* ముందుగా iPhone 14 మోడ‌ల్ ధ‌ర‌ల‌ విష‌యానికొస్తే.. రూ.79,900 (128GB), రూ.89,900 (256GB) మ‌రియు రూ.1,09,900 (512GB) గా కంపెనీ నిర్ణ‌యించింది.

* iPhone 14 Plus మోడ‌ల్ ధ‌ర‌ల విష‌యానికొస్తే.. రూ.89,900 (128GB), రూ.99,900 (256GB) మ‌రియు రూ.1,19,900 (512GB) గా కంపెనీ నిర్ణ‌యించింది.

* iPhone 14 Pro మోడ‌ల్ ధ‌ర‌ల విష‌యానికొస్తేధ‌ర‌లు.. రూ.1,29,900 (128GB), రూ.1,39,900 (256GB), రూ.1,59,900 (512GB), రూ.1,79,900 (1TB) గా కంపెనీ నిర్ణ‌యించింది.

* iPhone 14 Pro Max మోడ‌ల్ ధ‌ర‌లు.. రూ.1,39,900 (128GB), రూ.1,49,900 (256GB), రూ.1,69,900 (512GB), రూ.1,89,900 (1TB)

కొనుగోలుపై ఆఫ‌ర్లు:
 

కొనుగోలుపై ఆఫ‌ర్లు:

ఐఫోన్ 14 సిరీస్‌ని కొనుగోలు చేసే కస్టమర్‌లు హెచ్‌డిఎఫ్‌సి క్రెడిట్ కార్డ్ ద్వారా 54,900 కు మించి చేసే ఆర్డర్‌లపై రూ.6,000 తక్షణ క్యాష్‌బ్యాక్‌ను పొందవచ్చు. అలాగే, మీరు పాత iPhone మోడల్‌లను iPhone 14 లేదా iPhone 14 Pro మోడల్‌లతో ఎక్స్‌చేంజ్ చేసుకోవ‌డం ద్వారా మీరు దాదాపు రూ.46,120 వరకు ఆదా చేసుకోవచ్చు. అయితే, అది మీ ప్ర‌స్తుత ఫోన్ ప‌రిస్థితి మీద ఆధార ప‌డి ఉంటుంది. ఈ ఆఫర్లు భారతదేశంలోని ఆపిల్ ఆన్‌లైన్ స్టోర్‌లో అందుబాటులో ఉంటాయి.

ఇప్పుడు మీరు ఫ్లిప్‌కార్ట్‌లో హెచ్‌డిఎఫ్‌సి బ్యాంక్ క్రెడిట్ కార్డ్ ద్వారా ఐఫోన్ 14 ప్రోని కొనుగోలు చేస్తే, మీకు రూ.4,000 తగ్గింపు లభిస్తుంది.ఇది కాకుండా, మీరు ఫ్లిప్‌కార్ట్ లో యాక్సిస్ బ్యాంక్ కార్డ్ ద్వారా కొనుగోలు చేస్తే, మీకు 5% క్యాష్‌బ్యాక్ కూడా లభిస్తుంది.

Apple iPhone 14 మ‌రియు iPhone 14 Plus స్పెసిఫికేష‌న్లు:

Apple iPhone 14 మ‌రియు iPhone 14 Plus స్పెసిఫికేష‌న్లు:

iPhone 14 మరియు iPhone 14 ప్లస్ మోడ‌ల్స్ దాదాపు ఒకే విధమైన స్పెసిఫికేషన్‌లతో వస్తాయి. రెండు డివైజ్‌ల మధ్య ఉన్న ఏకైక తేడా ఏమిటంటే, ఐఫోన్ 14 మోడ‌ల్ 6.1-అంగుళాల డిస్‌ప్లేను కలిగి ఉంది, ఐఫోన్ 14 ప్లస్ మొబైల్ 6.7-అంగుళాల డిస్‌ప్లేతో వస్తుంది. రెండు పరికరాలకు సూపర్ రెటినా XDR డిస్‌ప్లే ఉంది, కానీ ప్రోమోషన్ టెక్నాలజీ లేదు, అంటే 120Hz రిఫ్రెష్ రేట్ సపోర్ట్ లేదు, ఇది కొంచెం నిరాశపరిచింది. ఐఫోన్ 14 మరియు ఐఫోన్ 14 ప్లస్ మొబైల్స్ బ్యాక్ సైడ్ 12MP ప్రధాన సెన్సార్ మరియు 12MP అల్ట్రా-వైడ్ యాంగిల్ సెన్సార్‌తో కూడిన డ్యూయల్ కెమెరా సెటప్‌తో వస్తాయి.

ఫ్రంట్ కెమెరా విష‌యానికొస్తే.. ఇది TrueDepth ఆటో ఫోకస్‌కు మద్దతునిస్తుంది. iPhone 14 సిరీస్‌తో సెల్ఫీలు మరియు వీడియో కాల్‌ల విష‌యంలో యూజ‌ర్లు మెరుగైన అనుభూతిని పొందుతారు. ఐఫోన్ 14 మరియు ఐఫోన్ 14 ప్లస్ పాత తరం A15 బయోనిక్ ద్వారా శక్తిని పొందుతాయని ఆపిల్ తెలిపింది. రెండు డివైజ్‌లు గరిష్టంగా 26 గంటల వీడియో ప్లేబ్యాక్‌తో వస్తాయి, ఇది ఐఫోన్ 13 సిరీస్‌తో పోలిస్తే భారీ అప్‌గ్రేడ్. మళ్ళీ, మీరు ఛార్జర్‌ను విడిగా కొనుగోలు చేయాలి. ఐఫోన్ 14 సిరీస్ ఇప్పుడు కార్ క్రాష్ డిటెక్షన్‌తో పాటు ఉపగ్రహాల ద్వారా అత్యవసర SOS స‌పోర్టుతో వస్తుంది. ఈ రెండు కొత్త సేఫ్టీ ఫీచర్లు ప్రస్తుతం ఐఫోన్ 14 డివైజ్‌లలో మాత్రమే ఉన్నాయి.

Apple iPhone 14 Pro మ‌రియు iPhone 14 Pro Max స్పెసిఫికేష‌న్లు:

Apple iPhone 14 Pro మ‌రియు iPhone 14 Pro Max స్పెసిఫికేష‌న్లు:

iPhone 14 Pro మరియు iPhone 14 Pro Max రెండూ కూడా ఒకే మాదిరి, అద్భుత‌మైన స్పెసిఫికేషన్‌లను కలిగి ఉన్నాయి. ఇక్క‌డ కూడా రెండు డివైజ్‌ల‌ మధ్య వ్యత్యాసం స్క్రీన్ పరిమాణం మాత్రమే. iPhone 14 Pro విష‌యానికొస్తే.. 6.1-అంగుళాల డిస్‌ప్లేతో వస్తుంది మరియు iPhone 14 Pro Max మోడ‌ల్ 6.7 అంగుళాల డిస్‌ప్లేతో వస్తుంది. ఐఫోన్ 14 ప్రో మోడ‌ల్స్‌ ప్రోమోషన్ టెక్నాలజీ (120హెర్ట్జ్ రిఫ్రెష్ రేట్) మరియు ఆల్వేస్-ఆన్-డిస్ప్లే (AoD)కి మద్దతుతో సూపర్ రెటినా XDR డిస్‌ప్లేను కలిగి ఉన్నాయి. ఇంకా, ఐఫోన్ 14 ప్రో మోడల్‌లకు డైనమిక్ ఐలాండ్‌ను అందించడానికి కొత్త నాచ్ సిస్టమ్‌ను ఆపిల్‌ను ఎనేబుల్ చేసింది, ఇది వినియోగదారులకు ఐఫోన్‌లతో పరస్పర యాక్ష‌న్ తీసుకోవ‌డానికి కొత్త మార్గంగా ఉప‌యోగ‌ప‌డుతుంది.

ప్రో మోడల్‌లు కార్ క్రాష్ డిటెక్షన్‌తో పాటు ఉపగ్రహాల ద్వారా ఎమర్జెన్సీ SOS స‌పోర్టుతో కూడా వస్తాయి. ఇది బ్యాక్‌సైడ్‌ 48MP ప్రైమరీ సెన్సార్, 12MP అల్ట్రా-వైడ్-యాంగిల్ సెన్సార్ మరియు 12MP టెలిఫోటో సెన్సార్‌తో ట్రిపుల్ కెమెరా సెటప్‌ను కలిగి ఉంది. ఐఫోన్ 14 ప్రో మోడల్‌లలో ఆటో ఫోకస్‌తో కూడిన ట్రూడెప్త్ ఫ్రంట్ కెమెరా కూడా ఉంటుంది. ఐఫోన్ 14 ప్రో మోడ‌ల్స్ 29 గంటల వీడియో ప్లేబ్యాక్‌కు మద్దతు ఇస్తుందని కంపెనీ పేర్కొంది. ఈ మోడ‌ల్స్ కొత్త తరం A16 బయోనిక్ సెన్సార్ ఆధారంగా ప‌నిచేస్తాయి. iPhone 14 Pro సిరీస్ 4K 24fps వద్ద మెరుగైన సినిమాటిక్ మోడ్ వీడియో రికార్డింగ్‌కు స‌పోర్టును క‌లిగి ఉన్నాయి. మ‌రో గ‌మ‌నించ‌ద‌గిన విష‌యం ఏంటంటే.. ఐఫోన్ 14 సిరీస్‌లోని అన్ని మొబైల్స్ కూడా 5జీ స‌పోర్టును క‌లిగి ఉన్నాయి.

Best Mobiles in India

English summary
Apple iPhone 14 series sales now goes on in india, check for price and other details.

ఉత్తమ ఫోన్లు

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X