Just In
- 13 hrs ago WhatsApp ద్వారా విదేశాలకు డబ్బు పంపేందుకు కొత్త ఫీచర్! వివరాలు
- 16 hrs ago Lava O2 సేల్ మొదలైంది! లాంచ్ ఆఫర్, ధర వివరాలు.
- 18 hrs ago Vivo నుంచి రెండు ఫోల్డబుల్ ఫోన్లు లాంచ్ అయ్యాయి! స్పెసిఫికేషన్ల వివరాలు
- 19 hrs ago 8GB ర్యామ్, 5000mAh బ్యాటరీ వివో స్మార్ట్ఫోన్ సేల్ ప్రారంభం.. ఈ కార్డులపై రూ.2000 తగ్గింపు..!
Don't Miss
- News పడమర దిక్కు తల పెట్టుకుని పడుకోవడం మంచిదేనా..?
- Movies Game Changer: మరింత ముందుగానే గేమ్ చేంజర్ రిలీజ్.. ఫిక్స్ అయిన డేట్ ఇదే!
- Sports Hardik Pandya: అస్సలు ఊహించలేదు.. ఆ తప్పిదమే మా కొంపముంచింది!
- Lifestyle చాణక్య నీతి ప్రకారం, ఈ తప్పులను నిర్లక్ష్యం చేసిన వారు జీవితంలో ఘోర వైఫల్యాన్ని ఎదుర్కొంటారు...!
- Automobiles కొత్త కాంపాక్ట్ ఎస్యూవీ బసాల్ట్ విజన్ ఎస్యూవీని ఆవిష్కరించిన సిట్రోయెన్
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
భారత్లో ఈ ఏడాది ఎన్ని iPhone లు అమ్ముడయ్యాయో తెలిస్తే షాకే!
భారత మార్కెట్లో Apple కంపెనీ ఉత్పత్తులకు డిమాండు క్రమక్రమంగా భారీగా పెరుగుతోంది. అందుకు ఈ ఏడాది రెండో త్రైమాసికంలో ఆ కంపెనీ iPhones అమ్మకాలే ఉదాహరణ. భారత మార్కెట్లో Apple ఈ ఏడాది సెకండ్ క్వార్టర్లో 1.2 మిలియన్ ఐఫోన్లను అమ్మడం విశేషం. దీంతో ఆ కంపెనీ సేల్స్ దాదాపు 94శాతం వృద్ధిని సాధించినట్లు తాజా గణాంకాలు తెలియజేస్తున్నాయి. ఈ మేరకు ప్రముఖ మార్కెట్ ఇంటెలిజెన్స్ కంపెనీ సైబర్ మీడియా రీసెర్చ్ విడుదల చేసిన నివేదిక గణాంకాలు పేర్కొన్నాయి. iPhone 12, iPhone 13 స్మార్ట్ఫోన్ల అమ్మకాలే ఈ స్థాయిలో వృద్ధికి కారణమైనట్లు నివేదిక వెల్లడించింది.
"ఈ ఏడాది రెండవ త్రైమాసికంలో Apple అద్భుతమైన వృద్ధితో కొనసాగుతోంది. ఇందుకు ఆ కంపెనీ స్థానికంగా ఐఫోన్ తయారీని పెంచడం కూడా కారణమే అని చెప్పొచ్చు. iPhone 13 సిరీస్తో పాటు iPhone 12 సిరీస్ భారత స్మార్ట్ఫోన్ మార్కెట్లో అత్యధికంగా సరఫరా(షిప్మెంట్) అయ్యాయి." అని సిఎంఆర్ హెడ్-ఇండస్ట్రీ ఇంటెలిజెన్స్ గ్రూప్ (ఐఐజి) ప్రభు రామ్ చెప్పారు. మొత్తం సరఫరా చేయబడిన ఐఫోన్లలో దాదాపు 1 మిలియన్ మొబైల్స్ 'మేక్ ఇన్ ఇండియా" డివైజులుగా నివేదిక పేర్కొంది.
Apple కు చెందిన iPad డివైజ్లు కూడా భారతదేశంలో మంచి అమ్మకాలను నమోదు చేశాయి. వీటి అమ్మకాల్లో దాదాపు 34 శాతం వృద్ధి (సంవత్సరానికి) నమోదైంది. కంపెనీ దేశంలో 0.2 మిలియన్ పరికరాలను విక్రయించింది. "Q2 డేటా ప్రకారం, Apple iPad (Gen 9), iPad Air 2022 లు షిప్మెంట్లలో సింహభాగం వాటాను కలిగి ఉన్నాయి" అని నివేదిక పేర్కొంది.
భారతదేశంలోస్మార్ట్ఫోన్ మార్కెట్ లో ఐఫోన్లు 4శాతం వాటాను కలిగి ఉన్నట్లు సీఎంఆర్ అంచనా వేసింది. అదే సమయంలో, ఐప్యాడ్లు సంబంధిత విభాగంలో 20 శాతం మార్కెట్ వాటాను కలిగి ఉన్నట్లు అంచనా వేసింది. ద్రవ్యోల్బణ ఒత్తిళ్లు, రూపాయి బలహీనపడటం మరియు వినియోగదారుల డిమాండ్ మెల్లగా ఉండటం వల్ల భారతదేశంలోని ప్రస్తుతం స్మార్ట్ఫోన్ బ్రాండ్లకు పర్యావరణం కాస్త కఠినంగానే కొనసాగుతోందని పేర్కొంది. భారతదేశంలో Apple యొక్క మెరుగైన మరియు వైవిధ్యమైన iPhone ఉత్పత్తి సామర్థ్యాలు దాని పటిష్టతకు దోహదం చేస్తూనే ఉన్నాయని.. అందుకే భారతదేశంలో ఐఫోన్ అమ్మకాల్లో వృద్ధి ఊపందుకుందని సీఎంఆర్ పేర్కొంది.
Apple కంపెనీ నుంచి అత్యధికంగా అమ్ముడైన iPhone 13 స్మార్ట్ఫోన్ను భారత్లో తయారు చేయడం ప్రారంభించినట్లు ఆ కంపెనీ ఈ ఏడాది ప్రారంభంలో ధృవీకరించిన విషయం తెలిసిందే. Apple తొలిసారిగా 2017లో iPhone SEతో భారతదేశంలో iPhoneల తయారీని ప్రారంభించింది. Q1 2022లో, Apple దాదాపు 1 మిలియన్ 'మేక్-ఇన్-ఇండియా' ఐఫోన్లను రవాణా చేసింది.
ఆగస్టులో భారీగా iPhone 14 సిరీస్ స్మార్ట్ఫోన్ల ఉత్పత్తి ప్రారంభం!
iPhone 14 సిరీస్కు సంబంధించి యాపిల్ కంపెనీ ఇప్పటికే ట్రయల్ ఉత్పత్తి ప్రారంభించింది. ఆగస్టు నెలలో భారీ స్థాయిలో ఉత్పత్తి ప్రారంభించడానికి కూడా సిద్ధమైంది. ఈ మేరకు పలు వార్తా నివేదికలు వెల్లడించాయి. రాబోయే iPhone 14 సిరీస్ లోని iPhone 14, iPhone 14 మాక్స్, iPhone 14 ప్రో మరియు iPhone 14 ప్రో మాక్స్ మొబైల్స్, గతంలో విడుదలైన iPhone 13తో పోలిస్తే మెరుగైన ప్రారంభ అమ్మకాలను కలిగి ఉండనున్నట్లు కూడా నివేదిక పేర్కొంది.
ఈ ఏడాది సెప్టెంబర్లో ఈ ఫోన్లు అధికారికంగా విడుదలయ్యే అవకాశం ఉంది. iPhone 14 మరియు iPhone 14 ప్రో ఒకే స్క్రీన్ పరిమాణాన్ని కలిగి ఉన్నాయని నివేదికల లీక్లు చెబుతున్నాయి. అంతేకాకుండా iPhone 14 ప్లస్ మరియు iPhone 14 ప్రో మాక్స్ కూడా ఒకే డిస్ప్లే పరిమాణాన్ని కలిగి ఉన్నాయని పేర్కొన్నాయి.
ఇందుకు సంబంధించి ITHome నివేదిక వెల్లడించిన వివరాలు ఈ విధంగా ఉన్నాయి. iPhone 14 సిరీస్కు సంబంధించి యాపిల్ కంపెనీ ట్రయల్ ఉత్పత్తి ప్రారంభించింది. ఆగస్టు నెలలో భారీ స్థాయిలో ఉత్పత్తి ప్రారంభించడానికి కూడా సిద్ధమైందని వెల్లడించింది. ఐఫోన్ 14 యొక్క ప్రారంభ అమ్మకాలు ఒక సంవత్సరం క్రితం ఐఫోన్ 13 కంటే ఎక్కువగా ఉంటాయని సరఫరాదారులు తెలిపారు. ఇంకా, Apple హై-ఎండ్ స్మార్ట్ఫోన్ మార్కెట్లో కీలక పాత్ర పోషిస్తోంది. గ్లోబల్గా పలు వ్యతిరేక పరిణామాల కారణంగా మొత్తం స్మార్ట్ఫోన్ డిమాండ్ తగ్గినప్పటికీ, జూలైలో ఐఫోన్ అమ్మకాలు బలంగా ఉన్నాయని ITHome నివేదిక తెలిపింది. అంతేకాకుండా, చాలా మంది వినియోగదారులు సెప్టెంబర్లో కొత్త మోడల్ iPhone విడుదల కొరకు వినియోగదారులు వేచి ఉన్నట్లు పేర్కొంది.
టిప్స్టర్ లీక్ చేసిన వివరాల ప్రకారం.. iPhone 14 సిరీస్ సెప్టెంబర్ 13న లాంచ్ అవుతుందని సమాచారం. iPhone 14 మరియు iPhone 14 Pro మొబైల్స్ 6.1-అంగుళాల డిస్ప్లేలను కలిగి ఉంటాయని.. iPhone 14 Max మరియు iPhone Pro Max - 6.7-అంగుళాలతో వస్తాయని లీకులిచ్చింది. ప్యానెల్లు. ప్రో మోడల్స్ అప్గ్రేడ్ చేసిన 48-మెగాపిక్సెల్ సెన్సార్ తో పెద్ద కెమెరా బంప్ను కలిగి ఉన్నాయని పేర్కొంది.
ఇక రాబోయే సిరీస్లో చిప్ల మార్పులపై టెక్ విశ్లేషకుడు మింగ్ కువో కూడా ఇదువరకే ఆసక్తి కర విషయాలు వెల్లడించారు. రాబోయే iPhone 14, iPhone 14 మాక్స్ రెండు మోడల్స్ కూడా iPhone 13 మాదిరి A15 బయోనిక్ చిప్తో రానున్నట్లు తెలుస్తోంది. యాపిల్ భవిష్యత్తులో కూడా ఇదే పద్దతి అవలంభించే అవకాశం ఉంది. రానున్న రోజుల్లో iPhone 15, iPhone 15 మాక్స్ లకు పాత A16 బయోనిక్ చిప్ను ఉపయోగించే అవకాశం ఉంది. ఇక iPhone 15 ప్రో మోడల్స్ కు మళ్లీ కొత్త బయోనిక్ చిప్ A17 ను అందుబాటులోకి తేనుంది. ఈ పద్దతిని యాపిల్ ఎందుకు పాటిస్తోందంటే.. ఐఫోన్ ప్రియులు లేటెస్ట్ చిప్ సెట్ కలిగిన యాపిల్ మొబైల్ ను వినియోగించాలనుకున్నప్పుడు ఖచ్చితంగా ధర ఎక్కువ కలిగిన ప్రో మోడల్స్ కొనుగోలు చేయాల్సి వస్తుంది. చిప్సెట్ ధరలు తీవ్రంగా పెరిగిన క్రమంలోనే యాపిల్ సంస్థ ఈ వ్యూహాన్ని అమలు చేస్తున్నట్లు తెలుస్తోంది.
-
54,999
-
36,599
-
39,999
-
38,990
-
1,29,900
-
79,990
-
38,900
-
18,999
-
19,300
-
69,999
-
79,900
-
1,09,999
-
1,19,900
-
21,999
-
1,29,900
-
12,999
-
44,999
-
15,999
-
7,332
-
17,091
-
29,999
-
7,999
-
8,999
-
45,835
-
77,935
-
48,030
-
29,616
-
57,999
-
12,670
-
79,470