ట్విట్టర్‌లో ఇండియాలో నంబర్ వన్ సీఎం తెలుసా ?

అరవింద్ కేజ్రీవాల్

ఢిల్లీ ముఖ్యమంత్రి అరవింద్ కేజ్రీవాల్ ట్విట్టర్ ఫాలోయర్ల మనసు దోచుకోవడంలో ముందున్నారు. ఎప్పుడూ బీజేపీని విమర్శించడంలో ముందుండే కేజ్రీవాల్‌కు ట్విట్టర్‌లో 14.7 మిలియన్ ఫాలోయర్లు ఉన్నారు. ఇప్పటివరకు 27.4 వేల ట్వీట్లు చేయడం విశేషం.

నితీష్ కుమార్:

జనతాదళ్-యూ అధినేత, బీహార్ ముఖ్యమంత్రి నితీష్ కుమార్‌కు 4.8 మిలియన్ ఫాలోయర్లు ఉన్నారు. ఆయన రెండో ప్లేస్‌లో ఉన్నారు. ఇప్పటివరకు ఆయన 3000 ట్వీట్లుచేశారు.

చంద్రబాబు నాయుడు:

ఇక ఆంధ్రప్రదేశ్ ముఖ్యమంత్రి నారా చంద్రబాబు నాయుడు ట్విట్టర్‌లో యాక్టీవ్‌గా ఉన్న సీఎంలల్లో మూడో స్థానంలో ఉన్నారు. ఆయనకు 4.2 మిలియన్ ఫాలోయర్లు ఉన్నారు. ఇప్పటివరకు 6.4 వేల ట్వీట్లు చేశారు. రోజుకు ఆయన 25 ట్వీట్లు చేస్తున్నారు.

యోగీ ఆదిత్యనాథ్:

ఉత్తరప్రదేశ్ ముఖ్యమంత్రి యోగీ ఆదిత్యనాథ్‌కు 3.7 మిలియన్ ఫాలోయర్లు ఉన్నారు. ఆయన సమావేశాలు, సభలకు సంబంధించిన ట్వీట్స్ ఎక్కువ చేస్తారు. ఆసక్తికర అంశం ఏంటంటే ఇప్పటివరకు ఏ రాజకీయ నేత ట్వీట్‌ను రీ ట్వీట్ చేయలేదు.

దేవేంద్ర ఫడ్నవీస్:

మహారాష్ట్ర ముఖ్యమంత్రి దేవేంద్ర ఫడ్నవీస్‌కు ట్విట్టర్‌లో 3.4 మిలియన్ ఫాలోయర్లు ఉన్నారు. ఇప్పటి వరకు 30 వేల ట్వీట్స్ చేశారు. ఎక్కువగా తమ బీజేపీ ప్రభుత్వం సాధించిన అభివృద్ధికి సంబంధించిన ట్వీట్స్ చేస్తుంటారు.

మమతా బెనర్జీ:

పశ్చిమ బెంగాల్ ముఖ్యమంత్రి తృణమూల్ కాంగ్రెస్ అధినేత్రి మమతా బెనర్జీకి 3.4 మిలియన్ ఫాలోయర్లు ఉన్నారు. ఈ సీఎం ఎప్పుడూ బీజేపీ ప్రభుత్వాన్ని విమర్శిస్తూ ట్వీట్లు చేస్తుంటారు. ఇప్పటివరకు 5.2 వేల ట్వీట్స్ చేశారు.ఈమె కూడా ఎవరి ట్వీట్‌ను రీట్వీట్ చేయరు.