Asus నుంచి 16GB RAM తో కొత్త ఫోన్! ధర,స్పెసిఫికేషన్ల వివరాలు 

అసుస్ తన జెన్ మొబైల్ సిరీస్‌లో కొత్త ఫోన్ లాంచ్ కోసం, చాలా మంది అభిమానులు ఎంతో ఎదురుచూస్తున్నారు. Asus Zenfone 10 మార్కెట్లో ఎంతో ఉత్సాహాన్ని సృష్టించింది.అయితే, ఇప్పుడు ఈ ఫోన్ ధరకు సంబంధించిన సమాచారం లీక్ కావడంతో ఆసక్తి మరింత పెరిగింది.

అవును, అసూస్ సంస్థ 'Asus Zenfone 10' ని విడుదల చేయడానికి సిద్ధంగా ఉంది మరియు ఈ ఫోన్ త్వరలో మార్కెట్లోకి లాంచ్ కానుంది. త్వరలో లాంచ్ కాబోతున్న ఈ సమయంలో, ఈ ఫోన్ ధర సమాచారం లీక్ చేయబడటం ఎంతో ఆసక్తిని ని కలిగించే విషయం. మరియు ఈ ఫోన్ దాదాపు $749 (భారతదేశంలో సుమారు రూ. 62,000) ధరతో విడుదల చేయవచ్చని లీక్ రిపోర్ట్ లు చెప్తున్నాయి. అయితే లీకైన సమాచారం ప్రకారం ఈ ఫోన్‌లోని ఇతర ఫీచర్ల వివరాలు తెలుసుకుందాం.

Asus Zenfone 10 స్మార్ట్‌ఫోన్ 6.3 అంగుళాల అమోలెడ్ డిస్‌ప్లేను కలిగి ఉంటుంది. దీని డిస్‌ప్లే 1,080 x 2,400 పిక్సెల్‌ల రిజల్యూషన్‌ను కలిగి ఉంటుంది మరియు ఇది 120Hz రిఫ్రెష్ రేట్‌ను కలిగి ఉంటుంది. అలాగే, ఈ డిస్ప్లే 20:9 కారక నిష్పత్తిని కలిగి ఉంటుంది. దుమ్ము మరియు నీటి నిరోధకత కోసం IP68 రేటింగ్‌ను కలిగి ఉంది.

అలాగే, అసూస్ జెన్ ఫోన్ 10 క్వాల్కమ్ స్నాప్ డ్రాగన్ 8 Gen 2 SoC ప్రాసెసర్‌తో వస్తుంది. దీనితో పాటు, ఇది ఆండ్రాయిడ్ 13 OS కు మద్దతును కూడా పొందుతుంది. దీనితో పాటు,16GB RAM మరియు 512 GB స్టోరేజ్ వేరియంట్ ఎంపికలు చేర్చబడతాయి. అత్యధిక ర్యామ్ వేరియంట్‌ని కూడా ఎంపిక చేస్తారని కూడా భావిస్తున్నారు.

ఈ కాంపాక్ట్ స్మార్ట్‌ఫోన్ వెనుక భాగంలో డ్యూయల్ కెమెరా సెటప్ ఉంటుంది. ప్రధాన కెమెరా 50 మెగాపిక్సెల్ సెన్సార్‌ను కలిగి ఉంటుంది. ఇతర వివరాలలో, కెమెరా అల్ట్రా వైడ్ 12-మెగాపిక్సెల్ సెన్సార్‌ ఉంటుంది. దీనితో పాటు, ముందు సెల్ఫీ కెమెరా 12 మెగా పిక్సెల్ సెన్సార్ సామర్థ్యాన్ని కలిగి ఉంటుంది. సెల్ఫీ కెమెరా వీడియో కాలింగ్ మరియు ఫోటోలకు మద్దతు ఇస్తుంది.

Asus Zenfone 10 ఫోన్ యొక్క బ్యాటరీ విషయానికొస్తే, ఈ ఫోన్ 5,000 mAh బ్యాటరీ బ్యాకప్‌ను కలిగి ఉంటుంది. దీనికి అదనంగా, ఇది 67W ఫాస్ట్ ఛార్జింగ్ సౌకర్యాన్ని కూడా పొందుతుంది. Asus Zenfone 10 ఫోన్ ప్రారంభ వేరియంట్ ధర సుమారు $749 (భారతదేశంలో సుమారు రూ. 62,000) ఉంటుందని అంచనా వేయబడింది. ఈ ఫోన్ మూన్ లైట్ వైట్, మిడ్‌నైట్ బ్లాక్, స్టార్రీ బ్లూ, సన్‌సెట్ రెడ్ కలర్స్‌లో ఈ ఫోన్ అందుబాటులో ఉంటుందని తెలిపింది.

Asus Zenfone 9 ఫీచర్లు: ఈ స్మార్ట్‌ఫోన్ 1,080 x 2,400 పిక్సెల్‌ల రిజల్యూషన్‌తో 5.92 అంగుళాల డిస్‌ప్లేను కలిగి ఉంది. దీనితో పాటు, ఇది క్వాల్కమ్ స్నాప్ డ్రాగన్ 8+ జెన్ 1 SoC ప్రాసెసర్‌తో పనిచేస్తుంది. దీనితో పాటు, ఆండ్రాయిడ్ 12 OS మద్దతు కూడా పొందింది. అలాగే, ఈ ఫోన్‌లో 16GB RAM మరియు 512GB స్టోరేజ్ వేరియంట్ ఎంపికలు కూడా వస్తాయని లీక్ లు చెప్తున్నాయి.