ఆపిల్ కంపెనీకి చిక్కులు, వారెంట్ నోటీసులు

మొబైల్ దిగ్గజం ఆపిల్ చిక్కుల్లో పడింది. టెక్సాస్ చర్చి కాల్పుల ఘటనల నేపథ్యంలో ఆపిల్ కంపెనీకి వారంట్లు జారీ అయ్యాయి. ఈ ఘటనలో 27మంది మృతి చెందిన సంగతి తెలిసిందే.. ఈ ఘటనలో నిందుతుడి ఐ పోన్‌ను లాక్ చేయడంలో ఫోరెన్సిక్‌ ల్యాబ్‌ శాస్త్రవేత్తలు విఫలమ్యారు.

దీంతో అతని డేటా కావాలంటూ ఆపిల్‌ కంపెనీని వారు డిమాండ్ చేశారు. శాన్ ఆంటోనియో ఎక్స్‌ప్రెస్‌ న్యూస్ రిపోర్ట్ ప్రకారం, టెక్సాస్ రేంజర్స్ ..కెల్లీ ఐఫోన్ ఎస్‌ఈలోని డేటా యాక్సెస్‌కోసం ఈ సెర్చ్‌ వారంట్‌ ఇచ్చింది. సదర్లాండ్ స్ప్రింగ్స్ విషాదానికి కారణమైన డెవిన్ పాట్రిక్ కెల్లీ (26) ఐ ఫోన్‌ ఎస్‌కి సంబంధించిన డేటా కావాలని ఆదేశించింది.

లోకల్‌, ఐ క్లౌడ్‌లోని సమాచారం కావాలని కోరింది. ముఖ్యంగా కాల్స్‌, మెసేజెస్‌, ఫోటోలు తదితర రికార్డులు సంపాదించేందుకు ఈ నోటీసులు జారి చేసింది. అయితే న్యాయపరమైన అంశం గనుక ప్రస్తుతం దీనిపై ఏమీ వ్యాఖ్యానించలేమని ఆపిల్‌ ప్రతినిధి తెలిపారు.