యాక్సిస్ బ్యాంక్ కార్డుతో స్మార్ట్‌ఫోన్ కొంటున్నారా? ఈ చిన్న ట్రిక్ పాటిస్తే రూ.1000 వరకు క్యాష్‌బ్యాక్!

ఈ రోజే సరికొత్త స్మార్ట్‌ఫోన్ కొనేందుకు ప్లాన్ చేస్తున్నారా? అయితే యాక్సిస్ బ్యాంక్ ఖాతాదారులకు ఒక సూపర్ ఆఫర్ అందుబాటులో ఉంది. యాక్సిస్ గ్రాబ్ డీల్స్ (Axis Grab Deals) క్యాష్‌బ్యాక్‌ను, స్టోర్లలో లభించే తక్షణ బ్యాంక్ డిస్కౌంట్లతో కలిపి ఒకేసారి వాడుకోవచ్చు. ఈ ఆఫర్ అమెజాన్, క్రోమా, రిలయన్స్ డిజిటల్ తో పాటు బ్రాండ్ల అఫీషియల్ స్టోర్లలో నడుస్తోంది. దీనివల్ల కార్డుపై లభించే తక్షణ తగ్గింపుతో పాటు పోర్టల్ ద్వారా అదనపు రివార్డ్ పాయింట్లు లేదా క్యాష్‌బ్యాక్ పొందవచ్చు. ఈ డబుల్ బెనిఫిట్ వల్ల పాపులర్ స్మార్ట్‌ఫోన్ల నెట్ ధర భారీగా తగ్గుతుంది.

అయితే యాక్సిస్ బ్యాంక్ గ్రాబ్ డీల్స్ ద్వారా ఒక కార్డుపై నెలకు గరిష్టంగా రూ.1,000 వరకు మాత్రమే క్యాష్‌బ్యాక్ ఇస్తోంది. సాధారణ క్రెడిట్, డెబిట్ కార్డులన్నింటికీ ఈ ఆఫర్ వర్తిస్తుంది. కానీ, కొన్ని రకాల కో-బ్రాండెడ్ కార్డులకు మాత్రం ఇది వర్తించదు. ఈ క్యాష్‌బ్యాక్ పొందాలంటే ముందుగా గ్రాబ్ డీల్స్ పోర్టల్‌లోకి వెళ్లి మీ కార్డు వివరాలను ప్రామాణీకరించుకుని (authenticate) అక్కడి నుంచే షాపింగ్ ప్రారంభించాలి. ఒకవేళ మీరు యూపీఐ (UPI) లేదా పే లేటర్ (Pay Later) సేవ ద్వారా చెల్లింపులు చేస్తే మాత్రం ఈ క్యాష్‌బ్యాక్ ఆఫర్ రాదు.

యాక్సిస్ గ్రాబ్ డీల్స్‌తో స్మార్ట్‌ఫోన్లపై భారీగా ఆదా చేసుకోండిలా..

క్యాష్‌బ్యాక్ రివార్డులు క్రెడిట్ అవ్వాలంటే గ్రాబ్ డీల్స్ పోర్టల్ ద్వారా సదరు ఈ-కామర్స్ సైట్‌కి రీడైరెక్ట్ అయిన తర్వాతే స్మార్ట్‌ఫోన్‌ను కార్ట్‌కు యాడ్ చేయాలి. అంతకుముందే కార్ట్‌లో ఉన్న వస్తువులకు ఈ క్యాష్‌బ్యాక్ వర్తించదు. కొనుగోలు పూర్తయ్యాక కొన్ని గంటల్లోనే మీ పోర్టల్ డ్యాష్‌బోర్డ్‌లో ఒక యూనిక్ ట్రాకింగ్ ఐడీ జనరేట్ అవుతుంది. ఆర్డర్ పూర్తయిన 90 నుంచి 120 రోజులలోపు మీరు చెల్లింపు చేసిన కార్డు ఖాతాలోకి క్యాష్‌బ్యాక్ జమ అవుతుంది.

షాపింగ్ చేసేటప్పుడు నో-కాస్ట్ ఈఎంఐ (NCEMI) ఆప్షన్ల కంటే పూర్తి చెల్లింపు (Full Payment) చేయడం మేలా కాదా అని బేరీజు వేసుకోవడం మంచిది. ఎందుకంటే బ్యాంక్ ప్రాసెసింగ్ ఫీజులు, జిఎస్‌టి (GST) ఛార్జీల వల్ల తక్షణ తగ్గింపు ద్వారా వచ్చే ఆదా తగ్గిపోవచ్చు. పైగా అదనపు వడ్డీ ఛార్జీల వల్ల మీకు వచ్చే క్యాష్‌బ్యాక్ లాభం కరిగిపోయే ప్రమాదం ఉంది. అందుకే మిడ్-రేంజ్, ఫ్లాగ్‌షిప్ మొబైల్స్ కొనేటప్పుడు కార్డు ద్వారా ఒకేసారి పూర్తి చెల్లింపు చేయడమే ఎక్కువ ఆదా ఇస్తుంది.

డిస్కౌంట్ మిస్ అవ్వకుండా ఉండాలంటే ఇవి తప్పనిసరి!

ఒకవేళ క్యాష్‌బ్యాక్ రాకపోతే క్లెయిమ్ చేయడానికి కొనుగోలు వివరాల ప్రూఫ్‌లను భద్రపరుచుకోవడం చాలా ముఖ్యం. చెల్లింపు సమయంలో తక్షణ డిస్కౌంట్ వర్తించినట్లు స్పష్టంగా కనిపించేలా పేమెంట్ స్క్రీన్ షాట్ తీసి ఉంచుకోండి. వీటితో పాటు పోర్టల్ ట్రాకింగ్ ఐడీ, ఆర్డర్ కన్ఫర్మేషన్ ఈమెయిల్ భద్రంగా దాచుకోవాలి. బ్యాంక్ క్యాష్‌బ్యాక్ జమ కాకపోతే ఈ డిజిటల్ ప్రూఫ్‌ల సహాయంతో సమస్యను త్వరగా పరిష్కరించుకోవచ్చు.

పండుగ సేల్స్ సమయంలో పోర్టల్ క్యాష్‌బ్యాక్, ఇన్‌స్టంట్ బ్యాంక్ డిస్కౌంట్లను కలిపి ఉపయోగించడం వల్ల స్మార్ట్‌ఫోన్లపై అద్భుతమైన డీల్స్ పొందవచ్చు. దీనికి తోడు పాత ఫోన్ ఎక్స్ఛేంజ్ బోనస్ కూడా వాడుకుంటే మీ జేబుకు మరింత భారం తగ్గుతుంది. ఆఫర్ రీడైరెక్షన్ నిబంధనలను సరిగ్గా పాటిస్తూ, పేమెంట్ ప్రూఫ్‌లను భద్రంగా ఉంచుకుంటే గరిష్ట తగ్గింపు పొందవచ్చు. ఇలా కార్డును తెలివిగా వాడి తక్కువ ధరకు మీ డ్రీమ్ స్మార్ట్‌ఫోన్‌ను సొంతం చేసుకోండి!