బ్యాంకులకు కీలకమైన సూచనలు జారీ చేసిన టెలికమ్యూనికేషన్ శాఖ

3జీ లేదా 4జీ టెక్నాలజీ సర్వీసులకు

ప్రస్తుతం బ్యాంకింక్ రంగాల్లో వినియోగించే పీఓఎస్ మిషన్లు 2జీ టెక్నాలజీ ఆధారంగా పనిచేస్తున్నాయి. వెంటనే.. పీఓఎస్ మిషన్లను 3జీ లేదా 4జీ టెక్నాలజీ సర్వీసులకు అప్ గ్రేడ్ అవ్వాలని టెలికం శాఖ జాయింట్ సెక్రటరీ అమిత్ యాదవ్ తెలిపారు.

పీఓఎస్ సాఫ్ట్ వేర్ ను అప్ గ్రేడ్ చేయడం

పీఓఎస్ మిషన్లను అప్ గ్రేడ్ చేయని పక్షంలో ఫైనాన్షియల్ గా సవాళ్లను ఎదుర్కోవాల్సిన పరిస్థితి ఎదురువుతుందని అన్నారు. ముందు జాగ్రత్త చర్యగా పీఓఎస్ సాఫ్ట్ వేర్ ను అప్ గ్రేడ్ చేయడం ఎంతో ముఖ్యమని అమిత్ తెలిపారు. ప్రస్తుతం అడ్వాన్స్ డ్ టెక్నాలజీ అందుబాటులో ఉందని చెప్పారు.

5G టెక్నాలజీ సర్వీసు ల్యాబ్

ఈ నేపథ్యంలోనే బ్యాంకింగ్, ఫైనాన్షియల్ సెక్టార్ కు సంబంధించి ఇన్స్ స్టిట్యూట్ ఫర్ డెవలప్ మెంట్ అండ్ రీసెర్చ్ ఇన్ బ్యాంకింగ్ టెక్నాలజీ (IDRBT)పేరుతో 5G టెక్నాలజీ సర్వీసు ల్యాబ్ ను ప్రారంభించారు. అత్యంత అడ్వాన్స్ డ్ 5జీ టెక్నాలజీ సర్వీసు అందుబాటులోకి వచ్చిందని, ఈ టెక్నాలజీకి అనుగుణంగా బ్యాంకింగ్ సెక్టార్ లో టెక్నాలజీ సర్వీసులు కూడా అప్ డేట్ కావాల్సి ఉందన్నారు.

మొబైల్ ఫోన్ యూజర్లు

మూడేళ్లలో దేశంలో మౌలిక సదుపాయాలు మెరుగయి, ఎన్నో మొబైల్ టవర్ల నిర్మాణం జరిగిందని, రెండు లక్షల నుంచి 5 లక్షల వరకు మొబైల్ టవర్లు పెరిగిపోయాయని ఆయన తెలిపారు. బేస్ టవర్ స్టేషన్లు (BTS) కూడా 6 లక్షల నుంచి 20 లక్షలకు పెరిగాయి. మొబైల్ ఫోన్ యూజర్లు కూడా 1.2 బిలియన్ల (120 కోట్లు) మంది పెరిగినట్టు యాదవ్ తెలిపారు.