ఆగస్టు 31లోపు జియో, ఎయిర్‌టెల్ రీఛార్జ్ చేస్తే భారీ క్యాష్‌బ్యాక్! ఓటీటీ ప్లాన్ల అసలు ధర ఇదే!

జియో ఆఫర్ చేసే ఆగస్టు క్యాష్‌బ్యాక్ గడువు 2026 ఆగస్టు 31 రాత్రి 11:59 గంటలతో ముగియనుంది. ప్లాన్ ప్రకారం సరిగ్గా రీఛార్జ్ చేసుకుంటే... నెట్‌ఫ్లిక్స్, జియోహాట్‌స్టార్ బండిల్డ్ ప్లాన్ల అసలు ధరను గణనీయంగా తగ్గించుకోవచ్చు. కొన్నిసార్లు ఎయిర్‌టెల్ ఎంటర్‌టైన్‌మెంట్ ప్యాక్‌ల కంటే ఇవే బెస్ట్ డీల్‌గా నిలుస్తున్నాయి. మీరు కన్ఫ్యూజ్ అవ్వకుండా ఉండేందుకు ప్రస్తుత క్యాష్‌బ్యాక్ ఆఫర్లు, ఓటీటీ నిబంధనలను మేము స్వయంగా పరిశీలించి ఈ వివరాలు అందిస్తున్నాం. ఈ రోజు అందుబాటులో ఉన్న ఆఫర్లు ఏమిటి? మీకు అసలు అయ్యే ఖర్చు ఎంత? పూర్తి వివరాలు ఇక్కడ చూద్దాం.

జియో ఈ ఆగస్టు 1 నుండి 31 వరకు ప్రత్యేక ఆఫర్ విండోను అందుబాటులోకి తెచ్చింది. భీమ్ (BHIM), అమెజాన్ పే, మోబిక్విక్, పేటీఎం, గూగుల్ పే వంటి పేమెంట్ యాప్‌ల ద్వారా ఈ ఆఫర్లు లభిస్తాయి. అయితే ప్రతి యాప్‌కు మినిమం రీఛార్జ్ పరిమితి, గరిష్ట క్యాష్‌బ్యాక్, రిడెంప్షన్ పద్ధతులు (క్యాష్‌బ్యాక్, స్క్రాచ్ కార్డ్‌లు లేదా బ్రాండ్ వోచర్లు) వేర్వేరుగా ఉంటాయి. ఈ నెలలో ప్రతీ యూజర్‌కు ఒకసారి మాత్రమే ఈ అవకాశం ఉంటుంది. ముఖ్యమైన విషయం ఏంటంటే... క్యాష్‌బ్యాక్ రివార్డులు రావాలంటే ఆయా పేమెంట్ యాప్‌ల నుంచే నేరుగా చెల్లింపులు చేయాలి, మైజియో యాప్ చెకౌట్ ద్వారా ఇవి వర్తించవు.

జియో ఆగస్టు క్యాష్‌బ్యాక్: గడువు, అర్హతలు, ఆఫర్ ఎక్కడ వర్తిస్తుంది?

ప్రస్తుతం ఉన్న బెస్ట్ ఆఫర్లను గమనిస్తే... భీమ్ యాప్‌లో ₹349 లేదా అంతకంటే ఎక్కువ రీఛార్జ్‌పై ₹45 వరకు క్యాష్‌బ్యాక్ లభిస్తోంది. అమెజాన్ పే వ్యాలెట్ ద్వారా ₹25 నుంచి ₹50 వరకు వస్తుండగా, ₹799 కంటే ఎక్కువ రీఛార్జ్‌లకు మరింత ఎక్కువ ప్రయోజనం ఉంది. మోబిక్విక్ యూపీఐ ద్వారా అయితే గరిష్టంగా ₹100 వరకు బిగ్గెస్ట్ క్యాష్‌బ్యాక్ ఆఫర్ చేస్తోంది, కానీ ఇది ₹799 అంతకంటే ఎక్కువ రీఛార్జ్‌లకే పరిమితం. అయితే ఈ ఆఫర్లు ఎంపిక చేసిన వినియోగదారులకు, ఆఫర్ వ్యవధిలో ఒకసారి మాత్రమే వర్తిస్తాయి. కాబట్టి యూజర్‌ని బట్టి ఈ ఆఫర్ మారే అవకాశం ఉంది.

పేమెంట్ పార్ట్‌నర్ యాప్ ద్వారా రీఛార్జ్ పూర్తి కాగానే క్యాష్‌బ్యాక్ ప్రాసెస్ అవుతుంది, అయితే యాప్ నిబంధనల ప్రకారం ఖాతాలో జమ కావడానికి కాస్త సమయం పట్టవచ్చు. కొన్ని ఆఫర్లలో నేరుగా డబ్బులకు బదులుగా బ్రాండ్ ఈ-వోచర్లు లభిస్తాయి. అందువల్ల డబ్బులు చెల్లించే ముందే మినిమం రీఛార్జ్ ఎంత, ఏ యూపీఐ ఐడీలకి వర్తిస్తుంది, ఒక్కసారి మాత్రమే ఆఫర్ ఉందా అనే వివరాలను సరిగ్గా చదువుకోండి. ఒకే రీఛార్జ్‌పై వేర్వేరు యాప్‌ల ఆఫర్లను క్లేయిమ్ చేయడం కుదరదు కాబట్టి, మీకు అత్యధిక లబ్ధి చేకూరే ఆఫర్‌నే ఎంచుకోండి.

జియో ప్రిపేడ్ నెట్‌ఫ్లిక్స్, జియోహాట్‌స్టార్ బండిల్డ్ ప్లాన్లు: ధరలు, వ్యాలిడిటీ, యాక్టివేషన్ వివరాలు

నెట్‌ఫ్లిక్స్ లవర్స్ కోసం జియో వద్ద ₹1,299 ప్రిపేడ్ ప్యాక్ అందుబాటులో ఉంది. 84 రోజుల వ్యాలిడిటీతో వచ్చే ఈ ప్లాన్‌లో రోజుకు 2 జీబీ డేటాతో పాటు నెట్‌ఫ్లిక్స్ మొబైల్ సబ్‌స్క్రిప్షన్ ఉచితంగా లభిస్తుంది. రీఛార్జ్ చేసిన తర్వాత మైజియో యాప్‌లోని నెట్‌ఫ్లిక్స్ బ్యానర్ ద్వారా మీ పాత ప్రొఫైల్‌ను లింక్ చేయవచ్చు లేదా కొత్తది క్రియేట్ చేసుకుని యాక్టివేట్ చేయవచ్చు. ఈ ప్లాన్ యాక్టివ్‌గా ఉన్నంత కాలం నెట్‌ఫ్లిక్స్ ఉచితంగా వస్తుంది. జియో మొదట 2023లో ప్రిపేడ్ నెట్‌ఫ్లిక్స్ ప్లాన్లను తీసుకొచ్చి, ఆ తర్వాత ధరలను సవరించింది.

ఇక స్పోర్ట్స్, డిస్నీ కంటెంట్ ఇష్టపడే వారి కోసం జియో తన రెగ్యులర్ రీఛార్జ్‌లతోనే జియోహాట్‌స్టార్ బెనిఫిట్స్‌ను ఇస్తోంది. రోజుకు 2 జీబీ డేటా ఇచ్చే ₹349 లేదా అంతకంటే ఎక్కువ ప్లాన్లు, రోజుకు 2.5 జీబీ డేటా ఇచ్చే ₹399 లేదా అంతకంటే ఎక్కువ ప్లాన్లపై పరిమిత కాలానికి జియోహాట్‌స్టార్ మొబైల్‌తో పాటు హెచ్‌బీవో హాలీవుడ్ కంటెంట్ లభిస్తుంది. కొన్ని రకాల ప్లాన్లలో మైజియో యాప్‌లోని 'మై కూపన్స్' టాబ్ ద్వారా ప్రీమియం కూపన్లు ఇస్తారు. వీటిని నిర్ణీత సమయంలోపే క్లెయిమ్ చేసుకోవాల్సి ఉంటుంది.

ఎయిర్‌టెల్ ప్రిపేడ్ ఎంటర్‌టైన్‌మెంట్ ప్యాక్‌లు: ఓటీటీ ప్రయోజనాలు ఇవే!

ఈ నెలలో ఎయిర్‌టెల్ బడ్జెట్ వినియోగదారుల కోసం ₹399 ప్లాన్‌ను అందిస్తోంది. 28 రోజుల వ్యాలిడిటీతో వచ్చే ఈ ప్లాన్‌లో రోజుకు 2.5 జీబీ డేటా, అన్‌లిమిటెడ్ 5జీతో పాటు అదే వ్యవధికి జియోహాట్‌స్టార్ మొబైల్ సబ్‌స్క్రిప్షన్ ఉచితంగా వస్తుంది. రీఛార్జ్ పూర్తయ్యాక 'ఎయిర్‌టెల్ థ్యాంక్స్' యాప్ ద్వారా ఈ ఓటీటీని యాక్టివేట్ చేసుకోవాలి. టెలికాం సర్కిల్‌ను బట్టి ఈ ఆఫర్లు, యాడ్-ఆన్‌లలో మార్పులు ఉండవచ్చు, కాబట్టి రీఛార్జ్ చేసేముందు యాప్‌లో ఒకసారి చెక్ చేసుకోండి.

ప్రిపేడ్‌లోనే నెట్‌ఫ్లిక్స్ కావాలనుకునే వారి కోసం ఎయిర్‌టెల్ ₹598 ధరతో ఆల్-ఇన్-వన్ ఎంటర్‌టైన్‌మెంట్ ప్యాక్‌ను అందిస్తోంది. 28 రోజుల వ్యాలిడిటీ ఉన్న ఈ ప్లాన్‌లో అన్‌లిమిటెడ్ సర్వీస్‌తో పాటు నెట్‌ఫ్లిక్స్ బేసిక్, జీ5, జియోహాట్‌స్టార్, ఎక్స్‌స్ట్రీమ్ ప్లే ప్రీమియం సబ్‌స్క్రిప్షన్లు లభిస్తాయి. వీటిని కూడా ఎయిర్‌టెల్ యాప్ నుంచే క్లెయిమ్ చేసుకోవాలి. ఇవే కాకుండా జియోహాట్‌స్టార్ 3 నెలలు లేదా ఏడాది పాటు లభించే ప్రత్యేక ప్రిపేడ్ ప్యాక్‌లు కూడా ఎయిర్‌టెల్‌లో అందుబాటులో ఉన్నాయి.

₹400 లోపే ఓటీటీ ఇచ్చే చౌకైన అన్‌లిమిటెడ్ ప్లాన్లు; వీకెండ్ డేటా బూస్టర్లు ఇవే

28 రోజుల వ్యాలిడిటీతో ₹400 లోపే ఓటీటీని అందించే రెండు ప్లాన్లు ప్రస్తుతం బాగా పాపులర్ అవుతున్నాయి. అందులో మొదటిది జియో ₹349 ప్లాన్. దీనికి జియోహాట్‌స్టార్ మొబైల్ సబ్‌స్క్రిప్షన్ వస్తుంది. దీన్ని భీమ్ యాప్ క్యాష్‌బ్యాక్‌తో కలిపి రీఛార్జ్ చేస్తే మీకరయ్యే అసలు ఖర్చు కేవలం ₹304 మాత్రమే! ఇక రెండోది ఎయిర్‌టెల్ ₹399 ప్లాన్, ఇందులో జియోహాట్‌స్టార్ మొబైల్ ఉచితంగా లభిస్తుంది. ఎయిర్‌టెల్ యాప్‌లో పేటీఎం ద్వారా చెల్లిస్తే ఎంపిక చేసిన యూజర్లకు ₹100 వరకు క్యాష్‌బ్యాక్ లభిస్తుంది. చెల్లింపుకు ముందే ఆఫర్ బ్యానర్లను పరిశీలించడం మంచిది.

వీకెండ్స్‌లో బింజ్ వాచింగ్ చేసేవారికి పూర్తి ప్లాన్ ధర పెంచడం కంటే తక్కువ వ్యాలిడిటీ ఉండే డేటా బూస్టర్లు బెస్ట్ ఆప్షన్. శుక్రవారం నుంచి ఆదివారం వరకు ఎక్కువ డేటా వాడే వారి కోసం ఎయిర్‌టెల్ తక్కువ ధరలో 3 రోజుల వ్యాలిడిటీ ప్యాక్‌లను అందిస్తోంది. జియోలో రోజుకు 2 జీబీ లేదా అంతకంటే ఎక్కువ డేటా ప్లాన్ వాడేవారు ఉచిత అన్‌లిమిటెడ్ 5జీ పొందవచ్చు, లేదా అవసరమైనప్పుడు డేటా అప్‌గ్రేడ్ ప్యాక్ వేసుకోవచ్చు. ఈ రెండింటి ద్వారా అదనపు ఖర్చులు లేకుండా వీకెండ్స్‌లో హ్యాపీగా స్ట్రీమింగ్ చేసుకోవచ్చు.

ప్రస్తుతం అసలు ఖర్చు ఎంత?: నెట్‌ఫ్లిక్స్, జియోహాట్‌స్టార్ బండిల్స్ వర్సెస్ ఎయిర్‌టెల్

జియో క్యాష్‌బ్యాక్ హబ్, ఎయిర్‌టెల్ ఇన్-యాప్ క్యాష్‌బ్యాక్ పేజీలలోని పార్ట్‌నర్ ఆఫర్ల ఆధారంగా మేము ఈ నికర ధరలను లెక్కించాం. మీ అర్హత, ఉపయోగించే పేమెంట్ మోడ్, ఆఫర్ లభ్యతను బట్టి నిజమైన క్యాష్‌బ్యాక్ మారుతుంది. అంతేకాకుండా వీటిలో చాలా ఆఫర్లు ఈ నెలలో ఒకసారి మాత్రమే వర్తిస్తాయి. అందువల్ల డబ్బులు చెల్లించేముందు కనీస రీఛార్జ్ మొత్తం, రిడెంప్షన్ విధానాన్ని తప్పకుండా సరిచూసుకోండి.

ఎవరికి ఏ ప్లాన్ బెస్ట్?: విద్యార్థులు, ఫ్యామిలీ, క్రికెట్ లవర్స్ గమనించాల్సిన విషయాలు

రీఛార్జ్ చేసే ముందు చివరిగా రెండు విషయాలు గుర్తుంచుకోండి. మొదటిది, పార్ట్‌నర్ క్యాష్‌బ్యాక్ రివార్డులు పొందాలంటే 2026 ఆగస్టు 31 లోపే రీఛార్జ్ పూర్తి చేయాలి... గడువు దాటితే ఈ ఆఫర్లు లభించవు. రెండోది, రీఛార్జ్ పూర్తయిన వెంటనే మైజియో లేదా ఎయిర్‌టెల్ థ్యాంక్స్ యాప్‌లోకి వెళ్ళి ఓటీటీని యాక్టివేట్ చేసుకోవాలి. రీఛార్జ్ చేసే ముందు కేవలం రెండు నిమిషాలు ఆఫర్ వివరాలు, క్లెయిమ్ విధానాన్ని పరిశీలిస్తే వందల రూపాయల ఆదా చేసుకోవచ్చు.