Bharat QR code, పూర్తి సమాచారం

తప్పనిసరిగా స్మార్ట్‌ఫోన్‌ ఉండాలి

Bharat QR codeను కార్పొరేషన్ ఆఫ్ ఇండియా, మాస్టర్ కార్డ్, వీసాలు అభివృద్ధి చేసాయి. ఈ ఫీచర్ ను ఉపయోగించుకోవాలనే వారు తప్పనిసరిగా స్మార్ట్‌ఫోన్‌ను కలిగి ఉండాలి. ఇదే సమయంలో వారివారి బ్యాంక్ అకౌంట్‌లకు సంబంధించిన మొబైల్ బ్యాకింగ్ యాప్‌లను కూడా వాడుతుండాలి.

సపోర్ట్ చేయబోయే బ్యాంకుల వివరాలు..

Bharat QR code సర్వీసును సపోర్ట్ చేయబోయే బ్యాంకుల వివరాలు.. యాక్సిస్ బ్యాంక్, బ్యాంక్ ఆఫ్ ఇండియా, సిటీ యూనియన్ బ్యాంక్, డీసీబీ బ్యాంక్ లిమిటెడ్, కరూర్ వైశ్యా బ్యాంక్, హెచ్ డీఎఫ్ సీ బ్యాంక్ లిమిటెడ్, ఐసీఐసీఐ బ్యాంక్ లిమిటెడ్. ఐడీబీఐ బ్యాంక్ లిమిటెడ్, పంజాబ్ నేషనల్ బ్యాంక్, లిమిటెడ్, స్టేట్ బ్యాంక్ ఆఫ్ ఇండియా, యూనియన్ బ్యాంక్ ఆఫ్ ఇండియా, విజయా బ్యాంక్, ఎస్ బ్యాంక్ లిమిటెడ్.

ప్రస్తుతానికి ICICI అలానే HDFC

ప్రస్తుతానికి Bharat QR code సర్వీసును ICICI అలానే HDFC బ్యాంకులకు సంబంధించిన Pockets App, PayZapp appలు మాత్రమే యాడ్ చేసుకున్నాయి. త్వరలోనే మిగితా బ్యాంకులు కూడా ఈ సర్వీసును
యాడ్ చేసుకోబోతున్నాయి

Bharat QR code సర్వీసును ఉపయోగించుకుని చెల్లింపులను చేపట్టడం ఎలా..?

మీరు ICICI లేదా HDFC బ్యాంక్ ఖతాదారులు అయినట్లయితే ముందుగా PayZapp అలానే Pockets యాప్‌లను ఆండ్రాయిడ్ ఫోన్‌లలో ఇన్‌స్టాల్ చేసుకోవాలి. ఈ యాప్స్ లాంచ్ అయిన తరువాత అకౌంట్‌లలోకి Signup అవ్వాల్సి ఉంటుంది. ఆ తరువాత 4 డిజిట్ల పిన్ కోడ్‌ను సెట్ చేసుకోవాలి.
ఇప్పుడు debit/credit కార్డ్ అలానే బ్యాంక్ అకౌంట్‌కు సంబంధించిన వివరాలను యాప్‌కు లింక్ చేసుకోవాలి. అంతే Bharat QR code సర్వీసు మీకు అందుబాటులో ఉన్నట్లే.