తెలుగులో Airtel డిజిటల్ కేర్

భారతదేశపు అతిపెద్ద టెలికం ఆపరేటర్ భారతీ ఎయిర్‌టెల్ తమ వినియోగదారులకు మరింత చేరువయ్యే క్రమంలో *121# డిజిటల్ కేర్ ప్లాట్‌ఫామ్‌ను లాంచ్ చేసింది. ఈ సర్వీసుతో తెలుగుతో సహా 10 ప్రాంతీయ భాషల్లో అందుబాటులో ఉంటుంది. దేశవ్యాప్తంగా ఉన్న ఎయిర్‌టెల్ ప్రీపెయిడ్ కస్టమర్లు ఈ సేవలను యాక్సిస్ చేసుకునే వీలుంటుంది.

దేశవ్యాప్తంగా భారతీ ఎయిర్‌టెల్‌కు దాదాపుగా 275 మిలియన్ల కస్టమర్లు ఉన్నారు. వారిలో 93.7శాతం మంది ప్రీపెయిడ్ కస్టమర్లే కావటం విశేషం. *121# డిజిటల్ కేర్‌ను సంప్రదించటం ద్వారా ఎయిర్‌టెల్ ప్రీపెయిడ్ కస్టమర్లు తమ ఖతాలోకి అకౌంట్ బ్యాలన్స్, రీచార్జ్ వ్యాలిడిటీ, చివరిగా చేసిన లావాదేవీల తాలుకా సమాచారాన్ని తెలుసుకునే వీలుంటుంది. అంతేకాకుండా ఈ సర్వీసును ఉపయోగించుకుని వాల్యూ యాడెడ్ సర్వీసులను యాక్టివేట్ లేదా డీయాక్టివేట్ చేసుకునే వీలుంటుంది. ఎయిర్‌టెల్ డిజిటల్ కేర్ సర్వీసులను ఉపయోగించుకోవాలనుకునే యూజర్లు తమ మొబైల్ ఫోన్ నుంచి *121#కు డయల్ చేస్తే సరిపోతుంది.