బీఎండబ్ల్యూ భవిష్యత్ ఇదేనా..?

By Sivanjaneyulu

Published: Saturday, March 12, 2016, 10:31 [IST]

ప్రముఖ అగ్రశ్రేణి కార్ల తయారీ కంపెనీ బీఎండబ్ల్యూ తన 100వ వార్షికోత్సవాన్ని ప్రత్యేకంగా జరుపుకోబోతోంది. ఈ ప్రతిష్టాత్మక ఘట్టాన్ని పురస్కరించుకుని బీఎండబ్ల్యూ సంస్థ 'విజన్ నెక్స్ట్ 100' పేరుతో తన మొదటి అటానమస్ వెహికల్‌ను ప్రపంచానికి పరిచయం చేసింది. విభిన్నమైన ఆకృతిలో స్లీక్ ఇంకా స్టైలిష్ డిజైన్‌తో హల్‌చల్ చేస్తున్న ఈ విప్లవాత్మక కారు భవిష్యత్ బీఎండబ్ల్యూ కార్లకు దిక్సూచిగా నిలిచే అవకాశం ఉంది.

ఆధునిక టెక్నాలజీ మేళవింపు ఈ కాన్సెప్ట్ కారులో అనువనువునా కనిపిస్తోంది. ముఖ్యంగా షేప్ షిఫ్టింగ్, రెండు రకాలైన డ్రైవింగ్ మోడ్స్ వంటి సౌలభ్యతలు కారును పూర్తిగా విప్లవాత్మం చేసేసాయి. ఈ వెహికల్‌లో పొందుపరిచిన అటానమస్ ఫీచర్ డ్రైవర్‌తో పనిలేకుండా కారును ముందుకు నడిపించటంతో తనని తాను నియంత్రించుకోగలదు. ఎలక్ట్రిక్ లేదా హైబ్రీడ్ పవర్‌ట్రెయిన్ ఆధారంగా ఈ కారుకు శక్తిని సమకూర్చే అవకాశం ఉంది. ఆధునిక ఆలోచనలతో రాబోతున్న ఈ కాన్సెప్ట్ కారు స్పెసిఫికేషన్స్ ‌కు సంబంధించి పూర్తి వివరాలు త్వరలోనే వెల్లడి కానున్నాయి.

Read More: 10 బెస్ట్ ఆండ్రాయిడ్ బ్రౌజర్ యాప్స్