BSNL వసంతం ప్లాన్‌...తక్కువ ధర వద్ద అధిక ప్రయోజనాలు

బీఎస్‌ఎన్‌ఎల్ నుంచి వచ్చిన వసంతమ్‌ ప్లాన్‌ కూడా ఇదే కోవలోకి వస్తుంది. రూ.99 ధర వద్ద ఈ వసంతమ్‌ ప్రీపెయిడ్ ప్లాన్ గతంలో చాలా ప్రాచుర్యం పొందింది. అలాగే చాలా మంది దీనిని ఇష్టపడ్డారు కూడా. కానీ ఇటీవల కాలంలో ఈ ప్లాన్‌ను తన పోర్ట్ ఫోలియో నుండి తొలగించడం జరిగింది మరియు కొంతకాలంగా ఇది అందుబాటులో లేదు.

కానీ మీరు ఉహించినట్లుగా ఈ ప్లాన్‌ను తిరిగి బిఎస్‌ఎన్‌ఎల్ తన జాబితాలోకి మళ్ళి చేర్చింది. కాకపోతే ప్రయోజనాలలో కొన్ని మార్పులను చేసింది. ఈ ప్లాన్‌లో అత్యంత ముఖ్యమైన మార్పు దాని యొక్క చెల్లుబాటు కాలంను మార్చడం. వసంతమ్ ప్లాన్‌ యొక్క ధర మరియు వాటి యొక్క ప్రయోజనాల గురించి మరింత తెలుసుకోవడానికి ముందుకు చదవండి.

బిఎస్ఎన్ఎల్ రూ.96 వసంతం ప్లాన్ బెనిఫిట్స్

మీరు ఇంతకుముందు వసంతమ్ ప్లాన్‌ను ఉపయోగించినట్లయితే అది వాయిస్-బేస్డ్ ప్లాన్ అని మీకు తెలుసు అది డేటా ప్రయోజనాన్ని అందించదు. బిఎస్ఎన్ఎల్ యొక్క రూ.96 ల వసంతం ప్లాన్ డేటా ప్రయోజనం లేకుండా వస్తుంది. కాని వాయిస్ కాలింగ్ బేస్డ్ ఫ్రీబీస్ ఉన్నాయి. ఉదాహరణకు ఈ ప్లాన్ ఇతర ప్లాన్‌ల మాదిరిగానే రోజుకు 250 నిమిషాల చొప్పున 21 రోజుల పాటు వాయిస్ కాలింగ్‌ను అందిస్తుంది. అంతేకాకుండా ఈ ఫ్రీబీస్‌లో 21 రోజులలో రోజుకు 100 ఎస్‌ఎంఎస్‌లు కూడా ఉన్నాయి. మార్పులు చేసిన తరువాత ఇప్పుడు ఈ ప్లాన్ యొక్క యాక్సిస్ వాలిడిటీ ఇప్పుడు 90 రోజులు.

వసంతమ్ ప్లాన్ విలువైనదేనా?

ఈ ప్రశ్నకు సమాధానం ఇవ్వడానికి ఫ్రీబీస్ మరియు చెల్లుబాటు వ్యవధిని గమనిస్తే చాలు. ఫ్రీబీస్ యొక్క చెల్లుబాటు కాలం 21 రోజులను బిఎస్ఎన్ఎల్ మార్చలేదు. అక్టోబర్ నెలలో కూడా ఫ్రీబీస్ చెల్లుబాటు 21 రోజులు కాగా ప్లాన్ యొక్క చెల్లుబాటు 180 రోజులు. అయితే ఇప్పుడు ఫ్రీబీస్ చెల్లుబాటు 21 రోజులు అదే విధంగా ఉంది మరియు ప్లాన్ యొక్క యాక్సిస్ మాత్రం తగ్గించబడింది. కాబట్టి SMS మరియు కాలింగ్ పేరిట మీకు లభించే ప్రయోజనాలు ఒకే విధంగా ఉన్నాయని చెప్పవచ్చు. అయితే మీకు బేస్ టారిఫ్ వసూలు చేయబడే కాలం తగ్గించబడింది. కానీ వసంతం ప్లాన్ యొక్క ప్రధాన ప్రయోజనాలు చెక్కుచెదరకుండా ఉన్నాయి. కావున చందాదారులు దీనిని ఎంచుకోవడం గురించి ఇంకా ఆలోచించవచ్చని దీని అర్థం. చెన్నై మరియు తమిళనాడు సర్కిల్‌లో ఈ మార్పు జరిగింది. ఈ ప్లాన్ జనవరి 3, 2020 నుండి అమల్లోకి వస్తుందని కూడా గమనించాలి.

BSNL చందాదారుల కోసం ఇతర ఎంపికలు

ఒకవేళ మీరు మీ నంబర్‌ను రీఛార్జ్ చేయడానికి కొన్ని ఇతర ఎంపికలను చూస్తున్నట్లయితే, BSNL నుండి ఇతర వాయిస్-ఆధారిత ప్రణాళికలు ఉపయోగపడతాయి. ఉదాహరణకు STV రూ.118 మరియు STV రూ.153 వాయిస్ ఆధారిత వినియోగదారులకు మంచి ప్లాన్‌లు. ఈ ప్రణాళికలు కొంచెం డేటాతో కూడా వస్తాయి కావున మీకు డేటా అవసరమైతే మీరు ఉపయోగించవచ్చు. ఈ రెండు ఎస్‌టివిలలో రోజుకు 500 ఎమ్‌బి డేటా, ప్రతిరోజూ 250 నిమిషాల వాయిస్ కాలింగ్ ప్రయోజనం ఉంటుంది. అయితే STV 153 ప్లాన్ ముంబై మరియు డిల్లీకి కూడా కాల్స్ చేయడానికి మిమ్మల్ని అనుమతిస్తుంది. ఇది పిఆర్బిటి ప్రయోజనంతో కూడా వస్తుంది. ఈ రెండు ప్రణాళికలు 28 రోజుల చెల్లుబాటుతో వస్తాయి. ఇది కాకుండా భారీ డేటా వినియోగదారుల కోసం బిఎస్ఎన్ఎల్ రూ.1,999 మరియు 1,699 రూపాయల వంటి చాలా ఆకర్షణీయమైన దీర్ఘకాలిక ప్రణాళికలను కలిగి ఉంది.