BSNL అన్‌లిమిటెడ్ డేటా ఆఫర్లు, ఓ సారి చెక్ చేసుకోండి

| Published: Monday, July 2, 2018, 9:20 [IST]

టెలికాం రంగంలో దిగ్గజాలకు ధీటుగా దూసుకుపోతున్న ప్రభుత్వ రంగ టెలికాం సంస్థ బీఎస్‌ఎన్‌ఎల్ తన పోస్ట్‌పెయిడ్ వినియోగదారులకు బంపర్ ఆఫర్‌ను ప్రకటించింది. అందులో పలు ప్లాన్లకు గాను అన్‌లిమిటెడ్ డేటాను అందిస్తున్నట్లు తెలిపింది. బీఎస్‌ఎన్‌ఎల్‌లో రూ.99 నుంచి రూ.1525 వరకు పోస్ట్‌పెయిడ్ ప్లాన్లు అందుబాటులో ఉండగా వాటిల్లో అందించే ఉచిత మొబైల్ డేటా అయిపోనా కస్టమర్ల ఇంటర్నెట్‌ను పొందవచ్చు. కాకపోతే ఇంటర్నెట్ స్పీడ్ 40 కేబీపీఎస్‌కు పడిపోతుంది. ఇలా కస్టమర్లు అన్‌లిమిటెడ్ డేటాను పొందవచ్చు. బీఎస్‌ఎన్‌ఎల్ రూ.99 పోస్ట్‌పెయిడ్ ప్లాన్‌లో నెలకు 500 ఎంబీ డేటా లభిస్తుంది. అలాగే రూ.399 ప్లాన్‌లో 30 జీబీ డేటా వస్తుంది. దీంతోపాటు రూ.799, రూ.1125, రూ.1525 ప్లాన్లలోనూ ప్లాన్ రెంటల్‌కు అనుగుణంగా ఉచిత డేటాను అందిస్తున్నారు.

టెల్కోలకు దిమ్మతిరిగింది, 5జీతో జియో వచ్చేస్తోంది

బ్రాడ్‌బ్యాండ్ వినియోగదారులకు బంపర్ ఆఫర్‌

ఇదిలా ఉంటే జియో త్వ‌ర‌లో డేటా యుద్ధానికి తెర‌లేప‌నుండ‌టంతో ప్రభుత్వ రంగ టెలికాం సంస్థ బీఎస్‌ఎన్‌ఎల్ బ్రాడ్‌బ్యాండ్ వినియోగదారులకు బంపర్ ఆఫర్‌ను ప్రకటించింది.

రూ.99కే ...

రూ.99కే నూతనంగా బ్రాడ్‌బ్యాండ్ ప్లాన్‌ను ప్రవేశపెట్టింది. రూ.99 ప్లాన్‌లో కస్టమర్లకు 45 జీబీ డేటా లభిస్తుంది. దీన్ని రోజుకు గరిష్టంగా 1.5 జీబీ వరకు వాడుకోవచ్చు.

రూ.199, రూ.299, రూ.399

అలాగే రూ.199, రూ.299, రూ.399లకు కూడా మరో మూడు నూతన ప్లాన్లను బీఎస్‌ఎన్‌ఎల్ లాంచ్ చేసింది. రూ.199 ప్లాన్‌లో 150 జీబీ డేటా వస్తుంది. ఇందులో రోజుకు 5 జీబీ డేటాను వాడుకోవచ్చు.

డేటా

రూ.299లో 300 జీబీ వస్తుండగా దీన్ని రోజుకు 10 జీబీ వరకు వాడుకునేందుకు వీలు కల్పించారు. ఇక చివరిగా రూ.399 ప్లాన్‌కు 600 జీబీ డేటా లభిస్తుంది. దీన్ని రోజుకు 20 జీబీ వరకు వాడుకోవచ్చు.