ఇక BSNL దూకుడు.. రోజుకు 2జీబి డేటా, నెలంతా కాల్స్

రూ.99, రూ.339 టారిఫ్‌ ప్లాన్స్..

రూ.99, రూ.339 టారిఫ్‌లలో రెండు ప్రత్యేకమైన ప్లాన్‌లను డిసెంబర్ 2016లో బీఎస్ఎన్ఎల్ లాంచ్ చేసిన విషయం తెలిసిందే. ఈ ప్లాన్‌లలో భాగంగా అన్‌లిమిటెడ్ వాయిస్ కాల్స్‌తో పాటు లిమిటెడ్ డేటాను బీఎస్ఎన్ఎల్ ఆఫర్ చేయటం జరిగింది. తాజా అప్‌డేట్‌లో భాగంగా ఇదే ప్లాన్‌లను అదనపు డేటాతో ఆఫర్ చేసే అవకాశముందని వినికిడి.

అన్‌లిమిటెడ్ కాల్స్ రోజుకు 500ఎంబి డేటా...

తాజా రివైజ్‌లో భాగంగా రూ.99 ప్లాన్‌తో 28 రోజుల పాటు అన్‌లిమిటెడ్ ఆన్-నెట్ కాల్స్ అలానే రోజుకు 500ఎంబి డేటాను ఆఫర్ చేసేందుకు బీఎస్ఎన్ఎల్ సిద్ధమైనట్లు తెలుస్తోంది. గతంలో ఈ ప్లాన్‌‌లో అన్‌లిమిటెడ్ ఆన్-నెట్ కాల్స్‌తో పాటు 300 ఎంబి డేటా మాత్రమే అందుబాటులో ఉండేది.

అన్‌లిమిటెడ్ కాల్స్, రోజుకు 2జీబి డేటా

మరోప్లాన్ రూ.339లో భాగంగా 28 రోజుల పాటు అన్‌లిమిటెడ్ కాల్స్‌తో పాటు రోజుకు 2జీబి డేటాను ఆఫర్ చేసేందుకు బీఎస్ఎన్ఎల్ సిద్ధమైనట్లు తెలుస్తోంది.

కొన్ని నిబంధనలు..

బీఎస్ఎన్ఎల్ రూ.339 ప్లాన్‌లో వర్తించే అన్‌లిమిటెడ్ వాయిస్ కాల్స్కు సంబంధించి కొన్ని నిబంధనలను కూడా బీఎస్ఎన్ఎల్ విధించనున్నట్లు సమాచారం.

ఆ తరువాత నిమిషానికి 25 పైసలు..

ఈ నిబంధనల్లో భాగంగా రూ.339 ప్లాన్‌ను ఎంపిక చేసుకునే యూజర్ బీఎస్‌ఎన్ఎల్ నెట్‌వర్క్ పరిధిలో ఎన్ని కాల్స్ అయినా చేసుకునే వీలుంటుంది. ఇక ఇతర నెట్‌వర్క్‌లకు సంబంధించిన కాల్స్ విషయానికి వచ్చేసరికి రోజుకు 25 నిమిషాలు మాత్రమే ఉచితంగా అందబాటులో ఉంటాయి. ఆ తరువాతి నుంచి చేసుకునే ప్రతి ఆన్-నెట్ కాల్‌కు నిమిషానికి 25 పైసలు చొప్పున ఛార్జ్ చేస్తారు.