సరికొత్త బ్రాడ్ బ్యాండ్ ప్లాన్ తో దూసుకొస్తున్న బీఎస్‌ఎన్‌ఎల్

రూ.4,999 కే..

తాజాగా రూ.4,999 కే మరో నూతన బ్రాడ్‌బ్యాండ్ ప్లాన్‌ను బీఎస్‌ఎన్‌ఎల్ లాంచ్ చేసింది. బీఎస్‌ఎన్‌ఎల్‌కు చెందిన ఎఫ్‌టీటీహెచ్ (ఫైబర్ టు ది హోమ్) బ్రాడ్‌బ్యాండ్ సర్వీస్‌ను వాడేవారి కోసం ఈ ప్లాన్‌ను ప్రవేశపెట్టింది.

1.5టిబి డేటా:

రూ.4,999 బ్రాడ్‌బ్యాండ్ ప్లాన్‌లో కస్టమర్లకు 1.5టిబి డేటా లభిస్తుంది. దీనికి 30 రోజుల వాలిడిటీ ఉంటుంది. 1.5టిబి ముగిసే వరకు ఇంటర్నెట్ స్పీడ్ గరిష్టంగా 100 ఎంబీపీఎస్ వరకు వస్తుంది. తరువాత స్పీడ్ తగ్గుతుంది. అప్పుడు కస్టమర్లకు కేవలం 2 ఎంబీపీఎస్ స్పీడ్ మాత్రమే వస్తుంది.

 

రూ.1299:

అలాగే రూ.1299 కు మరో బ్రాడ్‌బ్యాండ్ ప్లాన్‌ను కూడా బీఎస్‌ఎన్‌ఎల్ అందుబాటులోకి తెచ్చింది. ఇందులో 30 రోజులకు గాను 400 జీబీ డేటా ఉచితంగా వస్తుంది. దీంట్లో ఉచిత డేటా అయిపోగానే స్పీడ్ 100 ఎంబీపీఎస్ నుంచి 2 ఎంపీబీఎస్ కు పడిపోతుంది. ఈ రెండు ప్లాన్లు ఫైబ్రో కాంబో యూఎల్‌డీ పేరిట లభిస్తున్నాయి.బీఎస్‌ఎన్‌ఎల్ ఇటీవలే తన సరికొత్తగా రూ.1045, రూ.1395, మరియు రూ.1895 ప్లాన్లను ప్రకటించింది

బీఎస్‌ఎన్‌ఎల్ ఇతర ప్లాన్స్:

రూ.1,699 ప్లాన్ 80Mbps వేగంతో 550GB డేటాను అందిస్తుంది
రూ.1,999 ప్లాన్ 80Mbps వేగంతో 800GB డేటాను అందిస్తుంది
రూ.2,999 ప్లాన్ 80Mbps వేగంతో 900GB డేటాను అందిస్తుంది

అపరిమిత వాయిస్ కాలింగ్ తో పాటు :

ఈ ప్లాన్లపై రోజువారీ డేటా ప్రయోజనాలతో పాటు, అపరిమిత వాయిస్‌ కాలింగ్‌ సౌకర్యాలను యూజర్లు పొందవచ్చు.అలాగే ఈ ప్లాన్లపై బీఎస్‌ఎన్‌ఎల్‌ ఉచిత ఈ-మెయిల్‌ ఐడీ ఇస్తుంది.

జియో గిగా ఫైబర్:

జియో ఈ నెల ప్రారంభంలో జియో గిగా ఫైబర్ ను ప్రారంభిస్తున్నట్టు ప్రకటించింది.ఇందులో 1Gbps వరకు స్పీడ్ వస్తుంది . మొబైల్ పరికరాల కోసం వాల్ టు వాల్ బ్రాడ్ బ్యాండ్ సేవలను అందించడం లక్ష్యంగా జియో దీనిని ప్రారంభించింది ,ఇది GigaTV సెట్-టాప్ బాక్సలు మరియు స్మార్ట్ హోమ్ పరికరాల సహాయంతో TV లలో కూడా పని చేస్తుంది. GigaTV ఉన్నవారు ఇతర టీవీలు, ఫోన్లు మరియు టాబ్లెట్లకు ఫోన్ కాల్స్ చేయగలరు.ఈ జియో జిగాఫైబర్ నెట్వర్క్ లు టీవీ, మల్టీ-పార్టీ వీడియో కాన్ఫరెన్సింగ్, వాయిస్ యాక్టివేటెడ్ వర్చువల్ అసిస్టెంట్, వర్చువల్ రియాలిటీ గేమింగ్ మరియు షాపింగ్ మరియు స్మార్ట్ హోమ్ సొల్యూషన్స్ వంటి సేవలను చందాదారులకు అందిస్తుంది.