BSNL అదిరిపోయే ఆఫర్: రూ.2,399 ప్లాన్‌పై ఏకంగా 412 రోజుల వ్యాలిడిటీ!

BSNL రూ.2,399 వార్షిక ప్రీపెయిడ్ ప్లాన్ వ్యాలిడిటీ ఇప్పుడు ఏకంగా 412 రోజులకు పెరిగింది. అయితే ఈ ఆఫర్ సెప్టెంబర్ 12, 2026 వరకు మాత్రమే అందుబాటులో ఉంటుంది. ఈ ప్యాక్‌లో ప్రతిరోజూ 2GB డేటా, అన్‌లిమిటెడ్ కాలింగ్, రోజుకు 100 SMSలు లభిస్తాయి. నెలానెలా రీఛార్జ్ చేసుకునే తిప్పలు లేకుండా, సంవత్సరానికి పైగా నిరంతర సేవలు కావాలనుకునే వారికి ఇది బెస్ట్ ఆప్షన్. టారిఫ్ ధరలు పెరిగిపోతున్న ఈ రోజుల్లో.. రోజుకు కేవలం రూ.5.82 ఖర్చుతో ఈ ప్లాన్ రావడం నిజంగా ఊహించని ఆఫర్ అనే చెప్పాలి.

ఆగస్టు 12 నుంచి సెప్టెంబర్ 12, 2026 మధ్య రూ.2,399 ప్లాన్ వోచర్‌తో రీఛార్జ్ చేసుకుంటేనే ఈ అదనపు 47 రోజుల వ్యాలిడిటీ వర్తిస్తుంది. మరోవైపు, కొత్త కస్టమర్లు స్వతంత్ర దినోత్సవ ఆఫర్‌లో భాగంగా రూ.1 కే కొత్త సిమ్ కార్డు తీసుకుని, దాంతో ఈ లాంగ్-టర్మ్ రీఛార్జ్ చేసుకోవచ్చు. BSNL దీన్ని 'ఎక్స్టెండెడ్ వ్యాలిడిటీ ఆఫర్'గా పేర్కొనగా.. రూ.1 సిమ్ ఆఫర్ కొత్త కస్టమర్ల కోసం తీసుకొచ్చిన ప్రత్యేక స్కీమ్.

BSNL రూ.2,399 ప్లాన్: 412 రోజుల వ్యాలిడిటీ, రోజుకు 2GB డేటా, అన్‌లిమిటెడ్ కాల్స్

ఇదొక ప్లాన్ వోచర్ (Plan Voucher) కాబట్టి, ఇది మీ సిమ్ వ్యాలిడిటీని పెంచడంతో పాటు ఉచిత ఆఫర్లను కూడా యాక్టివేట్ చేస్తుంది. ఇందులో మీకు రోజూ అన్‌లిమిటెడ్ వాయిస్ కాల్స్, 100 SMSలు, 2GB హై-స్పీడ్ డేటా లభిస్తాయి. డైలీ లిమిట్ దాటిన తర్వాత ఇంటర్నెట్ స్పీడ్ 40 kbpsకి తగ్గుతుంది. 412 రోజులకు గానూ లెక్కలేస్తే, రోజువారీ ఖర్చు కేవలం రూ.5.82 మాత్రమే అవుతుంది. బడ్జెట్ వినియోగదారులకు ఒకసారి రీఛార్జ్ చేసుకుంటే ఏడాదికి పైగా నిశ్చింతగా ఉండటానికి ఇది ఒక అరుదైన అవకాశం.

అదనపు 47 రోజుల వ్యాలిడిటీ ఎవరికి లభిస్తుంది? ఎక్కడ వర్తిస్తుంది?

ఆగస్టు 12 నుండి సెప్టెంబర్ 12 మధ్య రూ.2,399 ప్లాన్‌తో విజయవంతంగా రీఛార్జ్ చేసుకునే వారందరికీ ఈ అదనపు 47 రోజుల వ్యాలిడిటీ వర్తిస్తుంది. ఈ ఆఫర్ దేశవ్యాప్తంగా అందుబాటులో ఉన్నప్పటికీ, టెలికాం సర్కిళ్లను బట్టి ప్లాన్ వివరాలు వేర్వేరు సమయాల్లో అప్‌డేట్ కావచ్చు. కాబట్టి నగదు చెల్లిించే ముందు అధికారిక బిఎస్ఎన్ఎల్ యాప్‌లో మీ సర్కిల్‌కు '412 రోజుల వ్యాలిడిటీ' చూపిస్తుందో లేదో ఒకసారి సరిచూసుకోవడం మంచిది.

BSNL Selfcare యాప్‌లో వ్యాలిడిటీ చెకింగ్: చెల్లింపునకు ముందే 412 రోజులు కన్ఫర్మ్ చేసుకోండి

BSNL Selfcare యాప్ ఓపెన్ చేసి, మీ నంబర్ ఎంటర్ చేశాక 'Recharge' పై క్లిక్ చేయండి. Plan Vouchers విభాగంలో 'PV 2399' ఎంచుకుని, అక్కడ వ్యాలిడిటీ లైన్ చూడండి; ఆఫర్ సమయంలో అక్కడ 412 రోజులు అని కనిపించాలి. ఇప్పటికే వేరే ప్యాక్ యాక్టివ్‌గా ఉండి దీనిపై క్యూ (stack) చేస్తుంటే, పేమెంట్ సారాంశంలో రీఛార్జ్ తర్వాత వచ్చే ఎక్స్‌పైరీ డేట్‌ను చెక్ చేయండి. చెల్లింపు పూర్తయ్యాక My Accounts లేదా Queued Packs లో కన్ఫర్మ్ చేసుకోండి. దీనివల్ల పొరపాటు రీఛార్జీలు, కస్టమర్ కేర్ చుట్టూ తిరిగే తిప్పలు తగ్గుతాయి.

కొత్త వినియోగదారులు vs పాత వినియోగదారులు: రూ.1 సిమ్ ఆఫర్ మరియు రీఛార్జ్ ప్రక్రియ

కొత్తగా BSNL లో చేరాలనుకునే వారు సెప్టెంబర్ 12, 2026 లోపు సమీపంలోని BSNL రీటైలర్ వద్దకు వెళ్లి, ఆధార్ ఆధారిత KYC పూర్తి చేసి కేవలం రూ.1 కే కొత్త సిమ్ పొందవచ్చు. ఆపై ఆఫర్ సమయంలో రూ.2,399 తో రీఛార్జ్ చేసుకుని 412 రోజుల వ్యాలిడిటీని పొందవచ్చు. పాత వినియోగదారులు 412 రోజుల వ్యాలిడిటీ చూపిస్తుందో లేదో సరిచూసుకుని, యాప్ లేదా రీటైలర్ ద్వారా నేరుగా PV 2399 రీఛార్జ్ చేసుకోవచ్చు. ప్లాన్ పేజీ, పేమెంట్ సారాంశం స్కిన్‌షాట్ తీసి పెట్టుకోవడం మంచిది.

BSNL vs Jio vs Airtel: రోజువారీ ఖర్చు, OTT ప్రయోజనాల పోలిక

ఎక్కువ డేటా వాడే వారి కోసం జియో, ఎయిర్‌టెల్ OTT ఎంటర్‌టైన్‌మెంట్ ప్రయోజనాలతో కూడిన ఖరీదైన వార్షిక ప్లాన్లను అందిస్తున్నాయి. జియో రూ.3,599 ప్లాన్‌లో రోజుకు 2.5GB డేటాతో పాటు జియోహాట్‌స్టార్ మొబైల్ ఆఫర్ పొందే అవకాశం ఉంది. ఎయిర్‌టెల్ రూ.3,999 ప్లాన్ ఒక సంవత్సరం పాటు డిస్నీ+ హాట్‌స్టార్ మొబైల్ సబ్‌స్క్రిప్షన్‌ను ఇస్తుంది. ఎయిర్‌టెల్ వద్ద ఎలాంటి OTT లేకుండా రూ.3,599 వార్షిక ప్యాక్ కూడా ఉంది. రోజువారీ ఖర్చు, ఇతర బెనిఫిట్స్ వివరాలు కింద పోల్చి చూడండి.

రోజువారీ లెక్కల పరంగా చూస్తే BSNL స్పష్టమైన విజేతగా నిలుస్తుంది. కాకపోతే జియో, ఎయిర్‌టెల్ ఎక్కువ ధరకు OTT, 5G యాడ్-ఆన్‌లను అందిస్తున్నాయి. మీరు ఎక్కువగా వీడియోలు స్ట్రీమ్ చేసే వారైతే వాటిని ఎంచుకోవచ్చు. కానీ మీరు ఇప్పటికే OTT సబ్‌స్క్రిప్షన్‌లను వేరుగా తీసుకుంటుంటే, BSNL సింపుల్ అండ్ బెస్ట్ ప్లాన్ మీ వార్షిక రీఛార్జ్ ఖర్చులను గణనీయంగా తగ్గిస్తుంది.

BSNL కి పోర్ట్ అవుతున్నారా? సులభంగా మారడానికి ప్రాక్టికల్ చెక్‌లిస్ట్

మీ మొబైల్ నుంచి 1900 నంబర్‌కు PORT అని మెసేజ్ పంపి యూనిక్ పోర్టింగ్ కోడ్ (UPC) ని జనరేట్ చేసుకోండి. ఆధార్ కార్డు లేదా ఆమోదయోగ్యమైన KYC పత్రాలతో BSNL ఔట్‌లెట్‌ను సందర్శించి, ప్రస్తుతం ఉన్న నెట్‌వర్క్ బాకీలన్నీ తీర్చేసి, గడువు ముగిసేలోగా UPCని సమర్పించండి. మీ ప్రస్తుత నెట్‌వర్క్‌లో కనీసం 90 రోజులు పూర్తయి ఉండాలని గుర్తుంచుకోండి. సాధారణంగా కొద్ది పనిదినాల్లోనే పోర్టింగ్ ప్రక్రియ పూర్తవుతుంది.

ఏపీ, తెలంగాణ, మెట్రో నగరాల్లో BSNL 4G నెట్‌వర్క్: పరిస్థితి ఎలా ఉందంటే..

ప్రభుత్వ గణాంకాల ప్రకారం జనవరి 15, 2026 నాటికి ఆంధ్రప్రదేశ్‌లో 6,045, తెలంగాణలో 3,008 BSNL 4G టవర్లు అందుబాటులోకి వచ్చాయి. జూలై 31, 2026 నాటికి దేశవ్యాప్తంగా ఏర్పాటు చేసిన 98,557 4G టవర్లలో 97,213 టవర్లు యాక్టివ్‌గా ఉన్నాయి. ఫేజ్ IX.2 కింద ఢిల్లీ, ముంబై మెట్రో నగరాల్లో కూడా నెట్‌వర్క్ విస్తరణ వేగంగా జరుగుతుండటంతో వినియోగదారులకు ఈ ఏడాది నుంచి మరింత మెరుగైన నెట్‌వర్క్ అనుభవం లభించనుంది.

BSNL రూ.2,399 ప్లాన్ ఎవరికి సరైన ఎంపిక?

విద్యార్థులు, వర్క్ ఫ్రమ్ హోమ్ చేసేవారు, సెకండరీ సిమ్ వాడుతున్న వారు, అలాగే OTT ప్రయోజనాలు అవసరం లేని వారికి ఈ ప్లాన్ ఎంతో ప్రయోజనకరం. నెలానెలా రీఛార్జ్ ఖర్చులు తగ్గించుకోవాలనుకునే వారికి రోజుకు రూ.6 కంటే తక్కువ ఖర్చుతో రోజువారీ డేటా అందించే అద్భుతమైన ప్లాన్ ఇది. ఎక్కువగా వినోదం, OTTపై ఆధారపడే వారికి జియో లేదా ఎయిర్‌టెల్ ప్యాక్‌లు మేలైనవి కావచ్చు, కానీ వేరుగా సబ్‌స్క్రిప్షన్లు తీసుకోకుండా అవే సరిపోతాయి అనుకున్నప్పుడే అది సాధ్యపడుతుంది.

ఈ ఆఫర్ సెప్టెంబర్ 12, 2026 నాటితో ముగుస్తుంది. BSNL Selfcare యాప్‌లో PV 2399 ప్లాన్ వ్యాలిడిటీ 412 రోజులుగా స్పష్టంగా కనిపిస్తేనే రీఛార్జ్ పూర్తి చేయండి. మీ సర్కిల్‌లో ఆఫర్ అప్‌డేట్ కావడంలో ఆలస్యమైతే, కాసేపటి తర్వాత ప్రయత్నించండి లేదా గుర్తింపు పొందిన రీటైలర్‌ను సంప్రదించండి. పేమెంట్ గేట్‌వే సమస్యలు ఎదురుకాకుండా చివరి నిమిషం వరకు ఆగకుండా ముందే రీఛార్జ్ చేసుకోవడం మంచిది. భవిష్యత్తులో ఏదైనా సాయం అవసరమైతే ఉపయోగపడటానికి ప్లాన్ పేజీ స్క్రీన్‌షాట్‌ను భద్రపరచుకోండి.