బీఎస్‌ఎన్‌ఎల్‌ చోటా రీఛార్జ్ ,రూ.29కే అపరిమిత కాల్స్

దేశీయ రంగంలో దూసుకుపోతున్న రిలయన్స్ జియోకు పోటీగా ప్రభుత్వ రంగ టెలికాం సంస్థ బీఎస్‌ఎన్‌ఎల్‌ సరికొత్త ఆఫర్‌ను ప్రకటించింది

By Anil

| Updated: Thursday, August 9, 2018, 10:44 [IST]

దేశీయ రంగంలో దూసుకుపోతున్న రిలయన్స్ జియోకు పోటీగా ప్రభుత్వ రంగ టెలికాం సంస్థ బీఎస్‌ఎన్‌ఎల్‌ సరికొత్త ఆఫర్‌ను ప్రకటించింది.ఈ ఆఫర్లో భాగంగా రూ.29కే అపరిమిత కాలింగ్‌ మరియు 2 జీబీ ఉచిత డేటా ఆఫర్‌ను అందించనున్నట్టు తెలిపింది. ఈ కొత్త ఆఫర్‌ కింద అపరిమిత లోకల్‌, ఎస్టీడీ కాల్స్‌తో పాటు నేషనల్‌ రోమింగ్‌ను తన ప్రీపెయిడ్‌ కస్టమర్లకు అందించనున్నట్టు పేర్కొంది. అయితే ఈ ప్లాన్ వాలిడిటీ 7 రోజులు మాత్రమే.ఈ రూ.29 ప్లాన్ తో పాటు రూ.9 ప్లాన్ కూడా బీఎస్‌ఎన్‌ఎల్‌ యూజర్లకు అందుబాటులో ఉంటుంది.

రూ.29 రీఛార్జ్‌ ప్లాన్‌

బీఎస్‌ఎన్‌ఎల్‌ తీసుకొచ్చిన ఈ రూ.29 రీఛార్జ్‌ ప్లాన్‌ అన్ని ప్రాంతాలకు లభ్యమవుతోంది. అపరిమిత వాయిస్‌ కాలింగ్‌, 2 జీబీ ఉచిత డేటా తో 100 ఉచిత ఎస్‌ఎంఎస్‌లు, ఉచితంగా పర్సనలైజ్డ్‌ రింగ్‌బ్యాక్‌ టూన్లను ఆఫర్‌ చేయనుంది. అయితే ఈ ప్లాన్ వాలిడిటీ 7 రోజులు మాత్రమే.

రూ.9 రీఛార్జ్‌ ప్లాన్‌

బీఎస్‌ఎన్‌ఎల్‌ తీసుకొచ్చిన ఈ రూ.9 రీఛార్జ్‌ ప్లాన్‌ కూడా ఢిల్లీ, ముంబై మినహా మిగతా అన్ని ప్రాంతాలకు లభ్యమవుతోంది. అపరిమిత వాయిస్‌ కాలింగ్‌తో పాటు 100 ఉచిత ఎస్‌ఎంఎస్‌లు, ఉచితంగా పర్సనలైజ్డ్‌ రింగ్‌బ్యాక్‌ టూన్లను ఆఫర్‌ చేయనుంది. అయితే ఈ ప్లాన్ వాలిడిటీ 1 రోజు మాత్రమే.

జియో vs బీఎస్‌ఎన్‌ఎల్‌

బీఎస్‌ఎన్‌ఎల్‌ రూ.29 ప్లాన్ తో జియో యొక్క రూ.52 ప్లాన్ పోటీపడుతుంది .కాగా జియో రూ.52 ప్లాన్ తో యూజర్ కు 1.5 జీబీ 4g డేటా , అన్‌లిమిటెడ్ వాయిస్ కాల్స్ వీటితో పాటు 70 ఎస్ఎమ్ఎస్ లు ఉచితంగా లభిస్తాయి . ఈ ప్లాన్‌ వాలిడిటీ కూడా 7 రోజులు మాత్రమే.మరో బీఎస్‌ఎన్‌ఎల్‌ రూ.9 ప్లాన్ తో జియో యొక్క రూ.19 ప్లాన్ పోటీపడుతుంది ఈ ప్లాన్ లో యూజర్ కు 150 MB 4g డేటా , అన్‌లిమిటెడ్ వాయిస్ కాల్స్ లభిస్తాయి . ఈ ప్లాన్‌ వాలిడిటీ కూడా 1 రోజు మాత్రమే

బీఎస్‌ఎన్‌ఎల్‌ రూ.29 ప్లాన్ తో మ్యాచ్ అయ్యే ఇతర టెలికాం కంపెనీ ప్లాన్స్

ఎయిర్టెల్ రూ. 47 ప్లాన్ ఇందులో యూజర్ 150 నిమిషాల లోకల్,STD,రోమింగ్ కాల్స్ లభిస్తాయి. దీనితో పాటు 500 MB 3/4g డేటా లభిస్తుంది. ఈ ప్లాన్ వాలిడిటీ 27 రోజులు మాత్రమే.వోడాఫోన్ రూ. 47 ప్లాన్ ఇందులో యూజర్ 125 నిమిషాల లోకల్,STD,రోమింగ్ కాల్స్ లభిస్తాయి. దీనితో పాటు 500 MB 3/4g డేటా లభిస్తుంది. ఈ ప్లాన్ వాలిడిటీ కూడా 27 రోజులు మాత్రమే