దూకుడు పెంచిన BSNL, జియోతో పోటీకి రె‘ఢీ’!

#1

కొత్త వినియోగదారులను ఆకర్షించే క్రమంలో బీఎస్ఎన్ఎల్ సరికొత్త ప్రమోషనల్ అన్‌లిమిటెడ్ వై‌ర్‌లైన్ బ్రాడ్ బ్యాండ్ ప్లాన్‌తో ముందుకొచ్చిన విషయం తెలసిందే.

#2

ఈ ప్లాన్‌లో భాగంగా రూ.249 చెల్లించి నెల మొత్తం మీద 300జీబి ఇంటర్నెట్‌ను వినియోగించుకోవచ్చు. రిలయన్స్ జియో, 1జీబి ఇంటర్నట్‌ను రూ.50కు ఆఫర్ చేస్తోన్న నేపథ్యంలో బీఎస్ఎన్ఎల్ ఈ అన్‌లిమిటెడ్ బ్రాడ్ బ్యాండ్ ప్లాన్‌తో ముందుకు వచ్చింది.

#3

ఈ పథకాన్ని వినియోగదారుడు పూర్తిస్థాయిలో వినియోగించుకుంటే 1జీబి డేటాకు రూపాయి మాత్రమే చెల్లించినట్లు అవుతుందని బీఎస్ఎన్ఎల్ చైర్మన్ శ్రీవాస్తవ తెలిపారు.

#4

జియోతో పాటు ఇతర టెలికామ్ ఆపరేటర్లను ధీటుగా ఎదుర్కొనేందుకు మరింత పోటీతత్వంతో ముందుకు సాగుతామని, ఈ క్రమంలో టారిఫ్ ప్లాన్‌ల విషయంలో పోటీ వాతావరణం తప్పదని ఆయన తెలిపారు.

#5

ల్యాండ్‌లైన్ యూజర్లకు బీఎస్ఎన్ఎల్ ఇప్పటికే అనేక ఆఫర్లను అందించటం జరుగుతోంది. ఇందులో నైట్ కాలింగ్ ఆప్షన్ కూడా ఒకటి. ఈ ఆప్షన్‌లో భాగంగా రాత్రి 9 గంటల నుంచి ఉదయం 7 గంటల వరకు, ఆదివారాలు మాత్రం పూర్తిగా రోజంతా ఉచితంగా కాల్స్ చేసుకునే అవకాశాన్ని బీఎస్ఎన్ఎల్ కల్పిస్తోంది.

#6

జియో 4జీకి పోటీగా బీఎస్ఎన్ఎల్ ఇప్పటికే నేషన్‌వైడ్ అన్‌లిమిటెడ్ 3జీ మొబైల్ డేటా ప్లాన్‌ను అందుబాటులోకి తీసుకువచ్చింది. ఈ ప్లాన్‌లో భాంగా రూ.1,099 చెల్లించినట్లయితే 30 రోజుల పాటు 3జీ డేటాను అపరిమితంగా వాడుకోవచ్చు.

#7

రిలయన్స్ జియో ఆఫర్ చేస్తోన్న ఉచిత వాయిస్ కాల్స్‌ను రెండు మూడు నెలలు పరిశీలించి, ఆ ప్రభావాన్ని బట్టి తాము కూడా కొత్త పథకాలను అందుబాటులోకి తీసుకువస్తామని శ్రీవాస్తవ తెలిపారు.

#8

Experience Unlimited BB 249 పేరుతో బీఎస్ఎన్ఎల్ లాంచ్ చేయబోతోన్న ప్రమోషనల్ అన్‌లిమిటెడ్ బ్రాడ్‌బ్యాండ్ ప్లాన్ సెప్టంబర్ 9 నుంచి అమలులోకి రానుంది.

#9

ఈ ప్లాన్‌లో భాగంగా రూ.249 చెల్లించి నెల మొత్తం మీద 300జీబి ఇంటర్నెట్‌ను 2 Mbps వరకు వేగంతో అపరిమితంగా డౌన్‌లోడ్ చేసుకోవచ్చని బీఎస్ఎన్ఎల్ తెలిపింది.

#10

ఒక్కో కనెక్షన్‌కు 6 నెలల పాటు వర్తించే ఈ ఆఫర్‌లో భాగంగా 1జీబి డేటాను రూపాయి కన్నా తక్కువ మొత్తానికి బీఎస్ఎన్ఎల్ ఆఫర్ చేయనుంది. 6 నెలలు పూర్తి అయిన తరువాత కస్టమర్ తన ఛాయిస్‌ను బట్టి రెగ్యులర్ ప్లాన్‌కు మైగ్రేట్ కావల్సి ఉంటుంది.