BSNL ఉచిత వై-ఫై సేవలు ప్రారంభం, హైదరాబాద్‌లో ఎక్కడెక్కడంటే..?

6 లొకేషన్స్ ఇవే...

ఎల్‌బీ నగర్‌లోని కామినేని హాస్పటల్స్‌తో పాటు కోటి, అబిడ్స్, జిల్లా ట్రెజరీ కార్యాలయం, అమీర్‌పేట్ ఇంకా గచ్చిబౌలి ప్రాంతాల్లో బీఎస్ఎన్ఎల్ ఉచిత వై-ఫై సేవలు అందుబాటులో ఉంటాయి.

రోజుకు 100ఎంబి ఇంటర్నెట్ ఉచితం..

ఈ వై-ఫై జోన్‌ల వద్ద రోజుకు 100ఎంబి ఇంటర్నెట్ ఉచితంగా లభిస్తుంది. లిమిట్ దాటిన తరువాత నుంచి బీఎస్ఎన్ఎల్ పబ్లిక్ వై-ఫై ప్లాన్‌కు సంబంధించిన డేటా వోచర్స్‌ను కొనుగోలు చేయటం ద్వారా వై-ఫై డేటాను పొందే వీలుంటుంది.

రూ.10 నుంచి రూ.599 వరకు వివిధ రేంజ్‌లలో...

ఈ డేటా వోచర్స్ రూ.10 నుంచి రూ.599 వరకు వివిధ రేంజ్‌లలో అందుబాటులో ఉంటాయి. ఈ కూపన్స్ వ్యాలిడిటీ 30 రోజుల వరకు ఉంటుంది. ఈ డేటా వోచర్‌లను సమీపంలోని కిరాణా స్టోర్‌లలో కొనుగోలు చేయవచ్చు.

బీఎస్ఎన్ఎల్ మొబైల్ యూజర్ అయినట్లయితే..

మీరు బీఎస్ఎన్ఎల్ మొబైల్ యూజర్ అయినట్లయితే ప్రత్యేకించి డేటా వోచర్లను కొనుగోలు చేయవల్సిన అవసరం ఉండదు. వై-ఫై డేటా యూసేజ్‌ను బట్టి నేరుగా మొబైల్ నెంబర్ అకౌంట్ నుంచే డబ్బులు కట్ అవుతాయి.