BSNL Vs Jio Vs Vi Vs Airtel: రూ.399 ప్రీపెయిడ్ ప్లాన్‌ల డేటా ప్రయోజనాలు ఎందులో మెరుగ్గా ఉన్నాయి?

నేడు చాలా మంది భారతీయులు డ్యూయల్ సిమ్ స్మార్ట్‌ఫోన్‌ను కలిగి ఉన్నారు. అందువల్ల వారు రెండు వేర్వేరు ఆపరేటర్ల నుండి రెండు సిమ్ కార్డులను ఉపయోగిస్తున్నారు. మీరు కూడా అలాంటి వినియోగదారులైతే కనుక రూ.399 ప్రీపెయిడ్ ప్లాన్‌తో ఏ సిమ్‌ను రీఛార్జ్ చేసుకోవాలో అని ఆలోచిస్తున్నారా?? అయితే బిఎస్ఎన్ఎల్, రిలయన్స్ జియో, భారతి ఎయిర్టెల్ మరియు వొడాఫోన్ ఐడియా (Vi) సంస్థలు అధిక ప్రయోజనాలతో అందించే రూ.400 లోపు వన్ ప్రీపెయిడ్ ప్లాన్ల గురించి తెలుసుకోవడానికి ముందుకు చదవండి.

బీఎస్‌ఎన్‌ఎల్ రూ.399 ప్రీపెయిడ్ ప్లాన్ ప్రయోజనాలు

బిఎస్‌ఎన్‌ఎల్ టెల్కో రూ.399 ధర వద్ద అందించే ప్రీపెయిడ్ ప్లాన్‌ను 1GB డైలీ ఫెయిర్-యూజ్-పాలసీ (FUP) డేటాతో అందిస్తుంది. FUP డేటా యొక్క పోస్ట్ వినియోగం తరువాత డేటా స్పీడ్ 80 Kbps కి పడిపోతుంది. వీటితో పాటు వినియోగదారులు అపరిమిత వాయిస్ కాలింగ్ మరియు రోజుకు 100SMS ప్రయోజనాలను కూడా పొందుతారు. ఈ ప్లాన్ 80 రోజుల చెల్లుబాటుతో లభిస్తుంది.

 

రిలయన్స్ జియో రూ.399 ప్రీపెయిడ్ ప్లాన్ ప్రయోజనాలు

రిలయన్స్ జియో రూ.399 ధర వద్ద అందించే ప్రీపెయిడ్ ప్లాన్‌ 56 రోజుల చెల్లుబాటుతో అందిస్తుంది. ఈ ప్లాన్‌తో వినియోగదారులు అపరిమిత వాయిస్ కాలింగ్, రోజుకు 100 SMS మరియు రోజువారి 1.5GB FUP డేటాను పొందుతారు. FUP డేటాను వినియోగించిన తరువాత వినియోగదారుల వేగం 64 Kbps కి పడిపోతుంది. వినియోగదారులు JioSecurity, JioCloud, JioCinema, JioNews వంటి మరెన్నో జియో యాప్ల యొక్క కాంప్లిమెంటరీ సభ్యత్వాన్ని పొందుతారు.

భారతి ఎయిర్‌టెల్ రూ.399 ప్రీపెయిడ్ ప్లాన్

భారతి ఎయిర్‌టెల్ సంస్థ రూ.399 ధర వద్ద లభించే ప్రీపెయిడ్ ప్లాన్‌ యొక్క ప్రయోజనాల విషయానికి వస్తే ఇది 1.5GB రోజువారీ FUP డేటా, 100 SMS / day మరియు అపరిమిత వాయిస్ కాలింగ్‌ ప్రయోజనాలతో లభిస్తుంది. FUP డేటా అయిపోయిన తరువాత డేటా 64 Kbpsకి తగ్గించబడుతుంది. ఎయిర్‌టెల్ ఎక్స్‌స్ట్రీమ్ ప్రీమియం, వింక్ మ్యూజిక్ వంటి మరిన్ని ఉచిత చందాలతో పాటుగా వినియోగదారులు ఎయిర్‌టెల్ థాంక్స్ ప్రయోజనాలను కూడా పొందుతారు. వినియోగదారుల కోసం చేర్చబడిన అమెజాన్ ప్రైమ్ వీడియో మొబైల్ ఎడిషన్ యొక్క ఒక నెల ఉచిత ట్రయల్ కూడా అందుబాటులో ఉంది. ఈ ప్లాన్ 56 రోజుల చెల్లుబాటుతో లభిస్తుంది.

Vi రూ 399 ప్రీపెయిడ్ ప్లాన్ ప్రయోజనాలు

Vi టెల్కో రూ.399 ధర వద్ద అందించే ప్రీపెయిడ్ ప్లాన్‌ యొక్క ప్రయోజనాల విషయానికి వస్తే ఇది రోజువారి 1.5GB FUP డేటా, అపరిమిత వాయిస్ కాలింగ్ మరియు రోజుకు 100 SMS ప్రయోజనాలతో అందిస్తుంది. కానీ టెల్కో తన మొబైల్ అప్లికేషన్‌లో 5GB అదనపు బోనస్‌గా కూడా అందిస్తుంది. రూ.399 ప్రీపెయిడ్ ప్లాన్‌తో పాటు ‘బింగే ఆల్ నైట్', ‘వీకెండ్ డేటా రోల్‌ఓవర్' ఆఫర్ వస్తుంది. ఈ ప్లాన్ యొక్క చెల్లుబాటు 56 రోజులు.

బింగే ఆల్ నైట్ ఆఫర్ అంటే ప్రతిరోజూ 12AM మరియు 6 AM మధ్య అపరిమిత డేటాను వినియోగించుకోవడానికి వినియోగదారులను అనుమతిస్తుంది. ఈ కాలంలో వినియోగించిన డేటా రోజువారి FUP డేటాను ప్రభావితం చేయదు. ఇదే కాకుండా వీకెండ్ డేటా రోల్ఓవర్ ఆఫర్ కూడా ఉంది. ఈ వీకెండ్ డేటా రోల్‌ఓవర్ ఆఫర్ విషయానికి వస్తే వారపు రోజులలో మిగిలిపోయిన FUP డేటాను నివారం-ఆదివారం లలో వినియోగించటానికి వినియోగదారులను అనుమతిస్తుంది. Vi యొక్క ఈ రూ.399 ప్రీపెయిడ్ ప్లాన్ Vi మూవీస్ & టీవీ యాప్ కి ఉచిత యాక్సిస్ ను అందిస్తుంది.

BSNL Vs Jio Vs Vi Vs Airtel: తీర్పు

Vi, ఎయిర్‌టెల్ మరియు జియో అందించే ప్రీపెయిడ్ ప్లాన్లు ఎక్కువగా ఒకే విధంగా ఉంటాయి. మీరు అపరిమిత వాయిస్ కాలింగ్ గురించి మాత్రమే శ్రద్ధ వహిస్తే మరియు డేటా అవసరాలు తక్కువగా ఉంటే కనుక BSNL యొక్క ప్రీపెయిడ్ ప్లాన్‌ను ఎంచుకోండి. అయితే మీరు OTT ప్రయోజనాల గురించి చాలా శ్రద్ధ వహిస్తే కనుక ఇతర ఆపరేటర్లు అందించే ప్లాన్ ల కోసం వెళ్ళడం ఉత్తమం.

ఉత్తమ డేటా ఆఫర్లను Vi మాత్రమే అందిస్తుంది. 5GB బోనస్ డేటా మరియు రెండు ఇతర ఆఫర్లు (వీకెండ్ డేటా రోల్ఓవర్ మరియు బింగే ఆల్ నైట్) డేటా పరంగా చూసుకుంటే కనుక ఎయిర్టెల్ మరియు జియో అందించే ప్లాన్ ల కంటే మెరుగ్గా ఉన్నాయి. అలాగే మీరు నివసించే ప్రాంతం లేదా ప్రాంతాన్ని కూడా పరిగణించండి. మీ ప్రాంతంలోని ఉత్తమ నెట్‌వర్క్ సర్వీస్ ప్రొవైడర్ Vi అయితే Vi కోసం వెళ్లండి. అలాగే Jio అయితే కనుక Jio యొక్క ప్లాన్ కోసం వెళ్ళండి. రోజు చివరిలో సర్వీస్ నాణ్యత పరంగా మీ డబ్బు విలువను మీరు కోరుకుంటారు. మీరు మొదటి స్థానంలో మంచి వేగం పొందకపోతే అధిక మొత్తంలో డేటా ఉండి ఉపయోగం ఏమి.