BSNL మరో సంచలనం, రూ. 39కే అపరిమిత కాల్స్

రూ.39 రీఛార్జ్‌ ప్లాన్‌

బీఎస్‌ఎన్‌ఎల్‌ తీసుకొచ్చిన ఈ రూ.39 రీఛార్జ్‌ ప్లాన్‌ కూడా ఢిల్లీ, ముంబై మినహా మిగతా అన్ని ప్రాంతాలకు లభ్యమవుతోంది. అపరిమిత వాయిస్‌ కాలింగ్‌తో పాటు 100 ఉచిత ఎస్‌ఎంఎస్‌లు, ఉచితంగా పర్సనలైజ్డ్‌ రింగ్‌బ్యాక్‌ టూన్లను ఆఫర్‌ చేయనుంది. అయితే ఈ ప్లాన్‌ కింద ఎటువంటి డేటా వినియోగదారులకు అందదు. ప్లాన్‌ వాలిడిటీ 10 రోజులు మాత్రమే.

మూడు ఎఫ్‌టీటీహెచ్‌ ప్లాన్లు

సమీక్షించిన కొత్త ఆఫర్స్‌ కింద తన మూడు ఎఫ్‌టీటీహెచ్‌ ప్లాన్లు రూ.1045, రూ.1395, రూ.1895పై ఎఫ్‌యూపీ డేటాను రెండింతలు పెంచనున్నట్టు ఈ ప్రభుత్వ రంగ దిగ్టజం ప్రకటించింది. ఈ బ్రాడ్‌బ్యాండ్‌ ప్లాన్‌ ప్రయోజనాలను కేవలం కేరళ సర్కిల్‌ వారికే ప్రస్తుతం అందుబాటులోకి వస్తున్నాయి.

రూ.1045 ప్లాన్‌పై

రూ.1045 ప్లాన్‌పై ప్రస్తుతం 100జీబీ ఎఫ్‌యూపీ డేటాను, 30ఎంబీపీఎస్‌ డౌన్‌లోడ్‌ స్పీడ్‌లో అందించనుంది. అంతకముందు ఈ ప్లాన్‌పై 50జీబీ డేటానే ఆఫర్‌ చేసేది.

రూ.1395 ప్లాన్‌పై

అదేవిధంగా రూ.1395 ప్లాన్‌పై 150జీబీ డేటాను 40ఎంబీపీఎస్‌ బ్యాండ్‌విడ్త్‌ స్పీడులో ఆఫర్‌ చేయనుంది. రూ.1895 ప్లాన్‌పై 200జీబీ డేటాను, 50ఎంబీపీఎస్‌ బ్యాండ్‌విడ్త్‌ స్పీడులో అందించనుంది. అంతకముందు ఈ ప్లాన్‌పై 100జీబీ డేటానే ఆఫర్‌ చేసేది.