CES 2022 లో లాంచ్ కానున్న కొత్త స్మార్ట్‌ఫోన్‌లు వాటి వివరాలు...

Updated: Wednesday, January 5, 2022, 10:30 [IST]

కన్స్యూమర్ ఎలక్ట్రానిక్స్ షో (CES) గురించి ప్రత్యేకంగా చెప్పవలసిన అవసరం లేదు. టెక్నాలజీకి సంబందించిన అన్ని రకాల కంపెనీలు తమ యొక్క కొత్త ప్రొడెక్టులను ఈ షో ద్వారా విడుదల చేస్తూ ఎక్కువ హైప్ ని పొందుతూ ఉంటారు. 2022 కొత్త సంవత్సరంలో త్వరలోనే ఈ షో హోస్ట్ చేయడానికి సిద్ధంగా ఉంది. కరోనా మహమ్మారి కారణంగా గత సంవత్సరం ఆన్‌లైన్‌లో హోస్ట్ చేయడం జరిగింది. అయితే 2022 ఈ సంవత్సరం కొద్దిగా దైర్యం చేసి ఈ షో ఆఫ్‌లైన్‌ పద్దతిలో నిర్వహించడానికి రంగం సిద్ధం చేయగా ఈ షో చుట్టూ ఉత్సాహం ఉన్నప్పటికీ ప్రస్తుతం కొనసాగుతున్న ఓమ్రికాన్ సంక్షోభం కారణంగా ఈ షో ముందుగానే ముగుస్తుంది. ఈ కొద్ది కాలంలో అనేక కంపెనీలు షో ఫ్లోర్‌లో తమ ఆఫర్‌లను ప్రకటించాలని భావిస్తున్నారు.

CES 2022 షోలో ప్రకటించనున్న స్మార్ట్‌ఫోన్‌ల విషయానికి వస్తే చాలా కాలంగా ఎదురుచూస్తున్న స్మార్ట్‌ఫోన్‌లలో ఒకటైన Samsung Galaxy S21 FE CES 2022లో ఆవిష్కరించబడుతుందని భావిస్తున్నారు. ఇది కాకుండా తదుపరి తరం ఫ్లాగ్‌షిప్ ఫోన్ అయిన OnePlus 10 కూడా ఈ షోలో ఆవిష్కరించబడే అవకాశం ఉంది. ఇవి కాకుండా మరికొన్ని మోడళ్లపై ఊహాగానాలు ఉన్నాయి. మాకు తెలిసిన సమాచారం ప్రకారం CES 2022 షోలో లాంచ్ చేయాలనుకుంటున్న స్మార్ట్‌ఫోన్‌లను జాబితా కింద పొందుపరిచాము. వాటి వివరాలు తెలుసుకోవడానికి ముందుకు చదవండి.