మొబైల్ అప్లికేషన్ ప్లాట్‌ఫామ్‌ని విడుదల చేసిన బైదు

Posted By: Staff

మొబైల్ అప్లికేషన్ ప్లాట్‌ఫామ్‌ని విడుదల చేసిన బైదు

బీజింగ్: చైనా టాప్ సెర్ట్ ఇంజన్ గెయింట్ 'బైదు' శుక్రవారం మార్కెట్లోకి కొత్త మొబైల్ అప్లికేషన్‌ సిస్టమ్‌ని విడుదల చేసింది. బైదు ఈ అప్లికేషన్‌ని మార్కెట్లోకి విడుదల చేయడానికి కారణం ప్రస్తుతం మొబైల్ ఆప్లికేషన్‌లో నెంబర్ వన్ స్దానంలో కొనసాగుతున్న ఆలీబాబా గ్రూప్‌కి గట్టి పోటీ ఇవ్వడానికేనని నిపుణులు తమ అభిప్రాయాన్ని తెలిపారు. బైదు విడుదల చేసిన మొబైల్ అప్లికేషన్ ప్లాట్ ఫామ్ పేరు బైదు వైఐ. దీని ముఖ్య ఉపయోగం ఏమిటంటే మూడవ పార్టీ డవలపర్స్ క్రియేట్ చేసిన అప్లికేషన్స్ గేమ్స్, మ్యాప్స్, టూల్స్ లాంటి వైఐ స్టోర్ ద్వారా డిస్ట్రిబ్యూట్ చేయవచ్చు. యాపిల్ కంపెనీ ప్రవేశపెట్టిన యాపిల్ స్టోర్ మాదిరి లాగా ఇది పని చేస్తుందన్నమాట.

బైదు వైఐ గూగుల్ ఆండ్రాయిడ్ మొబైల్ ఆపరేటింగ్ సిస్టమ్‌ని ఆధారం చేసుకొని రూపోందించడం జరిగింది. ఇక బైదు గురించి చర్చించుకుంటే చైనాలో సెర్చ్ ఇంజన్ గెయింట్స్ లో అతి పెద్దది మాత్రమే కాకుండా చైనా షేర్ మార్కెట్లో 80శాతం వాటాని సొంతం చేసుకుంది. వీటితో పాటు ఈ కామర్స్, ఆన్ లైన్ వీడియో, ఆన్ లైన్ ట్రావెల్ లాంటి వాటన్నింటిని అనుసంధానం చేయడం జరిగింది. చైనా ఇంటర్నెట్ సంస్దలు, టెల్కో గేర్ తయారీ దారులు ఎవరికి వారు సొంతంగా మార్కెట్లోకి స్మార్ట్ ఫోన్స్‌ని విడుదల చేస్తున్న సంగతి తెలిసిందే. కేవలం ఒక్క చైనాలోనే మాత్రమే కాకుండా భారత్, బంగ్లాదేశ్ లాంటి దేశాలలో కూడా తమ ఉత్పత్తలను విక్రయిస్తున్నారు.

చైనాకు చెందిన అతి పెద్ద ఈఊ కామర్స్ సంస్ద ఆలీబాబా గ్రూప్ జులై నెలలో సొంత ఆపరేటింగ్ సిస్టమ్‌తో స్మార్ట్ ఫోన్‌ని మార్కెట్లోకి విడుదల చేసిన విషయం తెలిసిందే. ఈ స్మార్ట్ ఫోన్లో క్లౌడ్ ఆధారిత అఫ్లికేషన్స్, ఇంటర్నెట్ సెర్చ్ కలిపి రూపోందించడం జరిగింది. వీటితో పాటు హువాయ్ టెక్నాలజీస్ ఆగస్టులో క్లౌడ్ కంప్యూటింగ్ స్మార్ట్ పోన్‌ని మార్కెట్లోకి విడుదల చేసింది.

Please Wait while comments are loading...
Opinion Poll

Social Counting