నా WhatsApp హ్యాక్ చేశారు...డబ్బులు డిమాండ్ చేశారు! మీ WhatsApp ను భద్రంగా  ఉంచుకోండి 

Meta సంస్థ యొక్క WhatsApp అత్యంత ప్రజాదరణ పొందిన ఇన్‌స్టంట్ మెసేజింగ్ యాప్. ప్రపంచవ్యాప్తంగా వినియోగదారులు రోజువారీ కమ్యూనికేషన్ మరియు ఫైల్ షేరింగ్ కోసం మెటా-యాజమాన్య వాట్సాప్ ని ఉపయోగిస్తున్నారు. అయితే, ఈ యాప్ కు ఉన్న ప్రజాదరణను బట్టి, WhatsApp హ్యాక్‌లు మరియు స్కామ్‌లకు కూడా భారీగా అవకాశం ఉంది.

ఇటీవలే,ప్రముఖ పొలిటీషియన్ సుప్రియా సూలే తన ఫోన్ హ్యాక్ అయిందని ఆరోపించిన సంఘటన మనము చూసాము. మహారాష్ట్రకు చెందిన కాంగ్రెస్ పార్టీ (NCP) MP సుప్రియా సూలే అందరినీ అప్రమత్తం చేసి "ఎవరైనా మొబైల్ హ్యాక్ చేయవచ్చు" అని అన్నారు. ఆదివారం ఆమె ఫోన్ మరియు వాట్సాప్ హ్యాక్ అయిన తర్వాత, హ్యాకర్లు తనను బ్లాక్ మెయిల్ చేసి $400 అడిగారని చెప్పింది. ఇది గోప్యతకు సంబంధించిన అంశం కాబట్టి ప్రభుత్వం దీనిపై తీవ్రంగా ఆలోచించాలని ఆమె అన్నారు.

ఆమె వాట్సాప్ ఖాతా మరో పరికరంలో యాక్టివ్‌గా ఉన్నట్లు గుర్తించిన సులే పూణె రూరల్ పోలీసులకు ఆన్‌లైన్ ఫిర్యాదు చేసింది. వారు కొన్ని గంటల్లో ఆమె ఖాతాను పునరుద్ధరించగలిగారు.

కాంగ్రెస్ పార్టీ (NCP) MP సుప్రియా సూలే వాట్సాప్ అకౌంట్ హ్యాకింగ్ జరిగిందనే అనుమానంతో పూణే రూరల్ పోలీసులు విచారణ ప్రారంభించారు. ఈ కేసుపై సోమవారం యావత్ పోలీస్ స్టేషన్‌లో ఫస్ట్ ఇన్ఫర్మేషన్ రిపోర్ట్ (FIR) నమోదైందని, దర్యాప్తును పూణే రూరల్ పోలీసుల సైబర్ సెల్‌కు బదిలీ చేసినట్లు పూణే రూరల్ పోలీసు సూపరింటెండెంట్ పంకజ్ దేశ్‌ముఖ్ తెలిపారు.

"ఇది ప్లాన్ చేసి చేసిన దాడి కాదా లేదా యాక్సెస్ తిరస్కరణ హ్యాకింగ్ యొక్క యాదృచ్ఛిక చర్య కాదా అనే విషయంపై మా పరిశోధన సాగుతుంది. సుప్రియా సూలే వ్యక్తిగత సహాయకుడు ఇచ్చిన ఫిర్యాదు మేరకు ఎఫ్‌ఐఆర్‌ నమోదు చేశామని పుణె రూరల్‌ పోలీసు అధికారి ఒకరు తెలిపారు.

సాధారణంగా మీ WhatsApp ను హ్యాక్ చేయడనికి, హ్యాకర్ లు వాడే కొన్ని ట్రిక్ లను మీకోసం ఇక్కడ అందిస్తున్నాము, గమనించి జాగ్రత్త పడండి.
* హ్యాకర్ లు GIF ద్వారా రిమోట్ కోడ్ ను పంపుతారు. మీరు GIF ఇమేజ్ పై క్లిక్ చేస్తే హాక్ అవుతుంది జాగ్రత్త.
*మీడియా ఫైల్ జాకింగ్ వాట్సాప్ మరియు టెలిగ్రామ్ రెండింటినీ ప్రభావితం చేస్తుంది.ఫోటోలు లేదా వీడియోలు వంటి మీడియా ఫైల్‌ల హాక్ చేస్తారు.
* నకిలీ వాట్సాప్ క్లోన్ యాప్ లని ఉపయోగించవద్దు
* మీరు వాట్సాప్ వెబ్ ని ఉపయోగిస్తున్నప్పుడు, కంప్యూటర్ ను లాక్ చేయడం మరియు ఇతరుల కంప్యూటర్లలో ఉపయోగిస్తే పనిపూర్తి అయిన తర్వాత logout చేయడం మర్చిపోకూడదు.
*వాట్సాప్ యాప్ ని ఎప్పటికప్పుడు అప్డేట్ చేస్తూ ఉండండి
* వినియోగదారుల భద్రత కోసం అనేక ఫీచర్లను అందుబాటులోకి తీసుకొస్తోంది. ముఖ్యమైన చాట్‌ల భద్రత కోసం లాకడ్ చాట్‌ (Locked Chat) ఫీచర్‌ సహా అనేక ఫీచర్లను లాంచ్ చేసింది.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియా ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలాగే మీ తోటి స్నేహితులతో ఈ వార్తను పంచుకోగలరు.