ఈ incoming కాల్స్ అన్నింటినీ బ్లాక్ చేయాలనీ ప్రభుత్వం ఆదేశం! ఎందుకు?

భారత డిపార్ట్‌మెంట్ ఆఫ్ టెలికమ్యూనికేషన్స్ (DoT) సంస్థ భారతీయ వినియోగదారులకు వచ్చే అన్ని ఇన్‌కమింగ్ అంతర్జాతీయ స్పూఫ్ కాల్‌లను బ్లాక్ చేయాలని టెల్కోలను కోరింది. అంతర్జాతీయ మోసగాళ్లు కాలింగ్ లైన్ గుర్తింపును తారుమారు చేస్తారు మరియు ఈ కాల్ భారతదేశంలోనే వచ్చిందని చూపుతారు, కానీ, అది అంతర్జాతీయ కాల్. భారతీయ నంబర్ నుండి వచ్చిన కాల్‌ను చూస్తే, వినియోగదారులు కాల్‌ని తీయడం మరియు ఈ మోసగాళ్ళు చేసే మోసాలకు గురవుతారు. అందుకే,వినియోగదారుల రక్షణను దృష్టిలో ఉంచుకుని , అన్ని ఇన్‌కమింగ్ స్పూఫ్ అంతర్జాతీయ కాల్‌లను బ్లాక్ చేయాలని టెల్కోలను ప్రభుత్వం ఆదేశించింది.

"DoT మరియు టెలికాం సర్వీస్ ప్రొవైడర్లు (TSPs) అటువంటి అంతర్జాతీయ స్పూఫ్డ్ కాల్‌ లు కూడా ఏ భారతీయ టెలికాం సబ్‌స్క్రైబర్‌కు చేరుకోకుండా గుర్తించి నిరోధించే వ్యవస్థను రూపొందించారు. ఇప్పుడు అటువంటి ఇన్‌కమింగ్ అంతర్జాతీయ స్పూఫ్డ్ కాల్‌లను నిరోధించడానికి టెలికాం కంపెనీలకు ఆదేశాలు జారీ చేయబడ్డాయి" అని ప్రకటన తెలిపింది.

అలాంటి అంతర్జాతీయ స్పూఫ్ కాల్‌లను ఇప్పటికే టెలికామ్ ఆపరేటర్ లు బ్లాక్ చేశారు. అయితే, ఇలాంటి మోసాలు ఇకపై జరగవని అర్థం కాదు. మోసగాళ్లు వినియోగదారులను మోసగించడానికి అనేక లొసుగును లేదా మరొక వ్యూహాన్ని కనుగొనే అవకాశం ఎల్లప్పుడూ ఉంటుంది. ప్రభుత్వం వినియోగదారులను అప్రమత్తంగా ఉండాలని మరియు అలాంటి కాల్‌లను సంబంధిత అధికారులకు వెంటనే నివేదించాలని కోరింది. ఎందుకంటే ఇది అందరికీ సహాయం చేస్తుంది.

"ప్రభుత్వం ఎక్కువ ప్రయత్నాలు చేసినప్పటికీ, ఇతర మార్గాల ద్వారా విజయం సాధించే కొందరు మోసగాళ్లు ఇంకా ఉండవచ్చు. అలాంటి కాల్‌ల కోసం, 'సంచార్ సాథీ' లోని చక్షు ఫెసిలిటీలో ఇటువంటి అనుమానిత మోసపూరిత కమ్యూనికేషన్‌లను రిపోర్ట్ చేయడం ద్వారా మీరు ప్రతి ఒక్కరికీ సహాయం చేయవచ్చు" అని ప్రకటన పేర్కొంది.

ఇటీవల,డిపార్ట్‌మెంట్ ఆఫ్ టెలికమ్యూనికేషన్స్ ఉత్తర్వుల ప్రకారం 6.8 లక్షల మొబైల్ నంబర్‌లు నకిలీ లేదా చెల్లని పత్రాలను ఉపయోగించి పొందినట్లు కనిపిస్తున్నందున వాటిని రీవెరిఫై చేయాల్సిందిగా DoT టెల్కోలను ఆదేశించింది. టెల్కోలకు 60 రోజుల గడువు ఇచ్చారు. నకిలీ పత్రాలను ఉపయోగించి, స్కామర్‌లు ఈ మొబైల్ కనెక్షన్‌లను తీసుకొని సాధారణ వినియోగదారులకు కాల్‌లు చేసి వారిని మోసగిస్తున్నట్లు కనుగొన్నారు.

ఇంకా,భారత టెలికాం రెగ్యులేటర్ TRAI (టెలికాం రెగ్యులేటరీ అథారిటీ ఆఫ్ ఇండియా) మొబైల్ నంబర్ పోర్టబిలిటీ (MNP) కి గల విషయంలో నిబంధనలలో మార్పులను ప్రకటించింది. తాజా సవరణ ప్రకారం, సిమ్ కార్డ్ మార్చబడినా లేదా పోర్ట్ చేయబడిన,తర్వాత ఆ అనుబంధిత మొబైల్ నంబర్‌ను వేరే టెలికాం ఆపరేటర్‌కు ఏడు రోజుల పాటు పోర్ట్ చేయడం సాధ్యం కాదు. అంటే 7 రోజుల తర్వాత మాత్రమే పోర్ట్ చేయబడుతుంది.

టెలికాం MNP నిబంధనలను ప్రారంభించిన తర్వాత ఇది తొమ్మిదవ కొత్త సవరణ. ఈ కొత్త నిబంధనలు దేశంలో సిమ్ స్వాప్ ద్వారా జరిగే మోసాన్ని నిరోధించడం మరియు తగ్గించడం లక్ష్యంగా పెట్టుకున్నాయి. ఈ కొత్త నిబంధనలు జూలై 1 నుంచి అమలులోకి రానున్నాయి.

గిజ్‌బాట్‌ తెలుగు వెబ్‌సైట్ గాడ్జెట్లు సహా ఇతర టెక్‌ న్యూస్‌కు సంబంధించిన ఆసక్తికరమైన తాజా వార్తలను అందిస్తుంది. వివిధ సోషల్ మీడియాల ద్వారా సరికొత్త వార్తలను ఎప్పటికప్పుడు యూజర్లకు చేరవేస్తుంది. తాజా వార్తల కోసం సోషల్‌ మీడియా ఖాతాలతో కనెక్ట్ అవ్వండి. మీకు ఏదైనా వార్త నచ్చితే లైక్ చేయండి. కామెంట్ చేయడం మర్చిపోవద్దు. అలానే మీతోటి స్నేహితులతో ఈ వార్తను పంచుకోగలరు.