ఇటువంటి మెసేజ్ మీకు వచ్చిందా!!! తస్మాత్ జాగ్రత్త!!!

అత్యవసర పరిస్థితులలో ఉన్నాము అంటూ వచ్చే నకిలీ మెసేజ్ లు చూడటం చాలా సాధారణం. కానీ హ్యాకర్లు దీనిని కూడా కొంచెం కొత్తగా అధునాతనమైనదిగా ఉపయోగిస్తున్నాడు. మోసగాడు తనకు లేదా ఆమెకు డబ్బు లేదని ఇంటికి తిరిగి రావడానికి కొంత అవసరం ఉందని తెలిపే మెసేజ్ పంపుతాడు. అత్యవసర పరిస్థితులను తెలిపే ఈ ఖచ్చితమైన స్కామ్ ఇప్పుడు మొబైల్ ఫోన్లలో 'స్మిషింగ్' లేదా SMS ద్వారా ఫిషింగ్ రూపంలో జరుగుతోంది .

ఇటువంటి మెసెజ్ SMS రూపంలో మీకు తెలియని నంబర్ నుండి వస్తుంది. అది కూడా మీకు దగ్గరి బంధువు లేదా స్నేహితుడిలాగా నటిస్తూ ఉంటుంది మెసేజ్ సారాంశం. మెసేజ్ సారాంశం విషయానికి వస్తే ఇందులో కొన్ని చిన్న అత్యవసర పరిస్థితులను వివరిస్తు ఉండి మీ నుండి కొంత డబ్బు సహాయం చేయమని అడుగుతువున్నట్లు ఉంటుంది. అతను అడుగుతున్న మొత్తం చిన్నది మరియు తెలిసిన వ్యక్తి ఇబ్బందుల్లో ఉన్నందున సాధారణంగా ఎటువంటి ప్రశ్నలు అడగకుండా సహాయం చేయడానికి ప్రయత్నిస్తారు. హ్యాకర్లు కోరుకునేది కూడా ఇదే. మీరు చెల్లించిన కొన్ని క్షణాలలోనే అసలు సిసలైన స్కామ్ ప్రారంభమవుతుంది.

ఉదాహరణకు మీకు తెలియని నంబర్ నుండి ఇటువంటి మెసేజ్ అందుకోవచ్చు. "హే నేను ప్రియా లాస్ట్ వీక్ రాహుల్ పార్టీలో కలిసాము. మీ ఫ్రెండ్ శివా కజిన్ ను. నేను ప్రస్తుతం మార్కెట్‌లో చిక్కుకొని నా వాలెట్‌ను కోల్పోయాను ఇంటికి రావడానికి ఇప్పుడు నా వద్ద డబ్బులు లేవు నాకు కాస్త Paytm వాలెట్‌ ద్వారా రూ.500లు పంపించగలరా ప్లీజ్?. నా Paytm వాలెట్‌ లింక్ ను పంపుతున్నాను. దయచేసి కింద వున్న *url* పై క్లిక్ చేసి వేగంగా సహాయం చేయండి. " ఇటువంటి సారాంశంతో మెసేజ్ మీకు వస్తుంది.

రూ.500ల చిన్న మొత్తం కాబట్టి చాలా మంది చెల్లించడానికి వెనుకాడరు. డబ్బును చెల్లించడానికి అతను పంపిన url మీద క్లిక్ చేసి ప్రవేశించినచో మీరు నిలువునా మోసపోతారు. ఇక్కడ ఉన్న విషయం ఏమిటంటే డబ్బును చెల్లించడానికి మీరు లింక్‌పై క్లిక్ చేసిన క్షణంలో మీ ఆన్‌లైన్ బ్యాంకింగ్ లేదా కార్డ్ వివరాలను దొంగిలించడానికి ఉద్దేశించిన నకిలీ వెబ్‌సైట్ ఓపెన్ అవుతుంది.

మీ కజిన్ సోదరికి సహాయం చేయడానికి రాజీపడి కేవలం 500 రూపాయలు పంపేటప్పుడు మీరు బ్యాంకు అకౌంట్ యొక్క వివరాలు పూర్తిగా సేకరించి తరువాత కొన్ని క్షణాలలోనే అధిక మొత్తంలో డబ్బును కోల్పోవచ్చు. అంతే కాకుండా మీ యొక్క వ్యక్తిగత సమాచారం మరియు కుటుంబ సంబంధాల వివరాలను కూడా పూర్తిగా తెలుసుకుంటారు. వీటి ద్వారా వారిని కూడా మోసం చేయడానికి ఉపయోగిస్తారు.

తెలియని నెంబర్ లతో ఇటువంటి మెసేజ్ లు వస్తే కమ్యూనికేట్ చేసేటప్పుడు ప్రతి ఒక్కరు చాలా జాగ్రత్తగా ఉండాలి. మీరు ఒకవేళ సహాయం చేయడానికి ప్రయత్నిస్తే మాత్రం ముందుగా 'అత్యవసర పరిస్థితిని' ధృవీకరించుకోవడం ఎల్లప్పుడూ మంచిది. సహాయం చేసే ముందు అతను తెలిపిన వివరాలు సరిచూసుకుని తరువాత వెళ్ళండి. నా నుంచి ఒక మాట తెలియని నెంబర్ లతో వచ్చే ఇటువంటి మెసేజ్ లను పట్టించుకోవలసిన అవసరం ఎంత మాత్రం లేదు.