DishSMRT స్టిక్ కొత్త అప్డేట్ లో ఇంటర్‌ఫేస్ ‘ఆర్బిట్

కాబట్టి ప్రాథమికంగా ఆర్బిట్ అన్ని OTT సర్వీసుల నుండి షియోమి టీవీల్లోని ప్యాచ్‌వాల్ UI మరియు వన్‌ప్లస్ టీవీల్లోని ఆక్సిజన్ ప్లే మాదిరిగానే ఒకే చోట తీసుకువస్తుంది. డిష్ టీవీ టాటా ఎల్క్సీతో కలిసి కనెక్ట్ చేసిన పరికరాల కోసం UX ను మెరుగుపరిచింది. ఇది బ్రాండ్ రీడ్ నుండి విడుదల చేసింది.

DishSMRT స్టిక్ మరియు d2h మ్యాజిక్ స్టిక్ ఇప్పటికే ఆర్బిట్ UIకి సపోర్ట్ చేస్తుండగా డిష్ SMRT హబ్ రాబోయే రోజుల్లో అప్డేట్ ను పొందుతుంది. డిష్ SMRT హబ్ అనేది ఆండ్రాయిడ్ టీవీ 9- ఆధారిత సెట్-టాప్ బాక్స్. ఇది Android TV 9 పై యొక్క స్టాక్ వెర్షన్‌తో రన్ అవుతుంది.

డిష్ టీవీ పరికరాలకు కొత్త సాఫ్ట్‌వేర్ అప్డేట్స్

ఇంటర్‌ఫేస్‌లోకి వెళ్లడానికి ప్రధాన కారణం ఎటువంటి అంతరాయం లేకుండా టీవీ & ఆన్‌లైన్ వీక్షణ అనుభవాన్ని పొందడం. డిష్ టీవీ ప్రకారం ఆర్బిట్ లో సరళమైన డిజైన్ ఉంది. ఇది లైవ్ టీవీ, OTT యాప్ ల వంటి ఇతర విలువైన సర్వీసుల మధ్య సులభంగా మారడానికి వినియోగదారులను అనుమతిస్తుంది.

ఆండ్రాయిడ్ టీవీ పరికరాలతో ఉన్న ఇతర తయారీదారులు ఇప్పటికే వీటి అనుకూల ఇంటర్‌ఫేస్‌ను కలిగి ఉన్నారు. ఉదాహరణకు ఎయిర్‌టెల్ ఎక్స్‌స్ట్రీమ్ బాక్స్ ప్రత్యేక లాంచర్‌ను ఇన్‌స్టాల్ చేసింది. ఇది లైవ్ టివి మరియు OTT కంటెంట్ మధ్య సులభంగా మారడానికి వినియోగదారులను అనుమతిస్తుంది. అన్ని కంటెంట్ వీక్షణ ఎంపికలు సులభమైన నావిగేషన్ కోసం హోమ్ స్క్రీన్‌లోనే లబిస్తాయి. డిష్ టీవీ యొక్క క్రొత్త ఆర్బిట్ కూడా అదే విధంగా ఉంటుంది. షియోమి యొక్క ప్యాచ్‌వాల్ UI కూడా వివిధ ప్రొవైడర్ల నుండి కంటెంట్‌ను కలుపుతుంది.

డిష్ టివి ఇటీవల అలెక్సా ఇంటిగ్రేటెడ్ మరియు డిష్ SMRT హబ్ ఆండ్రాయిడ్ టివి ఆధారిత బాక్స్ తో డిష్ SMRT కిట్ ను విడుదల చేసింది. D2h వాచో మరియు ఇతర OTT యాప్ లతో ప్రీఇన్‌స్టాల్ చేసిన d2h మ్యాజిక్ స్టిక్‌ను కూడా పరిచయం చేసింది. DishSMRT స్టిక్, DishSMRT కిట్ మరియు d2h మ్యాజిక్ ఇప్పుడు ‘ఆర్బిట్' యూజర్ ఇంటర్‌ఫేస్‌ను పొందుతున్నాయి. రిఫ్రెష్ చేసిన లుక్ ఇప్పుడు డిష్‌ SMRT మరియు డి 2 హెచ్ మ్యాజిక్ శ్రేణి ఉత్పత్తుల కోసం ప్రత్యక్షంగా ఉంది. త్వరలో ఆండ్రాయిడ్ సెట్-టాప్ బాక్స్ ను డిష్ SMRT హబ్‌లో విడుదల చేయనున్నట్లు కంపెనీ తెలిపింది.

ఆర్బిట్ ఇంటర్ఫేస్ విషయానికి వస్తే ఇది వినియోగదారులు ఫీచర్ చేసిన కంటెంట్, డీప్-లింకింగ్ మద్దతుతో వేర్వేరు OTT యాప్ లలో లభించే కొత్త మరియు ట్రెండింగ్ కంటెంట్‌ను యాక్సెస్ చేయడానికి అనుమతిస్తుంది. అంకితమైన ‘మై జోన్' విభాగం కూడా ఉంది. ఇది ప్రాధాన్యతల ఆధారంగా సిఫార్సులతో పాటు వినియోగదారు పిన్ చేసిన త్వరిత యాక్సిస్ అంశాలను అందిస్తుంది.

డిష్ టీవీ కనెక్ట్ చేసిన పరికరాల వివరాలు

డిష్ టీవీలో డిష్SMRT స్టిక్, డిష్ SMRT కిట్ మరియు డిష్ SMRT హబ్ వంటి అనేక రకాల కనెక్ట్ పరికరాలు ఉన్నాయి. డిష్ SMRT స్టిక్ డిష్ టివి నుండి కనెక్ట్ చేయబడిన మొట్టమొదటి డివైస్. ఇది ఇటీవల డిష్ SMRT కిట్ రూపంలో మరొకటి విడుదల చేసింది. దీనిలో అలెక్సా వాయిస్ ఇంటిగ్రేషన్ కూడా ఉంది. డిష్ SMRT హబ్ అనేది ఎయిర్టెల్ ఎక్స్‌స్ట్రీమ్ బాక్స్ మాదిరిగానే Android TV- ఆధారిత సెట్-టాప్ బాక్స్. ఇది ఒకే బాక్స్ లో శాటిలైట్ టివి మరియు OTT కంటెంట్ రెండింటినీ చూడటానికి వినియోగదారులను అనుమతిస్తుంది. దీని ధర ప్రస్తుతం రూ.3,999.

DishSMRT స్టిక్ రూ.599 ధర వద్ద లభిస్తుండగా డిష్‌ఎస్‌ఎంఆర్‌టి కిట్‌ను రూ.1,199 ధర వద్ద పొందవచ్చు. డిష్ టివి యాజమాన్యంలోని డి 2 హెచ్‌లో డి 2 హెచ్ మ్యాజిక్ మరియు డి 2 హెచ్ మ్యాజిక్ వాయిస్ ఎనేబుల్డ్ వంటివి రెండు కనెక్ట్ డివైస్లు ఉన్నాయి. వీటి ధరలు వరుసగా 399 రూపాయలు మరియు 1,199 రూపాయలు. డిష్ టీవీ మరియు డి 2 హెచ్ నుండి వచ్చిన ఈ స్టిక్ లు సంబంధిత కంపెనీ సెట్-టాప్ బాక్స్‌లతో మాత్రమే పనిచేస్తాయి.