2020 లో అధికంగా అమ్ముడైన ఆండ్రాయిడ్ ఎదో తెలుసా???

Published: Monday, March 1, 2021, 11:47 [IST]

ప్రపంచం మొత్తం మీద ఆపిల్ సంస్థతో పాటుగా ప్రతి బ్రాండ్ మొబైల్ ప్లాట్‌ఫామ్‌లో తమ ఆండ్రాయిడ్ స్మార్ట్‌ఫోన్‌లను విక్రయించే దాని ఆధారంగా ఒక ప్రత్యేక మార్కును కలిగి ఉన్నాయి. షియోమి, వన్‌ప్లస్, ఒప్పో, శామ్‌సంగ్ మరియు వివో వంటి సంస్థలు అందరూ కూడా తమ యొక్క ఆండ్రాయిడ్ ఫోన్‌లను ప్రపంచం మొత్తం మీద అధిక సంఖ్యలో విక్రయిస్తున్నారు. 2020 సంవత్సరంలో అధిక అంచనాలతో విడుదల అయిన 100 స్మార్ట్‌ఫోన్‌లలో అత్యధికంగా అమ్ముడైన ఆండ్రాయిడ్ స్మార్ట్‌ఫోన్ ఏది అని మీరు ఆలోచిస్తున్నారా?? ప్రముఖ మార్కెట్ రీసెర్చ్ సంస్థ ఓమ్డియా ఇటీవల నిర్వహించిన సర్వేలో ఈ ప్రశ్నకు సమాధానం ప్రకటించింది. అత్యధికంగా అమ్ముడైన ఆండ్రాయిడ్ స్మార్ట్‌ఫోన్ ఎదో తెలుసుకోవడానికి ముందుకు చదవండి.

ఓమ్డియా సర్వే ఫలితాలు

ఓమ్డియా సంస్థ ఇటీవల నిర్వహించిన సర్వే ప్రకారం 2020 సంవత్సరంలో శామ్సంగ్ గెలాక్సీ A51 స్మార్ట్‌ఫోన్‌ 23.2 మిలియన్ యూనిట్ల రవాణాతో ఆండ్రాయిడ్ ఫోన్‌ల జాబితాలో అగ్రస్థానాన్ని చోటుచేసుకున్నది. అయితే ప్రపంచంలో అత్యధికంగా అమ్ముడైన స్మార్ట్‌ఫోన్ జాబితాలో ఐఫోన్ 11 మొదటి స్థానాన్ని ఆక్రమించింది. ఈ టాప్ 10 స్మార్ట్‌ఫోన్‌ల జాబితాలో ఐదు ఆండ్రాయిడ్ స్మార్ట్‌ఫోన్‌లు ఉండగా మిగిలిన ఐదు స్థానాలను ఐఫోన్‌లు కలిగి ఉన్నాయి. అయితే ఈ ఐదు ఆండ్రాయిడ్ ఫోన్‌లలో నాలుగు శామ్‌సంగ్‌కు చెందినవి ఉండడం గమనార్హం మిగిలిన ఒకటి షియోమి సంస్థకు చెందినది ఉంది. ఆపిల్ సంస్థ 2020 లో 64.8 మిలియన్ యూనిట్ల ఐఫోన్ 11 ను రవాణా చేసింది. ప్రపంచంలో అత్యధికంగా అమ్ముడవుతున్న స్మార్ట్‌ఫోన్‌గా ఐఫోన్ ఉండడం ఇది వరుసగా రెండవ సంవత్సరం కావడం గమనార్హం.

శామ్‌సంగ్ గెలాక్సీ A51 ధరల వివరాలు

ఇండియాలో శామ్‌సంగ్ గెలాక్సీ A51 ఫోన్ 6GB మరియు 8GB ర్యామ్ వంటి రెండు వేరియంట్లలో రూ.22,999 & రూ .24,499 ధరల వద్ద విడుదల అయింది. తరువాత ధర తగ్గింపును అందుకున్న తరువాత 6GB ర్యామ్ + 128GB స్టోరేజ్ మోడల్ ఇప్పుడు రూ.20,999 ధర వద్ద మరియు 8 జీబీ ర్యామ్ -128 జీబీ మోడల్ ఇప్పుడు రూ.22,499 ధరల వద్ద లభిస్తున్నది.

శామ్‌సంగ్ గెలాక్సీ A51 ఎక్సినోస్ 9611 SoC

శామ్‌సంగ్ గెలాక్సీ A51 స్మార్ట్‌ఫోన్ యొక్క స్పెసిఫికేషన్ల విషయానికొస్తే ఇది డ్యూయల్ సిమ్ (నానో) స్లాట్ కలిగి ఉంటుంది. ఇది 6.5-అంగుళాల ఫుల్-హెచ్‌డి + సూపర్ అమోలెడ్ ఇన్ఫినిటీ-ఓ డిస్‌ప్లేను 1080x2400 పిక్సెల్స్ పరిమాణం మరియు 20: 9 కారక నిష్పత్తితో కలిగి ఉంటుంది. ఇది ఇన్-డిస్ప్లే ఫింగర్ ప్రింట్ సెన్సార్‌ను కలిగి ఉంది. ఈ స్మార్ట్‌ఫోన్‌ ఆక్టా-కోర్ ఎక్సినోస్ 9611 SoC తో రన్ అవుతూ 8GB RAM మరియు 128GB స్టోరేజ్ తో జతచేయబడి వస్తుంది. ఇందులో గల మైక్రో SD కార్డ్ స్లాట్ ద్వారా మెమొరీని 512GB వరకు విస్తరించవచ్చు.

శామ్‌సంగ్ గెలాక్సీ A51 క్వాడ్-కెమెరా ఫీచర్స్

గెలాక్సీ A51 యొక్క కెమెరాల విషయానికొస్తే ఈ ఫోన్ వెనుక భాగంలో క్వాడ్-కెమెరా సెటప్ ను కలిగి ఉంది. ఇందులో 48 మెగాపిక్సెల్ మెయిన్ సెన్సార్ కెమెరా, 12 మెగాపిక్సెల్ అల్ట్రా-వైడ్ యాంగిల్ కెమెరా, 5 మెగాపిక్సెల్ మాక్రో కెమెరా మరియు 5 మెగాపిక్సెల్ డీప్ సెన్సార్ కెమెరాలు ఉన్నాయి. సెల్ఫీలు మరియు వీడియో కాలింగ్ కోసం స్మార్ట్‌ఫోన్ ముందు భాగంలో 32 మెగాపిక్సెల్ సెల్ఫీ కెమెరాను కలిగి ఉంది.