సముద్రంలో పడిపోయిన ఐఫోన్‌ను తిరిగి తెచ్చింది

సముద్రం అడుగు భాగంలో పడిపోయిన ఐఫోన్‌ను ఓ డాల్ఫిన్ చాకిచక్యంగా వెతికి పట్టుకొచ్చిన ఘటన బహమాస్‌లో చోటుచేసుకుంది.

అట్లాంటిక్ సముద్రం మధ్య భాగంలోని బహమాస్ ప్రాంతంలో మయామి హీట్ డ్యాన్సర్ తెరిస్సా‌ కీ ఫోటోషాట్‌లో పాల్గొనాల్సి ఉంది. ఈ సందర్భంగా తన ఐఫోన్‌ను భద్రంగా పట్టుకోమని తన మిత్రురాలికి ఇవ్వబోయింది. ఫోన్‌ను అందుకునే క్రమంలో ఆమె బ్యాలన్స్ కోల్పొవటంతో ఫోన్ నీటిలో పడిపోయింది.

Read More : Google.comను రూ.785కు కొనేసాడు..!

ఇంతలో అక్కడే ఉన్న క్యాసిక్యూ అనే డాల్ఫిన్ సముద్రం అడుగు భాగంలోకి వెళ్లి ఆ ఐఫోన్ వెతికి పట్టుకొచ్చి పడేసుకున్న వ్యక్తి చేతికి ఇచ్చింది. దీంతో వారి ఆనందానికి అవధులు లేకుండ పోయాయి. ఈ మొత్తం తతంగాన్ని అక్కడే ఉన్నఓ మిత్రుడు రికార్డ్ చేయటంతో ఆ వీడియో ఇప్పుడు ఇంటర్నెట్‌లో చక్కెర్లు కొడుతోంది. వివిధ విన్యాసాలను ప్రదర్శించటంలో ఆరితేరిన ఆ డాల్ఫిన్ గ్రాండ్ బహామా ఐలాండ్ వారిది కావటం విశేషం.