ర్యామ్ గురించి మీకు తెలియని నిజాలు

ర్యామ్‌ పూర్తి అర్థం

ర్యామ్‌ అంటే ర్యాండమ్‌ యాక్సెస్‌ మెమరీ. ఇది ముఖ్యమైన హార్డ్‌వేర్‌ స్పెసిఫికేషన్‌. ఎక్కువ ర్యామ్‌తో వచ్చే గాడ్జెట్‌ ఏదైనా సరే వేగంగా పనిచేస్తుంది. ర్యామ్‌ ముఖ్యమైన పని మెమరీని అస్థిరంగా ఉంచడం. మన ఫోన్‌లో గానీ కంప్యూటర్ లో కాని ఉపయోగించే డేటాను టెంపరరీగా స్టోర్‌ చేయడమే ర్యామ్‌ చేసే పని.

ఎన్ని రకాలు...?

సాధారణంగా ర్యామ్‌లు రెండు రకాలు. ఒకటి డ్యూయల్‌ లైన్‌ మెమరీ మాడ్యూట్‌. దీన్ని క్లుప్తంగా డీఐఎంఎం అంటారు. ఎక్కువగా ర్యామ్‌లను డెస్క్‌టాప్స్‌లో, సర్వర్లలో వాడుతుంటారు.

 

స్మాల్‌ అవుట్‌ లైన్‌ డ్యూయల్‌ లైన్‌ మెమరీ మాడ్యూల్‌

రెండో రకం స్మాల్‌ అవుట్‌ లైన్‌ డ్యూయల్‌ లైన్‌ మెమరీ మాడ్యూల్‌. వీటిని క్లుప్తంగా స్మాల్‌ డీఐఎంఎం అంటారు. ఈ పోర్టబుల్‌ సైజ్‌ ర్యామ్‌లను ప్రత్యేకించి ల్యాపీలకు, చిన్నసైజు కంప్యూటర్‌లకు వాడుతుంటారు.

డీడీ ర్యామ్‌ అంటే..

డీడీఆర్‌ 3 ర్యామ్‌ అనే స్పెసిఫికేషన్‌ ఇటీవల చాలా డివైజుల్లో వస్తోంది. డీడీఆర్‌ అంటే డబుల్‌ డేటా రేట్‌ అని అర్థం. అంటే ఒక్కో క్లాక్‌ సైకిల్‌కు రెండు డేటా ట్రాన్స్‌ఫర్‌ జరుగుతాయని అర్థం. టెక్నాలజీ మరింత అభివృద్ధి చెందడంతో డీడీఆర్‌, డీడీఆర్‌2, డీడీఆర్‌3 ర్యామ్‌లు అందుబాటులోకి వచ్చాయి. వీటిలో డీడీఆర్‌2 ర్యామ్‌ 240 పిన్‌లతో ఉంటుంది. పాత వాటిని అప్‌డేట్‌ చేసుకోవడానికి ఈ ర్యామ్‌ ఉపయోగపడుతుంది.

డీడీఆర్‌ 3 ర్యామ్‌

డీడీఆర్‌3 ర్యామ్‌ను 2007లో విడుదల చేశారు. డీడీఆర్‌2 తరహాలోనే డీడీఆర్‌3 డీఐఎంఎంలలో కూడా 240 పిన్‌లు ఉంటాయి. తక్కువ వోల్టేజి కెపాసిటీలో ఎక్కువ వేగంగా ఈ ర్యామ్‌ పనిచేస్తుంది.

డీడీఆర్‌ 4 లేటెస్ట్‌ ర్యామ్‌

ర్యామ్‌లలో ఇదే లేటెస్ట్‌ మోడల్‌. 240 పిన్‌లు ఉండే ఈ ర్యామ్‌ కూడా 12 వోల్టేజీ కెపాసిటీతో పనిచేస్తుంది. డీడీఆర్‌3- 1600, పీసీ 3- 12800 సెంటర్‌లలో ర్యామ్‌లను రిఫర్‌ చేస్తారు. డీడీఆర్‌3-1600 ర్యామ్‌ సెకనుకు 1600 మెగా ట్రాన్స్‌ఫర్లు చేస్తుంది. సో.. గాడ్జెట్‌ కొనుగోలు చేసే ముందు వీటి గురించి తెలుసుకొని ముందడుగు వేస్తే మంచిది.