ఒకే రోజులో 5Million డౌన్‌లోడ్‌లతో గూగుల్ ప్లే స్టోర్‌లో టాప్ ఫ్రీ గేమ్‌గా అవతరించిన FAU-G..

గాల్వన్ వ్యాలీ ప్రాంతంలో భారతీయ సైనికులపై చైనా సైనికులు దాడి చేసినప్పుడు ఎలా ఎదురుకున్నారు అన్న దాని మీద FAU-G గేమ్ ఆధారపడింది. ప్రస్తుతానికి ఇది ఒకే ప్లేయర్ ప్రచారాన్ని మాత్రమే అందిస్తుంది. అయితే భవిష్యత్తులో మరొక రెండు అదనపు మోడ్‌లు కూడా వస్తాయని డెవలపర్లు తెలిపారు. దీని గురించి మరిన్ని వివరాలు తెలుసుకోవడానికి ముందుకు చదవండి.

nCore గేమ్స్ ట్విట్

గూగుల్ ప్లేలో FAU-G గేమ్ టాప్ ఫ్రీ గేమ్‌గా మారినట్లు nCore గేమ్స్ తమ యొక్క అధికారిక ట్విట్టర్‌ అకౌంట్ ద్వారా తెలిపాయి. ఈ గేమ్ విడుదల చేసిన ఆండ్రాయిడ్ ఏకైక వేదికలోనే కేవలం 24 గంటల్లో ఐదు మిలియన్ డౌన్‌లోడ్‌లను సాధించినట్లు ట్విటర్ పోస్ట్ లో పేర్కొంది. FAU-G విడుదల కాకముందే గూగుల్ ప్లే స్టోర్ లో ముందుగా నాలుగు మిలియన్లకు పైగా ప్రీ-రిజిస్ట్రేషన్లను పొందింది.

FAU-G ఆదాయంలో 20 శాతం ‘భారత్ కే వీర్' ట్రస్ట్‌

ఫ్రీ-టు-ప్లే గేమ్ యాప్ కొనుగోళ్లతో లభించే FAU-G గేమ్ యొక్క మొత్తం ఆదాయంలో 20 శాతం ‘భారత్ కే వీర్' ట్రస్ట్‌కు వెళ్తుందని బాలీవుడ్ నటుడు అక్షయ్ కుమార్ పంచుకున్నారు. మేడ్ ఇన్ ఇండియా నినాదంతో FAU-G గేమ్ PUBG కి వ్యతిరేకంగా భారతదేశంలోనే తయారు చేయబడడం మరొక గొప్ప విషయం. ప్రస్తుతానికి ఈ గేమ్ సింగిల్ ప్లేయర్ ప్రచారంతో మాత్రమే వస్తుంది.

FAU-G మోడ్స్

IOS వెర్షన్ లో FAU-G గేమ్ ఎప్పుడు విడుదల అవుతుంది అన్న దానిపై ఎటువంటి సమాచారం లేకుండా ప్రస్తుతానికి ఈ గేమ్ ఆండ్రాయిడ్ లో మాత్రమే ప్రారంభించబడింది. భవిష్యత్తులో ఈ గేమ్ లో ‘ఫ్రీ ఫర్ అల్' మరియు 5v5 ‘టీం డెత్‌మ్యాచ్' మోడ్‌ను జోడిస్తున్నట్లు కోర్ గేమ్స్ సంస్థ తెలిపింది. ఇది ఆటగాళ్ళ నుండి మిశ్రమ సమీక్షలను అందుకోవడమే చాలా మంది కంటెంట్ మరియు ప్రచారానికి అదనంగా అడుగుతున్నారు అని nకోర్ గేమ్స్ సహ వ్యవస్థాపకుడు విశాల్ గొండాల్ ఒక ఇంటర్వ్యూలో తెలిపారు. ఒక కమ్యూనిటీని సృష్టించడం, Pvpని ప్రవేశపెట్టడం మరియు యుద్ధ రాయల్ మోడ్లను ప్రవేశపెట్టిన తరువాత గేమ్ ఎస్పోర్ట్స్ లోకి ప్రవేశిస్తుంది.