యూట్యూబ్ కొత్త ఫీచర్, మోజుకు సెలవు చెప్పండి ఇలా !

ఒక్క వీడియో చూద్దామని వెళితే ..

యూట్యూబ్‌లో ఏదో ఒక్క వీడియో చూద్దామని వెళితే మనకు తెలీకుండానే ఒక్కోసారి గంటలు గడిచిపోతుంటాయి. తీరా టైమ్‌ చూశాక వామ్మో ఇంత టైమ్‌ అయిపోయిందా అని అనిపిస్తుంటుంది.

ఎక్కువ సేపు గడిపే వారి కోసం

అయితే, వీడియోలపై ఎక్కువ సేపు గడిపే అలాంటి వారి కోసం అలాంటి ఓ సదుపాయాన్ని యూట్యూబ్‌ తీసుకొచ్చింది.

ఎన్ని గంటల పాటు..

కొత్తగా వచ్చిన టూల్‌ ప్రకారం.. ఒక వ్యక్తి రోజులో ఎంత సేపు యూట్యూబ్‌ వీక్షిస్తున్నాడో తెలుసుకోవచ్చు. అలానే నిన్న ఎన్ని గంటలు? ఈ వారం మొత్తం ఎన్ని గంటల పాటు యూట్యూబ్‌ వీక్షించామో తెలుస్తుంది.

అకౌంట్‌ మెనూలో..

ఈ వివరాలు యూట్యూబ్‌లోని అకౌంట్‌ మెనూలో ‘టైమ్‌ వాచ్డ్‌' పేరిట నిక్షిప్తమై ఉంటాయి. ఇలా రోజూ సరాసరిన ఎన్ని గంటలు యూట్యూబ్‌లో గడుపుతున్నామో కూడా తెలుస్తుంది. డిజిటల్‌ మోజులో ఉన్న మనకు ఎంత టైమ్‌ వేస్ట్‌ చేస్తున్నామో తెలుసుకునేందుకు ఈ టూల్‌ ఉపయయోగపడుతుంది.

ఆండ్రాయిడ్‌, ఐవోఎస్‌ వెర్షన్లకు..

అటు ఆండ్రాయిడ్‌, ఐవోఎస్‌ వెర్షన్లకు ఈ టూల్‌ను ప్రవేశపెట్టింది. ఈ సదుపాయం ఇప్పటికే కొందరికి అందుబాటులోకి వచ్చింది.

‘టేక్‌ ఏ బ్రేక్' ఫీచర్‌

ఇదే తరహాలో ఇప్పటికే ఆండ్రాయిడ్‌ వినియోగదారుల కోసం యూట్యూబ్‌.. ‘టేక్‌ ఏ బ్రేక్' ఫీచర్‌ను ఈ ఏడాది మొదట్లో తీసుకొచ్చింది.

విరామం సెట్‌

దీని ద్వారా 15, 30, 60, 90 చొప్పున ఇలా ఎన్ని నిమిషాలకోసారి విరామం ఇవ్వాలనేది వినియోగదారుడు ముందుగా సెట్‌ చేసుకోవచ్చు.

సమయం పూర్తయ్యాక

ఆ సమయం పూర్తయ్యాక ఒక నోటిఫికేషన్‌ వస్తుంది. దాన్ని బట్టి మళ్లీ కొనసాగించాలా? వద్దా? అనేది నిర్ణయించుకోవచ్చు.

నోటిఫికేషన్లు సెట్‌ ..

దీంతో పాటు నిర్దేశించిన సమయంలో నోటిఫికేషన్లు సెట్‌ చేసుకునే మరో సదుపాయం కూడా ఇప్పటికే యూట్యూబ్‌లో ఉంది.