ఇకపై హార్ట్‌తోనే మీ ఫోన్ లాక్ చేయవచ్చు, తీయవచ్చు

యూజర్ గుండెను 8 సెకండ్ల పాటు డివైస్ స్కాన్

ఈ కొత్త టెక్నాలజీని మొదటి సారి వాడేటప్పుడు ముందుగా యూజర్ గుండెను 8 సెకండ్ల పాటు డివైస్ స్కాన్ చేస్తుంది. అనంతరం ఎల్లప్పుడూ గుండెను ఆ డివైస్‌లో ఉండే స్కానర్ పర్యవేక్షిస్తుంటుంది. ఆ సమయంలో డివైస్ ఎదుటి నుంచి యూజర్ తప్పుకుంటే వెంటనే డివైస్ లాక్ అవుతుంది.

యూజర్ డివైస్ ముందుకు వస్తేనే

మళ్లీ యూజర్ డివైస్ ముందుకు వస్తేనే ఆ డివైస్ ఆటోమేటిక్‌గా అన్‌లాక్ అవుతుంది. దీంతో మాటి మాటికీ లాక్, అన్‌లాక్ చేసుకోవాల్సిన పని ఉండదు. అంతా ఆటోమేటిక్‌గా అవుతుంది.

 

ఫింగర్‌ప్రింట్, ఐరిస్ స్కానర్ లాక్స్ కన్నా..

దీనికి తోడు ఫింగర్‌ప్రింట్, ఐరిస్ స్కానర్ లాక్స్ కన్నా ఈ హార్ట్ లాక్ టెక్నాలజీ మరింత సెక్యూరిటీ, ప్రైవసీని యూజర్‌కు అందిస్తుందని సైంటిస్టు బృందంలో ఒకరైన వెన్‌యావో షు చెప్పారు.

ఓ చిన్నపాటి రేడార్ సిస్టమ్‌ను

గుండెను స్కాన్ చేసేందుకు ఓ చిన్నపాటి రేడార్ సిస్టమ్‌ను డివైస్‌లలో అమర్చుతారని, అయితే ఈ రేడార్ సిస్టమ్‌తో ఆరోగ్య పరంగా వచ్చే ఇబ్బందులు ఏవీ ఉండవని సైంటిస్టు షు తెలిపారు.

రేడార్ సిస్టమ్ వైఫై టెక్నాలజీ

ఈ రేడార్ సిస్టమ్ వైఫై టెక్నాలజీ, స్మార్ట్‌ఫోన్ నెట్‌వర్క్ కన్నా చాలా తక్కువ రేడియేషన్‌ను కలిగి ఉంటుందని, కనుక ఈ టెక్నాలజీని వాడడం చాలా సేఫ్ అని అన్నారు.

ఈ టెక్నాలజీని ఎవరైనా సేఫ్‌గా ..

ప్రపంచంలో ఉన్న ఏ ఇద్దరు వ్యక్తులను తీసుకున్నా వారి గుండె ఒకేలా ఉండదని, కనుక ఈ టెక్నాలజీని ఎవరైనా సేఫ్‌గా వాడవచ్చని తెలిపారు. త్వరలోనే అన్ని టెస్టులు పూర్తయితే ప్రజలకు ఈ సాంకేతిక పరిజ్ఞానం అందుబాటులోకి వస్తుందని వెన్‌యావో షు తెలిపారు.