ఫ్లిప్‌కార్ట్, అమెజాన్ సేల్స్: బ్యాంక్ ఆఫర్లు, ఎక్స్ఛేంజ్ బోనస్‌లతో ఫోన్లను సగం ధరకే సొంతం చేసుకునే ట్రిక్స్ ఇవే!

ఈ ఏడాది ఫ్లిప్‌కార్ట్ 'బిగ్ బిలియన్ డేస్', అమెజాన్ 'గ్రేట్ ఇండియన్ ఫెస్టివల్' సేల్స్‌కు సంబంధించిన బ్యాంక్ ఆఫర్ల వివరాలు బయటికొచ్చేశాయి. ఫ్లిప్‌కార్ట్ ప్లస్, విఐపి మెంబర్లకు అక్టోబర్ 8 నుంచే ఆఫర్లు అందుబాటులోకి రానుండగా, సాధారణ వినియోగదారులకు అక్టోబర్ 9 నుంచి సేల్ మొదలవుతుంది. ఇక అమెజాన్ ఫెస్టివల్ సేల్ కూడా అక్టోబర్ 8నే ప్రారంభం కానుంది. అయితే, అమెజాన్‌లో 'ఎర్లీ డీల్స్' ఇప్పటికే లైవ్‌లోకి వచ్చేశాయి. ప్రాడక్ట్ పేజీలు, చెకౌట్ వద్ద బ్యాంక్ ఆఫర్ బ్యానర్లు కనిపించడం ప్రారంభమయ్యాక స్మార్ట్‌ఫోన్ల ధరలు మరింతగా తగ్గే అవకాశం ఉంది.

మీకు కావలసిన ప్రొడక్ట్ అత్యంత తక్కువ ధరకు దక్కాలంటే ఈ ఆఫర్లను సరైన ఆర్డర్‌లో అప్లై చేయండి. ముందుగా సేల్ డిస్కౌంట్ వర్తించనివ్వండి. ఆ తర్వాత బ్యాంక్ ఇన్‌స్టంట్ డిస్కౌంట్ యాడ్ చేసి, ఏవైనా బోనస్ కూపన్లు ఉంటే అప్లై చేయండి. ఆ వెంటనే ఎక్స్ఛేంజ్ ఆఫర్‌ను ఎంచుకుని, చివరగా ప్లాట్‌ఫామ్ పాయింట్లను రిడీమ్ చేసుకోండి. అయితే ఇక్కడొక ముఖ్యమైన విషయం గుర్తుంచుకోవాలి.. ఎక్స్ఛేంజ్ వ్యాల్యూ మినహాయించిన తర్వాత మాత్రమే బ్యాంక్ మినిమమ్ కార్ట్ వ్యాల్యూను లెక్కిస్తారు. అలాగే వాలెట్ లేదా అమెజాన్ పే బ్యాలెన్స్‌తో పార్ట్-పేమెంట్ చేస్తే ఇన్‌స్టంట్ డిస్కౌంట్ క్యాన్సిల్ అయ్యే ఛాన్స్ ఉంది. ఒకవేళ ఆఫర్ లిమిట్ దాటిపోతుంటే మీ కార్ట్‌ను రెండు భాగాలుగా విభజించి ఆర్డర్ చేయండి.

ఫ్లిప్‌కార్ట్ బిగ్ బిలియన్ డేస్, అమెజాన్ జిఐఎఫ్ బ్యాంక్ ఆఫర్లు

అమెజాన్ గ్రేట్ ఇండియన్ ఫెస్టివల్ సేల్‌లో స్టేట్ బ్యాంక్ ఆఫ్ ఇండియా (SBI) క్రెడిట్, డెబిట్ కార్డ్‌లు, ఇఎమ్‌ఐ లావాదేవీలపై 10 శాతం ఇన్‌స్టంట్ డిస్కౌంట్‌తో పాటు అమెజాన్ పే ఐసిఐసిఐ కార్డ్‌పై క్యాష్‌బ్యాక్ ప్రయోజనాలు లభిస్తాయని కంపెనీ స్పష్టం చేసింది. ఈ సేల్ అక్టోబర్ 8న షురూ కానుంది. ఇక ఫ్లిప్‌కార్ట్ బిగ్ బిలియన్ డేస్‌లో యాక్సిస్ బ్యాంక్, ఐసిఐసిఐ బ్యాంక్ కార్డ్‌లపై 10 శాతం ఇన్‌స్టంట్ డిస్కౌంట్ అందిస్తున్నారు. ప్లస్ మెంబర్లకు అక్టోబర్ 8న ఎర్లీ యాక్సెస్ లభిస్తుండగా, అక్టోబర్ 9 నుంచి పబ్లిక్ సేల్ ప్రారంభమవుతుంది.

ఐఫోన్ వర్సెస్ ఆండ్రాయిడ్: బ్యాంక్ ఆఫర్లు, ఎక్స్ఛేంజ్ బోనస్ ఎలా వాడుకోవాలి?

మీ పాత ఐఫోన్‌ను ఎక్స్ఛేంజ్ చేయడం వల్ల ఫ్లాట్ 10 శాతం బ్యాంక్ డిస్కౌంట్ కంటే ఎక్కువ లాభం ఉంటుంది. ప్రీమియం మోడళ్లపై లభించే భారీ ఎక్స్ఛేంజ్ బోనస్, బ్యాంక్ డిస్కౌంట్ పరిమితిని మించిపోతుంది. అదే మిడ్-రేంజ్ ఆండ్రాయిడ్ ఫోన్ల విషయానికొస్తే.. బ్యాంక్ డిస్కౌంట్‌తో పాటు నో-కాస్ట్ ఇఎమ్‌ఐ (No-cost EMI) ఎంచుకోవడం ఉత్తమం. నో-కాస్ట్ ఇఎమ్‌ఐ వడ్డీని ముందే డిస్కౌంట్ రూపంలో తగ్గించినప్పటికీ, బ్యాంకులు ప్రాసెసింగ్ ఫీజులు విధించవచ్చు. కాబట్టి చెకౌట్ చేసే సమయంలో టెన్యూర్, ఫీజులు, బ్యాంక్ నిబంధనలను ఒకసారి క్షుణ్ణంగా పరిశీలించండి.

బ్యాంక్ ఆఫర్లు ఎంచుకునేటప్పుడు కార్డ్ రకాలు, బిఐఎన్ (BIN) మినహాయింపులపై దృష్టి పెట్టండి. కొన్ని బ్యాంక్ ఆఫర్లు కార్పొరేట్ కార్డ్‌లు, క్యాష్‌బ్యాక్ వేరియంట్‌లు లేదా యుపిఐ ద్వారా వాడే రూపే క్రెడిట్ కార్డ్‌లకు వర్తించకపోవచ్చు. అమెజాన్ పే బ్యాలెన్స్ లేదా వాలెట్ ద్వారా సగం చెల్లింపులు చేస్తే ఇన్‌స్టంట్ డిస్కౌంట్ కోల్పోవచ్చు. యుపిఐ ద్వారా రూపే క్రెడిట్ కార్డ్‌లకు విస్తృత మద్దతు ఉన్నప్పటికీ, ప్రమోషనల్ బ్యాంక్ ఆఫర్లలో వాటిని మినహాయించే అవకాశం ఉంది. అందుకే చెకౌట్ చేసేటప్పుడు ఎక్స్ఛేంజ్ చెక్ చేసి, కార్డ్ లేదా ఇఎమ్‌ఐ ఎంచుకున్నాక ఫైనల్ ప్రైస్ కన్ఫర్మ్ చేసుకుని స్క్రీన్‌షాట్ తీసి ఉంచుకోండి.