ఈ ఒక్క పని చేస్తే చాలు ఉచితంగా ఐఫోన్ 16, గిఫ్ట్ వోచర్లు.. Flipkart iPhone 16 స్నాప్ కాంటెస్ట్..!

Flipkart iPhone 16 contest : సరికొత్త ఐఫోన్ 16ను ఒక్క రూపాయి కూడా ఖర్చు పెట్టకుండా మీ సొంతం చేసుకోవాలని ఉందా, అయితే మీకు ఇదే గోల్డెన్ ఛాన్స్. ఫ్లిప్‌కార్ట్ తీసుకొచ్చిన లేటెస్ట్ 'ఐఫోన్ 16 స్నాప్ కాంటెస్ట్' మీ కలను నిజం చేసే అవకాశం ఇస్తోంది. ప్రస్తుతం నడుస్తున్న ఈ కాంటెస్ట్‌లో పాల్గొని, ఉచితంగా ఐఫోన్ 16 గెలుచుకోవచ్చు లేదా రూ.2,000 వరకు విలువైన ఫ్లిప్‌కార్ట్ గిఫ్ట్ వోచర్లను కూడా పొందొచ్చు.

* ఫ్లిప్‌కార్ట్ ఐఫోన్ 16 స్నాప్ కాంటెస్ట్‌లో పాల్గొనడం ఎలా?
దీనికి కావాల్సిందల్లా మీ చురుకుదనం, ఓ స్క్రీన్‌షాట్, ఇంకా కాస్తంత అదృష్టం. ఇప్పుడు జరుగుతున్న కొన్ని కీలకమైన IPL 2025 మ్యాచ్‌ల సమయంలో, మ్యాచ్ మధ్యలో వచ్చే 'కీలక విరామ సమయాల్లో' (strategic timeouts), ఫ్లిప్‌కార్ట్ ఐఫోన్ 16 పై ఒక స్పెషల్ డిస్కౌంట్ ధరను ప్రకటిస్తుంది.

ఉదాహరణకు, MI vs LSG (మధ్యాహ్నం 3:30 గంటలకు).. DC vs RCB (రాత్రి 7:30 గంటలకు) లాంటి మ్యాచ్‌లలో ఈ ధరల ప్రకటన వస్తుంది. పాల్గొనాలంటే.. సరిగ్గా ఆ టైమ్‌కి ఫ్లిప్‌కార్ట్ యాప్ లేదా వెబ్‌సైట్‌లోని 'మొబైల్స్' విభాగాన్ని ఓపెన్ చేసి ఉంచాలి.

ఐఫోన్ 16 డిస్కౌంట్ ధర స్క్రీన్‌పై కనిపించిన వెంటనే, క్షణం ఆలస్యం చేయకుండా, ఒక క్లియర్ స్క్రీన్‌షాట్ తీసెయ్యండి. ఆ స్క్రీన్‌షాట్‌ని మీ ఇన్‌స్టాగ్రామ్, X (Twitter), లేదా ఫేస్‌బుక్ ఖాతాలలో పోస్ట్ చేయండి. పోస్ట్ చేసేటప్పుడు @ఫ్లిప్‌కార్ట్‌ను ట్యాగ్ చేయడం, #CrazyiPhone16FlipkartOffer అనే హ్యాష్‌ట్యాగ్‌ను వాడటం అస్సలు మర్చిపోవద్దు.

పోస్ట్ చేశాక, మీరు సోషల్ మీడియాలో పెట్టిన పోస్ట్ స్క్రీన్‌షాట్‌ను [email protected] అనే ఈమెయిల్ ఐడీకి పంపించాలి. గుర్తుంచుకోండి, ఎంత ఫాస్ట్‌గా చేస్తే గెలిచే ఛాన్సులు అంత ఎక్కువ. ఎందుకంటే, ముందుగా ఎవరు సరైన పద్ధతిలో ఎంట్రీ పంపిస్తారో వారికే బహుమతులు దక్కే అవకాశం ఉంటుంది.

* గెలుచుకోగల బహుమతులు ఏంటంటే..?
రివార్డులు చూస్తే అవాక్కవ్వాల్సిందే. మొదటి 10 మంది విజేతలకు ఉచితంగా సరికొత్త ఐఫోన్ 16 లభిస్తుంది. అయితే వేరియంట్ వివరాలు ఇంకా వెల్లడించలేదు. తర్వాతి 100 మంది విజేతలకు రూ.2,000 విలువైన ఫ్లిప్‌కార్ట్ గిఫ్ట్ వోచర్ దక్కుతుంది. ఆ తర్వాతి 500 మంది విజేతలకు రూ.1,000 విలువైన ఫ్లిప్‌కార్ట్ గిఫ్ట్ వోచర్ సొంతమవుతుంది.

* గెలిచే అవకాశాలు పెంచుకోవడానికి కొన్ని టిప్స్
మ్యాచ్ మధ్యలో వచ్చే కీలక విరామ సమయాల్లో చాలా అప్రమత్తంగా ఉండండి. ఒకేసారి ఫోన్, ల్యాప్‌టాప్, టాబ్లెట్.. ఇలా వేర్వేరు డివైజ్‌లలో ఫ్లిప్‌కార్ట్ పేజీని ఓపెన్ చేసి ఉంచండి. దేంట్లో ముందు కనిపిస్తే దాంట్లో స్క్రీన్‌షాట్ తీయొచ్చు. ఫ్లిప్‌కార్ట్ అధికారిక సోషల్ మీడియా ఖాతాలను ఫాలో అవ్వండి, నోటిఫికేషన్లు ఆన్ చేసుకోండి. అప్‌డేట్స్ మిస్ అవ్వరు.

* జాగ్రత్తలు
విజేతలను ఈమెయిల్ ద్వారానే కాంటాక్ట్ చేస్తారు, కాబట్టి మీ మెయిల్ బాక్స్ తరచూ చెక్ చేసుకోండి. వేగమే విజయానికి కీలకం, అందుకే రెడీగా ఉండాలి. అయితే బహుమతి వచ్చిందని చెప్పి, మీ నుంచి OTPలు, డబ్బులు, లేదా మీ బ్యాంక్ అకౌంట్ వివరాలు ఫ్లిప్‌కార్ట్ ఎప్పటికీ అడగదు.

కేవలం ఫ్లిప్‌కార్ట్ అధికారిక వెబ్‌సైట్ లేదా యాప్‌లో ఇచ్చే సమాచారాన్ని మాత్రమే నమ్మండి. ఈ పోటీ పేరు చెప్పి ఏవైనా అనుమానాస్పద మెసేజ్‌లు వస్తే, లేదా ఫేక్ వెబ్‌సైట్లు కనిపిస్తే రిపోర్ట్ చేయండి. ఈ ఐఫోన్ 16 స్నాప్ కాంటెస్ట్, IPL 2025 మ్యాచ్‌లు జరిగేంత కాలం నడుస్తుంది. కచ్చితమైన చివరి తేదీ ఇంకా ప్రకటించలేదు.

* ఐఫోన్ 16 గెలుచుకోవడం ఎందుకంత స్పెషల్..
ఈ ఐఫోన్ 16 A18 చిప్‌తో వస్తుంది, అంటే స్పీడ్ పరంగా దుమ్ములేపుతుంది. కెమెరా విషయంలో కూడా చాలా మెరుగుపరిచారు, ఫోటోలు బాగుంటాయి, వీడియోలు తీసుకోవచ్చు. 120Hz రిఫ్రెష్ రేట్ డిస్‌ప్లే లేకపోయినా, స్క్రీన్ చాలా బ్రైట్‌గా, క్లియర్‌గా ఉంటుంది. డిజైన్ చాలా స్టైలిష్‌గా, చేతిలో పట్టుకుంటే ప్రీమియంగా అనిపిస్తుంది.

చాలా దృఢంగా కూడా ఉంటుంది. కొత్తగా వచ్చిన యాక్షన్ బటన్, కెమెరా కంట్రోల్ బటన్ వాడకాన్ని మరింత ఈజీ చేస్తాయి. బ్యాటరీ లైఫ్ కూడా బాగుంది, ముఖ్యంగా ఐఫోన్ 16 ప్లస్, ఐఫోన్ 16 ప్రో మాక్స్ మోడళ్లలో ఇంకా ఎక్కువ సేపు వస్తుంది. మీరు పాత ఐఫోన్ నుంచి అప్‌గ్రేడ్ అవ్వాలనుకున్నా, లేదా మంచి ధరకు నమ్మకమైన ఫోన్ కావాలనుకున్నా, ఐఫోన్ 16 బెస్ట్ ఛాయిస్.