తెలంగాణాలో ఫ్లిప్‌కార్ట్‌ తొలి అడుగు, రాజధానిలో తొలి డేటా సెంటర్

విద్యుత్ ఆదా డాటా సెంటర్లలో

టైర్-4 శ్రేణిలో రూపొందించిన ఈ సెంటర్ విద్యుత్ వినియోగంలో చాలావరకు పునరుత్పాదక శక్తి ద్వారా వచ్చేదేనని, అత్యంత విద్యుత్ ఆదా డాటా సెంటర్లలో ఇది కూడా ఒకటని, వ్యాపార నిర్వహణ, అమ్మకం, కొనుగోలుదారులకు మెరుగైన సేవలను అందించడానికి డాటా సెంటర్లు కృషి చేస్తాయని ఫ్లిప్‌కార్ట్‌ చీఫ్‌ కార్పొరేట్‌ అఫైర్స్‌ ఆఫీసర్‌ రజనీష్‌ కుమార్‌ తెలిపారు.

ప్రభుత్వ సహకారం మరువలేనిది

రాష్ట్ర ప్రభుత్వం అందించిన సహకారం బాగుందని ఆయన ప్రశంసించారు. మాకు అన్నివిధాలా చేయూతనిచ్చిందని కొనియాడారు. చేసిన ప్రతీ ప్రయత్నం ఫలించేలా దోహదపడిందన్నారు. కాగా, 2007లో ప్రారంభమైన ఫ్లిప్‌కార్ట్‌ను వాల్‌మార్ట్ సొంతం చేసుకున్న విషయం తెలిసిందే.

తొలి రాష్ట్రం తెలంగాణ

దేశంలో డాటా సెంటర్లకు ప్రోత్సాహాన్నిచ్చేలా, ఓ అంకితభావంతో కూడిన విధానాన్ని ఆచరణలో పెట్టిన తొలి రాష్ట్రం తెలంగాణ అని రాష్ట్ర ఐటీ, వాణిజ్య శాఖల ప్రిన్సిపల్ సెక్రటరీ జయేశ్ రంజన్ అన్నారు. తమ విధానం సత్ఫలితాలనిస్తుండటం ఆనందంగా ఉందని ఫ్లిప్‌కార్ట్ డాటా సెంటర్ ప్రారంభోత్సవం సందర్భంగా తెలిపారు.

ఐటీ, టెక్నాలజీ కంపెనీల పెట్టుబడులకు

ఫ్లిప్‌కార్ట్ నిర్ణయాన్ని స్వాగతించిన ఆయన ఐటీ, టెక్నాలజీ కంపెనీల పెట్టుబడులకు తెలంగాణ నేడు తొలి ప్రాధాన్యతగా ఉందని గుర్తుచేశారు. మౌలిక సదుపాయాల కల్పనలో రాష్ట్ర ప్రభుత్వం చూపిస్తున్న చొరవ వ్యాపార, పారిశ్రామిక రంగాలను అమితంగా ఆకట్టుకుంటున్నదని చెప్పారు.