ఇక iPhone యూజ‌ర్లు 10 రెట్లు మెరుగ్గా స్పామ్ కాల్స్‌ను ప‌ట్టేయ్యొచ్చు!

10 రెట్లు మెరుగ్గా స్పామ్ గుర్తింపు:

కొత్త అప్‌డేట్ అందించే ప్రధాన మార్పులు ఏంటంటే.. స్పామ్ కాల్స్ నుండి రక్షణ ఇస్తుంది. ఒక బ్లాగ్ పోస్ట్‌లో కంపెనీ తెలిపిన ప్ర‌కారం, రియ‌ల్‌టైంలో స్పామ్ కాల్‌లను ప‌ది రెట్లు మెరుగ్గా గుర్తిస్తుంది. ఏదైనా నంబర్ ను శోధించడానికి వినియోగదారులు కాల్ ముగిసే వ‌ర‌కు వేచి ఉండాల్సిన అవసరం లేదు, ఎందుకంటే Truecaller యాప్ రింగ్ అవుతున్నప్పుడు కూడా వారి వివ‌రాల‌ను తెలియ‌జేస్తుంది. అంతేకాకుండా వ్యాపారాల‌ను మెరుగైన వెరిఫికేష‌న్ వ్య‌వ‌స్థ‌ను అందిస్తుంది.

గుర్తు తెలియ‌ని కాల‌ర్ల‌ను సులువుగా తెలుసుకోవ‌చ్చు:

కొత్త Truecaller యాప్ iPhone యూజ‌ర్ల‌కు వినియోగించ‌డానికి ఎంతో సుల‌భంగా ఉంటుంది. యూజ‌ర్లు ఎంతో సులువుగా యాప్‌లోకి లాగిన్ అయి అన్ని ఆప్ష‌న్ల‌ను వినియోగించుకోవ‌చ్చు. కొత్త Truecaller అప్‌డేట్‌ ద్వారా యాప్ ఓపెన్ చేయ‌కుండానే iPhone వినియోగదారులు నంబ‌ర్ల‌ను సెర్చ్ చేసే ప్రయోజనాన్ని పొందుతారు. మీకు ఏదైనా అన్‌నౌన్ నంబ‌ర్ నుంచి కాల్ వ‌చ్చిన‌ట్ల‌యితే.. మీరు మీ కాల్ లాగ్‌కి వెళ్లి, డిటైల్స్ బటన్‌ను నొక్కి ద్వారా Truecaller నుంచి వివ‌రాల‌ను క‌నుగొన‌వ‌చ్చు. తద్వారా ఆ కాలర్ పేరు బహిర్గతం చేయబడుతుంది. మీకు మళ్లీ అదే నంబర్ నుండి కాల్ వస్తే, ఫోన్ రింగ్ అవుతున్నప్పుడు ఎవరు కాల్ చేస్తున్నారో ట్రూకాలర్ కాలర్ ID మీకు చూపుతుంది.

 

ట్రూకాల‌ర్‌ను ఐఫోన్‌లో సెట‌ప్ చేయడం ఎలా!

Apple యాప్ స్టోర్ నుండి iPhone లో Truecaller యొక్క తాజా వెర్షన్‌ను ఇన్‌స్టాల్ చేసి లాగిన్‌ ప్రాసెస్‌ను పూర్తి చేయండి. ఆ త‌ర్వాత సెట‌ప్ చేయ‌డం కోసం.. ముందుగా సెట్టింగ్‌లు > ఫోన్ > కాల్ బ్లాకింగ్ & ఐడెంటిఫికేషన్‌కి వెళ్లి, Truecaller పార్ట్ 1, పార్ట్ 2, పార్ట్ 3 మరియు పార్ట్ 4ని ఎనేబుల్ చేయండి. దీని తర్వాత, మీ iPhone స్పామ్, స్కామ్ మరియు బిజినెస్ కాల్‌లను గుర్తించడం ప్రారంభిస్తుంది. అంతేకాకుండా, కాల‌ర్ వివరాలను ఇన్‌కమింగ్ కాల్ స్క్రీన్‌పై నేరుగా ప్రదర్శిస్తుంది.

SMS ఫిల్టరింగ్, స్పామ్ డిటెక్షన్ మరియు రీడిజైన్ చేయబడిన నంబర్ లుక్-అప్ విడ్జెట్‌ల వంటి కమ్యూనిటీ ఆధారిత సేవలు మరియు మరిన్నింటిని రాబోయే రోజుల్లో జోడించబోతున్నట్లు Truecaller ధృవీకరించింది. ఏదేమైనప్ప‌టికీ, మీకు ఉత్తమమైన ట్రూకాలర్ అనుభవం కావాలంటే, మీరు ఆండ్రాయిడ్ స్మార్ట్‌ఫోన్ వినియోగంతో మాత్ర‌మే ల‌భిస్తుంది.