ఆహారం మంచిదో కాదో చిటికెలో చెప్పేస్తుంది

By Sivanjaneyulu

Published: Tuesday, January 5, 2016, 17:27 [IST]

రోజు మీరు తీసుకుంటున్న ఆహారంలో ఎన్నెన్ని క్యాలరీలు ఉంటున్నాయో తెలుసుకోవాలని ఉందా..? అయితే మీ వద్ద SCiO ఉండి తీరాల్సిందే. ఫ్రెంచ్ స్టార్టప్ డైట్ సెన్సార్, స్కియో (SCiO)పాకెజ్ సైజ్ బ్లుటూత్ కనెక్టెడ్ మాలిక్యులర్ సెన్సర్‌ను లాంచ్ చేసింది.

ఆహారం మంచిదో కాదో చిటికెలో చెప్పేస్తుంది

ఈ కొత్త గాడ్జెట్ మీరు తీసుకుంటున్న ఆహారానికి సంబంధించిన కెమికల్ మేకప్‌ను స్కాన్ చేసి అందులోని పోషక విలువలను లెక్కించేస్తుంది. ఈ మాలిక్యులర్ సెన్సార్‌లో ఏర్పాటు చేసిన నియర్ - ఇన్‌ఫ్రారెడ్ స్పెక్ట్రోస్కోపీ వ్యవస్థ ఆహారంలోని కెమికల్ మేకప్‌ను విశ్లేషించి అందులోని న్యూట్రీషన్ శాతాన్ని చెప్పేస్తుంది. ఆహారంలోని అణువులు స్కానర్ నుంచి విడుదలయ్యే కాంతితో ఇంటరాక్ట్ కావటం వల్ల ఈ చర్య సాధ్యమవుతుంది. ఈ స్కానర్ మార్కెట్ ధర 249 డాలర్లు. డివైస్‌తో వచ్చే యాప్‌ను ఉచితంగా డౌన్‌లోడ్ చేసుకోవచ్చు. వినియోగించుకున్నందుకు నెలకు 10 డాలర్ల చొప్పున చెల్లించాల్సి ఉంటుంది. డైటర్స్‌‌కు ఈ గాడ్జెట్ మరింతగా ఉపయోగపడనుంది.

2016లో ఆండ్రాయిడ్ ఏం చేయబోతోంది?

సాంకేతిక విప్లవం మరింత వేగవంతంగా పుంజుకోవటంతో వెలుగులోకి వస్తున్న సరికొత్త ఆవిష్కరణలు మానవ జీవితాలను మరింత సుఖమయం చేసేస్తున్నాయి. సమాచార వ్యవస్థ మొదలుకుని అన్ని రంగాల్లోనూ సాంకేతికత తన సత్తాను ప్రదర్శిస్తోంది.