Gmail నుంచి నమ్మశక్యం కాని ఫీచర్లు, భద్రతకే పెద్ద పీట

Confidential Mode

కొత్త మెయిల్ Confidential Modeలో రానుంది. దీని ప్రకారం మీరు ఎవరికైనా మెయిల్ పంపిస్తే ఆ మెయిల్ ను వారు మరొకరికి ఫార్వార్డ్ చేయకుండా చేసుకోవచ్చు.అంతేకాదు, మీరు పంపిన మెయిల్ ను కాపీ చేయడం కానీ, ప్రింట్ తీసుకునే అవకాశం కానీ ఉండదు.

Image source : the verge

మెయిల్స్ ను ఓపెన్ చేసి చదవాలంటే..

అలాగే, వచ్చిన మెయిల్స్ ను ఓపెన్ చేసి చదవాలంటే పాస్ కోడ్ అవసరం. ఈ పాస్ కోడ్ ను టెక్ట్స్ సందేశం ద్వారా గూగుల్ పంపిస్తుంది. అంతేకాదు, పంపిన మెయిల్స్ కు ఎక్స్ పయిరీ తేదీ కూడా సెట్ చేసుకోవచ్చు. అంటే నిర్ణీత సమయం తర్వాత అవి డిలీట్ అయిపోతాయి.

source : the verge

జీమెయిల్ రీడిజైన్..

గూగుల్ రానున్న రోజుల్లో జీమెయిల్ రీడిజైన్ చేస్తూ చేయనుందని దీని ద్వారా యూజర్లకు జీమెయిల్ యాక్సెస్ లో మంచి అనుభూతిని పొందుతారని గూగుల్ ప్రతినిధి ఒకరు TechCrunch సైటుకి తెలియజేశారు. కాగా గూగుల్ ఇన్ బాక్స్ ఈమెయిల్ ప్రాజెక్టులో అనేక రకాలైన ఫీచర్లు రాబోతున్నాయని తెలుస్తోంది.

గూగుల్ స్మార్ట్ రిప్లయి..

గూగుల్ స్మార్ట్ రిప్లయి ప్రధాన ఆకర్షణగా నిలవనుందని తెలుస్తోంది. మీరు మీ జీమెయిల్ నుంచి కాకుండా డెస్క్ టాప్ మీద నుంచే నేరుగా రిప్లయి ఇచ్చే విధంగా గూగుల్ కొత్త ఫీచర్ అందుబాటులోకి రానున్నట్లు తెలుస్తోంది. ఈ ఫీచర్లు ఆండ్రాయిడ్ , ఐఓఎస్ యూజర్లు ఇద్దరికీ అందుబాటులో ఉంటాయి.

Gmail's privacy features

కాగా గూగుల్ గతేడాది Gmail's privacy featuresని కట్టుదిట్టం చేసిన సంగతి తెలిసిందే. జీమెయిల్ కంటెంట్ ఎవరూ స్కాన్ చేయలేని విధంగా సెక్యూరిటీని తీసుకొచ్చింది. అయితే గూగుల్ నుంచి త్వరలో రానున్న ఫీచర్ల మీద ఎటువంటి స్పష్టత గాని ప్రకటన కాని చేయలేదు. కాగా వచ్చే నెలలో దీనిపై గూగుల్ ప్రకటన వెలువడే అవకాశం ఉన్నట్లు తెలుస్తోంది.