చైనా యాప్‌ టిక్ టాక్‌కి దిమ్మతిరిగే షాకిచ్చిన గూగుల్

యాప్‌ నిషేధంపై స్టే

టిక్‌ టాక్‌ యాప్‌ నిషేధంపై స్టే విధించాలంటూ చైనాకు చెందిన బైటెన్స్ టెక్నాలజీ అభ్యర్థనను సుప్రీంకోర్టు తిరస్కరించిన కొన్ని గంటల తరువాత ఈ పరిణామం చోటు చేసుకుంది. అయితే బ్యాన్ వ్యవహారంపై గూగుల్‌, ఆపిల్‌ అధికారికంగా ఇంకా ఎటువంటి స్పంద ఇవ్వలేదు.

బైటెన్స్ టెక్నాలజీ అభ్యర్థను

ఏప్రిల్‌ 3నాటి మద్రాస్‌ కోర్టుతీర్పును సవాల్‌ చేస్తూ చైనాకు చెందిన బైటెన్స్ టెక్నాలజీ సుప్రీంకోర్టును ఆశ్రయించింది. కింది కోర్టు తీర్పును సమర్ధించిన చీఫ్ జస్టిస్ రంజన్ గోగొయ్ నేతృత్వంలోని కమిటీ తదుపరి విచారణను ఈ నెల( ఏప్రిల్) 22కి వాయిదా వేసింది.

నష్టాలేంటో లిఖిత వివరణ

మద్రాస్ హైకోర్టు విధించిన నిషేదం అప్పటి వరకూ కొనసాగుతుందని సుప్రీంకోర్టు స్పష్టం చేసింది. దీంతో పాటు గూగుల్, ఆపిల్ సంస్థలను టిక్ టాక్ వాడకంలో ఉండడం వల్ల నష్టాలేంటో లిఖిత వివరణ ఇవ్వాలని ఆదేశించింది. యాప్ స్టోర్ల నుంచి టిక్ టాక్‍‌ను తొలగించాలని పేర్కొంది.

టీనేజర్‌లు, యువతపై

టిక్ టాక్‌ను తమిళనాడులో నిషేదించాలన్న అభ్యర్థన సమర్దించిన మద్రాస్‌ హైకోర్టు యాప్‌పై నిషేధాన్ని విధించింది. అలాగే గూగుల్, ఆపిల్ స్టోర్లలో ప్రమాదకరమైన యాప్‌ను తొలగించాలని కేంద్రాన్ని కోరింది. టిక్ టాక్, హలో యాప్‌లు దేశవ్యాప్తంగా టీనేజర్‌లు, యువతపై దుష్ర్పభావాన్ని చూపిస్తున్నయని పేర్కొంది. దీనికి అనుకూలంగానే సుప్రీం కూడా తీర్పునివ్వడంతో గూగుల్‌ ఈ చర్యకు తీసుకున్నట్టు సమాచారం.

ప్రపంచవ్యాప్తంగా ఇప్పుడు మూడవస్థానాన్ని

ఇదిలా ఉంటే కొద్ది రోజుల ముందే టిక్ టాక్‌లో అభ్యంతరకర వీడియోలు ఉన్నాయంటూ ఫిర్యాదు అందడంతో టిక్ టాక్ 6 మిలియన్ వీడియోలను తొలగించింది. కాగా ఈ యాప్ ప్రపంచవ్యాప్తంగా ఇప్పుడు మూడవస్థానాన్ని ఆక్రమించింది. మొదటి రెండు స్థానాల్లో గూగుల్, ఆపిల్ ఉన్నాయి.

240 మిలియన్లకంటే ఎక్కువసార్లు

సెన్సార్ టవర్ ఫిబ్రవరిలో అందించిన సమాచారం ప్రకారం ఇదిభారతదేశంలో 240 మిలియన్లకంటే ఎక్కువసార్లు డౌన్‌లోడ్‌ అయింది. 30 మిలియన్ల కంటే ఎక్కువమంది వినియోగదారులు 2019 జనవరిలో ఈ యాప్‌ను ఇన్‌స్టాల్‌ చేశారట. గత ఏడాది ఇదే నెలలో పోలిస్తే ఇది 12 రెట్లు ఎక్కువ.

భారతదేశంలో 250కు పైగా ఉద్యోగులను

అంతేకాదు భారతదేశంలో 250కు పైగా ఉద్యోగులను నియమించుకున్న ఈ సంస్థ తన వ్యాపార విస్తరణ కోసం ఎక్కువ పెట్టుబడులు పెట్టేందుకు ప్రణాళికలు సిద్ధం చేస్తోందట. మరోవైపు ఇప్పటికే అమెరికా, బ్రిటన్‌, హాంకాంగ్, ఇండోనేషియా దేశాల్లో దీనిపై పూర్తి నిషేధం అమల్లో ఉంది.