గూగుల్ క్లిప్స్.. మార్కెట్లోకి మరో అద్బుతమైన కెమెరా

ఫీల్డ్ ఫోటోగ్రఫీకి ఆర్టిఫీషియల్ ఇంటెలిజెన్స్ టెక్నాలజీని జోడించి సరికొత్త ఆవిష్కరణకు గూగుల్ ఊపిరి పోసింది. Clips పేరుతో ఓ ఇన్నోవేటివ్ కెమెరాను గూగుల్ సంస్థ మార్కెట్లో లాంచ్ చేసింది.

పాకెట్ సైజ్ పరిమాణంలో ఉండే ఈ కెమెరా ఆర్టిఫీషియల్ ఇంటెలిజెన్స్ టెక్నాలజీ సహాయంతో మనకు తెలియకుండానే, మనకు సంబధించిన సహజసిద్ధమైన మూమెంట్స్‌ను ఫోటోస్ అలానే వీడియోస్ రూపంలో బంధిస్తుంది.

ఫోటోస్ అలానే వీడియోస్‌లో సహజత్వాన్ని కోరుకునే వారికి ఈ క్లిప్స్ కెమెరా బెస్ట్ ఆప్షన్‌గా నిలుస్తుంది.

ఈ హోమ్ కెమెరాను లివింగ్ రూమ్‌లో అమర్చి ఉంచితే చాలు, దాని పని అదే చేసుకుపోతుంది. క్లిప్స్ కెమెరాలో డిస్‌ప్లే, వ్యూఫైండర్ వంటి సౌకర్యాలు ఉండవు. ఈ కెమెరా నేరుగా యూజర్ స్మార్ట్‌ఫోన్‌కు కనెక్ట్ అయి ఉంటుంది. క్యాప్చుర్ అయిన కంటెంట్‌ను నేరుగా స్మార్ట్‌ఫోన్‌లోనే వీక్షించుకునే వీలుంటుంది.

ఈ తరహా సాంకేతికతతో పలు యాక్షన్ కెమెరాలు మార్కెట్లో అందుబాటులో ఉన్నప్పటికి క్లిప్స్ కెమెరాతో వాటిని పోల్చి చూడలేం. క్లిప్స్ కెమెరాను ఇంటి అవసరాల కోసం గూగుల్ అభివృద్ధి చేసింది. ఈ కెమెరాను ఇంట్లో ఎక్కడ కావాలంటే అక్కడ ఫిక్స్ చేసుకునే వీలుంటుంది.