మీ జిమెయిల్, యూట్యూబ్ ఖాతాలకు 'పాస్ కీ' ఫీచర్! ఇది ఎలా పని చేస్తుందో తెలుసుకోండి

సాధారణంగా మీ Gmail మరియు ఇతర పాస్ వర్డ్ లను గుర్తుపెట్టుకోవడానికి చాలా మంది ఇబ్బంది పడుతుంటారు. ఇలా పాస్‌వర్డ్‌లను గుర్తుంచుకోవడంలో ఇబ్బంది పడే వినియోగదారులకు సహాయం చేయడానికి గూగుల్ ఒక పెద్ద అప్డేట్ ను ప్రకటించింది. ఈ కొత్త అప్డేట్ ఎలా పనిచేస్తుంది, మీకు ఎలా ఉపయోగపడుతుంది అనే వివరాలు ఇక్కడ తెలుసుకుందాం.

మీ వేలిముద్ర,ఫేస్ స్కాన్ లేదా స్క్రీన్ లాక్ పిన్‌తోనే గూగుల్ ఖాతాకు లాగిన్ చేయడంలో మీకు సహాయం చేయడానికి కంపెనీ ఇప్పుడు పాస్‌కీలను ఉపయోగించేలా ఫీచర్ ను తీసుకువచ్చింది. అంటే, మీరు పాస్‌వర్డ్ లేకుండా ఒకే గూగుల్ ఖాతాతో లింక్ అయిన జిమెయిల్ మరియు యూట్యూబ్ ని యాక్సెస్ చేయవచ్చని దీని అర్థం. ఇది ఎలా పని చేస్తుంది? వివరాలు తెలుసుకుందాం.

మొదట,మీరు పాస్‌కీలను మాన్యువల్‌గా ప్రారంభించాలి మరియు ఈ ఆప్షన్ ఇప్పటికే అందుబాటులో ఉంది. మీరు జిమెయిల్ ని ఉపయోగిస్తుంటే ఈ స్టెప్స్ ని ఫాలో అవ్వండి. మీ ప్రొఫైల్ ఫోటో > మీ Google ఖాతాను నిర్వహించండి > సెక్యూరిటీ > పాస్‌కీలను క్లిక్ చేయండి. ఈ ఫీచర్ ఆండ్రాయిడ్ మరియు iOS రెండింటిలోనూ పనిచేస్తుంది.

మీరు ఈ ఫీచర్ ని కీబోర్డ్‌లో విలీనం చేసిన వేలిముద్ర స్కానర్‌తో Windows PCలలో కూడా ఉపయోగించవచ్చు. లేకపోతే, పెన్ డ్రైవ్‌లా పనిచేసే ఎక్స్టర్నల్ పాస్‌కీలు అందుబాటులో ఉన్నాయి. మీరు అలా చేసినప్పుడు, మీరు సైన్ ఇన్ చేసినప్పుడు గూగుల్ మీ పాస్‌వర్డ్ లేదా 2 స్టెప్ ధృవీకరణ (2SV) కోసం అడగదు.

ఈ పద్దతిలో పాస్‌వర్డ్‌ల కంటే 'పాస్‌కీలు' మరింత అనుకూలమైన మరియు సురక్షితమైన ప్రత్యామ్నాయమని గూగుల్ వివరిస్తుంది. అవి అన్ని ప్రధాన ప్లాట్‌ఫారమ్‌లు మరియు బ్రౌజర్‌లలో పని చేస్తాయి మరియు వినియోగదారులు యొక్క వారి వేలిముద్ర, ముఖ గుర్తింపు లేదా స్థానిక పిన్‌తో వారి కంప్యూటర్ లేదా మొబైల్ పరికరాన్ని అన్‌లాక్ చేయడం ద్వారా సైన్ ఇన్ చేయడానికి అనుమతిస్తాయి.

ఇక ఈ పద్దతిలో భద్రతా కారణాలను పరిశీలిస్తే, పాస్‌కీలు సైబర్‌ అటాక్ లను కొంతవరకు నిరోధించగలవు. ఎందుకంటే స్కామర్ లు మీ పాస్‌వర్డ్‌ను సులభంగా దొంగిలించలేరు అని గూగుల్ వివరిస్తుంది:

"సాధారణ పాస్‌స్‌వర్డ్‌ల మాదిరిగా కాకుండా, పాస్‌కీలు మీ పరికరాల్లో మాత్రమే ఉంటాయి. వాటిని వ్రాయలేము లేదా ప్రమాదవశాత్తూ స్కామర్ లకు చేరవు. మీరు మీ గూగుల్ ఖాతాకు సైన్ ఇన్ చేయడానికి పాస్‌కీని ఉపయోగించినప్పుడు, మీ పరికరానికి మీకు అనుమతి ఉందని గూగుల్ కి రుజువు చేస్తుంది. అలాగే, పాస్‌కీలు మిమ్మల్ని ఫిషింగ్ మరియు హ్యాకర్ల బారి నుండి మిమ్మల్ని కాపాడుతుంది".

మీ పరికరంలోనే పాస్‌కీలు నిల్వ చేయబడినందున, మీరు అనేక పరికరాల కోసం బహుళ పాస్‌కీలను సృష్టించవచ్చు. ఉదాహరణకు, మీరు టాబ్లెట్‌లు, స్మార్ట్‌ఫోన్‌లు మరియు PCల కోసం పాస్‌కీని సృష్టించవచ్చని దీని అర్థం. పాస్‌వర్డ్ ఒకటే అయినప్పటికీ, ఇది మీ బయోమెట్రిక్ స్కాన్ ను ఉపయోగిస్తుంది.

అంతేకాకుండా, మీరు మొదటి సారి కొత్త పరికరంలో సైన్ ఇన్ చేయాలనుకుంటే లేదా వేరొకరి పరికరాన్ని తాత్కాలికంగా ఉపయోగించాలనుకుంటే, అలా చేయడానికి మీరు మీ ఫోన్‌లో నిల్వ చేసిన పాస్‌కీని ఉపయోగించవచ్చు. కొత్త పరికరంలో, మీరు "మరొక పరికరం నుండి పాస్‌కీని ఉపయోగించడం" ఎంపికను ఎంచుకుని, ప్రాంప్ట్‌లను అనుసరించండి. అయితే, ఈ ఆప్షన్ ప్రస్తుతం ఇంకా అందుబాటులో లేదు.