ఢిల్లీ ఘటనకు గూగుల్ నివాళి!

సభ్యసమాజం తలదించుకునేలా ఆరుగురు మానవ మృగాల చేతిలో అత్యంత కీరాతకంగా అత్యాచారానికి గురై అసువులు బాసిన భరతమాత ముద్దు బిడ్డ ధామినికి సెర్చ్ ఇంజన్ జెయింట్ గూగుల్ నివాళులర్పించింది. ‘ఇన్ ద మెమరీ ఆఫ్ ఢిల్లీ బ్రేవ్ హార్ట్’అనే ట్యాగ్‌లైన్‌తో ఓ క్యాండిల్‌ను తన హోమ్ పేజీలో ఉంచింది. ఈ ఉదంతానికి సబంధించి వివరాలను పరిశీలిస్తే... ఢిల్లీ ప్రాంతానికి చెందిన 23ఏళ్ల వైద్య విద్యార్థిని ధామిని డిసెంబర్ 16 (ఆదివారం రాత్రి) ఆరుగురు కీచక కామాంధుల చేతిలో హత్యాచారానికి గురైంది. ఈ ఘటనలో తీవ్రంగా గాయపడిన ఆమోను మెరుగైన వైద్యసేవల నిమిత్తం సింగపూర్ తరలించినప్పటికి ఫలితం లేకుండా పోయింది. 13 రోజుల చావుబతుకుల పోరటంలో అంతిమంగా ఆమె ఓడిపోయింది. శనివారం తెల్లవారుజామున 2.15 నిమిషాలకు ధామిని తుదిశ్వాస విడిచారు.