Google Messages లో కొత్తగా మెసేజ్ షెడ్యూల్ ఫీచర్!!

Published: Friday, November 6, 2020, 15:44 [IST]

గూగుల్ మెసేజెస్ యొక్క తాజా అప్ డేట్ లో భాగంగా కొత్త ఫీచర్ వినియోగదారులు ఎవరికైనా మెసేజ్ లను పంపడానికి కొత్తగా షెడ్యూల్ అనే ఎంపికను అనుమతిస్తుంది. కొన్ని నివేదికల ప్రకారం ఈ కొత్త ఫీచర్ కొంతమంది వినియోగదారుల కోసం మాత్రమే ప్రారంభమైంది. తాజా గూగుల్ మెసేజ్ APK ఈ ఫీచర్ కోసం ప్రత్యేకమైన కోడ్‌ను కలిగి ఉంది. మెసేజ్ ను టైప్ చేసిన తరువాత వినియోగదారులు దాన్ని పంపించదలిచిన సమయం మరియు తేదీని ఎంచుకోవచ్చు. వినియోగదారులు ముందే నిర్వచించిన షెడ్యూల్ సమయాల్లో ఒకదాని నుండి ఎంచుకోవచ్చు లేదా అనుకూల తేదీ మరియు సమయాన్ని కూడా ఎంచుకోవచ్చు. షెడ్యూల్ చేసే మెసేజ్ ఫీచర్ ఇంకా వినియోగదారులందరికీ విడుదల కాలేదు. దీని గురించి మరిన్ని వివరాలు తెలుసుకోవడానికి ముందుకు చదవండి.

గూగుల్ మెసేజ్ షెడ్యూల్ ఫీచర్

గూగుల్‌లో మెసేజ్లను షెడ్యూల్ చేయడానికి వినియోగదారులు మెసేజ్ ను రూపొందించిన తర్వాత 'సెండ్' బటన్‌ను నొక్కి పట్టుకోవాలి. ఇది కొత్తగా షెడ్యూల్ మెసేజ్ ఎంపికను ఓపెన్ చేస్తుంది. ఇందులో వినియోగదారులు ఎంచుకోవడానికి మూడు డిఫాల్ట్ సమయాలు అందుబాటులో ఉంటాయి. ఇందులో "ఈ రోజు సాయంత్రం 6:00 తరువాత" "ఈ రాత్రి 9:00 తరువాత" లేదా "రేపు ఉదయం 8:00 తరువాత" వంటి మూడు ఎంపికలను మాత్రమే ఎంచుకోవడానికి ప్రస్తుతం వినియోగదారులకు అందుబాటులో ఉన్నట్లు కనిపిస్తుంది. దీని యొక్క షెడ్యూల్ ఫీచర్స్ ఇంకా విస్తృతంగా విడుదల కాలేదు.

గూగుల్ మెసేజ్ షెడ్యూల్ ఫీచర్ ఉపయోగించే విధానం

ముందుగా నిర్ణయించిన సమయంలో మీ మెసేజ్లను షెడ్యూల్ చేయకూడదనుకుంటే లేదా మరొక రోజు ఎంచుకోవాలనుకుంటే కనుక మీరు తేదీ మరియు సమయాన్ని ఎంచుకోవడం మరియు అనుకూలీకరించడం ద్వారా చేయవచ్చు. దీని తరువాత గూగుల్ మెసేజ్లలో షెడ్యూల్‌ను సెట్ చేయడానికి సేవ్ నొక్కండి. మీరు మెసేజ్ ను లేదా పంపించాల్సిన సమయాన్ని మార్చాలనుకుంటే మీరు మెసేజ్ పై క్లిక్ చేయవచ్చు. పాప్-అప్ మెను మీకు మెసేజ్ ను అప్ డేట్ చేయడానికి, ఇప్పుడే పంపడానికి లేదా పూర్తిగా తొలగించడం వంటి ఎంపికలను ఇస్తుంది.

గూగుల్ మెసేజ్ ఇతర కొత్త ఫీచర్లు

ఇటీవల గూగుల్ మెసేజ్లు కొంతమంది వినియోగదారుల కోసం మెసేజ్ ను వేర్వేరు వర్గాలుగా క్రమబద్ధీకరించడానికి అనుమతించే ఒక కొత్త ఫీచర్ ను కూడా రూపొందించాయి. ఇటువంటి వర్గాలలో వ్యక్తిగత, లావాదేవీలు, OTP (వన్-టైమ్ పాస్‌వర్డ్‌లు), ఆఫర్‌లు మరియు మరిన్ని విభాగాలు ఉన్నాయి. వినియోగదారులు ఈ ఫీచర్ ను ప్రారంభించిన తర్వాత దాన్ని ప్రారంభించడానికి లేదా నిలిపివేయడానికి ఎంచుకోవచ్చు.